Lao (ພາສາລາວ)
Free Joomla Templates

ສະຖິຕິຜູ້ເຂົ້າຊົມ (1.1.2015)

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້​ນີ້30
mod_vvisit_counter​ມື້​ວານນີ້42
mod_vvisit_counter​ອາ​ທິດ​ນີ້30
mod_vvisit_counter​ອາ​ທິດ​ກ່ອນ296
mod_vvisit_counter​ເດືອນນີ້793
mod_vvisit_counter​ເດືອນ​ກ່ອນ1493
mod_vvisit_counter​ທັງ​ໝົດ36992

ປະຕິທິນ

ມັງກອນ 2018
1234567
891011121314
15161718192021
22232425262728
293031
22
Dec
2014

ສສກ ຈະມີນະໂຍບາຍ ຕໍ່ນັກຮຽນເກັ່ງ ແລະ ຄູສອນດີ-ສອນເກັ່ງ ໃນຊັ້ນປະຖົມສຶກສາ ຢ່າງສົມກຽດ

PDF ພິມ ອີເມລ
   

      ໃນສົກ 2015-2016 ເປັນຕົ້ນໄປກະຊວງສຶກສາທິການ ແລະ ກິລາ ຈະໄດ້ປະຕິບັດ ນະໂຍບາຍ ແລະ ຍ້ອງຍໍແກ່ນັກຮຽນເກັ່ງ ແລະ ຄູສອນດີ-ສອນເກັ່ງ ຢ່າງສົມກຽດ ໃນຊັ້ນ ປະຖົມສຶກສາ ທັງພາກລັດ-ເອກະຊົນ ເພື່ອສົ່ງເສີມ, ຊຸກຍູ້ຂະບວນການ ການຮຽນ-ການ ສອນໃຫ້ມີຄຸນະພາບກ້າວສູ່ລະດັບພາກພື້ນ ແລະເມື່ອວັນທີ 15 ທັນວາ ຜ່ານມາ ທີ່ສະໂມ ສອນໄຟຟ້າ ທ່າລາດ ເມືອງແກ້ວອຸດົມ ແຂວງວຽງຈັນ ກົມອະນຸບານ ແລະ ປະ ຖົມສຶກສາ

ກະຊວງ ສສກ ໄດ້ຈັດກອງປະຊຸມປະຈຳປີ ເພື່ອຖອດຖອນບົດຮຽນກ່ຽວກັບການສອບ ເສັງ ນັກຮຽນເກັ່ງ ແລະ ຖອດຖອນບົດຮຽນ ການຈັດຕັ້ງ ປະຕິບັດວຽກງານຂອງກົມ ໃນທົ່ວ ລະ ຫວ່າງວັນທີ 15-20 ທັນວາ 2014 ພາຍໃຕ້ການເປັນປະທານຂອງທ່ານ ດຣ ມີທອງ ສຸວັນວິໄຊຫົວ ໜ້າກົມອະນຸບານ ແລະ ປະຖົມ ສຶກສາ, ມີຄະນະກົມອະນຸບານ ແລະ ປະຖົມສຶກສາ, ຄະນະກົມ ແລະ ສູນທີ່ກ່ຽວຂ້ອງ, ບັນດາຄະນະພະແນກ ສຶກສາທິການ ແລະ ກິລາ, ຂະແໜງອະນຸບານ ແລະ ປະຖົມສຶກສາໃນທົ່ວປະເທດເຂົ້າຮ່ວມ.

   ໂອກາດນີ້, ທ່ານ ດຣ. ມີທອງ ສຸວັນວິໄຊ ກໍ່ໄດ້ເນັ້ນໜັກກອງປະຊຸມດັ່ງກ່າວ ຕ້ອງເລັງເຫັນຄວາມສຳຄັນໃນ ການປະກອບຄຳຄິດເຫັນ ເພື່ອສະເໜີບັນຫາຕ່າງໆ ແລະພ້ອມກັນເຈາະຈີ້ມແກ້ໄຂບັນ ຫາທີ່ຖືກຕ້ອງໂດຍສະເພາະຜົນສະຫຼຸບຕີລາຄາຄືນການສອບ ເສັງນັກຮຽນໃນໄລຍະ ທີ່ຜ່ານມາເພື່ອຈະສົ່ງເສີມປະຕິບັດນະໂຍບາຍໄລຍະໃໝ່ຂອງກະຊວງ ສສກສະໜັບສະໜູນໃຫ້ແກ່ຄູສອນດີ ແລະ ນັກຮຽນເກັ່ງໃຫ້ມີ ຄວາມສອດ ຄ່ອງກັບແນວທາງນະໂຍບາຍແຜນຍຸດທະສາດ ການປະຕິຮູບການສຶກສາ ຂອງກະຊວງສຶກສາທິການ ແລະ ກິລາວາງອອກໃຫ້ ປາກົດຜົນເປັນຈິງ.

ຫຼັງຈາກນັ້ນ, ກໍ່ຈະໄດ້ນຳເອົາ ມະຕິກອງປະຊຸມຄັ້ງນີ້ ເພື່ອນຳໄປປະຕິບັດ ສອບເສັງນັກຮຽນເກັ່ງໃນຊັ້ນປະຖົມ ປໍ5 ທີ່ຈະເປີດຂຶ້ນໃນ ເດືອນ ເມສາ ໃນປີ 2015 ນີ້ໃຫ້ໄດ້ຜົນປະໂຫຍດສູງສຸດຕໍ່ການສ້າງຊັບພະຍາກອນມະນຸດ ໃຫ້ແກ່ປະເທດຊາດ ກໍ່ຄື ສາມາດເລືອກໄດ້ນັກ ຮຽນເກັ່ງທີ່ມີຄຸນະພາບ ຕາມຄວາມຕ້ອງການຂອງສັງຄົມໃນ ປັດຈຸບັນ. ຫຼັງຈາກນັ້ນ, ທ່ານ ຄຳຜ່ານ ພົມມະນີຈັນ ຮອງຫົວໜ້າພະແນກ ຕິດຕາມ ແລະ ປະເມີນຜົນກົມ ອະນຸບານ ແລະ ປະຖົມສຶກສາ ກໍ່ໄດ້ຜ່ານ ຂໍ້ຕົກລົງ ໃນການກຳນົດການຈັດຕັ້ງປະຕິບັດນະໂຍບາຍ ແລະ ການ ຍ້ອງຍໍຕໍ່ຄູສອນດີ-ສອນເກັ່ງ ແລະ ນັກຮຽນເກັ່ງໃນຊັ້ນປະຖົມ ທັງພາກລັດ-ເອກະຊົນ ທີ່ຜ່ານການສອບເສັງແຂ່ງ ຂັນໃນລະດັບທ້ອງ ຖິ່ນ, ສູນກາງ, ພາກພື້ນ ແລະ ສາກົນ ໃນຂອບເຂດທົ່ວປະເທດ ເພື່ອສົ່ງເສີມນັກຮຽນເກັ່ງທີ່ມີພອນສະຫວັນ, ຊຸກຍູ້ຂະບວນການ ຮຽນ-ການສອນ ຂອງນັກຮຽນ ແລະ ຄູສອນດີ ໃຫ້ມີຄຸນະພາບສູງ ເພື່ອເຂົ້າຮ່ວມການສອບເສັງລະດັບຊາດ, ພາກພື້ນ ແລະ ສາກົນ. ໂດຍການປະຕິບັດນະໂຍບາຍ ຕໍ່ຄູສອນດີ, ນັກຮຽນເກັ່ງ ໃນຊັ້ນປະຖົມສຶກສາໃນຄັ້ງນີ້ແມ່ນການ ໃຫ້ລາງວັນແກ່ນັກຮຽນເກັ່ງຜູ້ທີ່ ສອບ ເສັງໄດ້ ໃນລະດັບຊາດ, ລະດັບພາກພື້ນ ແລະ ສາກົນ ແມ່ນຈະໄດ້ຮັບເງິນລາງວັນ, ຫຼຽນ, ໃບຍ້ອງຍໍ, ໃບຢັ້ງຢືນ, ທຶນການສຶກສາ, ຫຼຽນ ໄຊແຮງງານ ຊັ້ນ II, III, ຫຼຽນກາ ແລະ ອື່ນໆ ຕາມຄວາມເໝາະສົມ ສ່ວນຄູສອນນັກຮຽນເກັ່ງ ກໍ່ຈະໄດ້ຮັບບູລິມະສິດ ໄປຍົກລະດັບ, ເຝິກອົບຮົມ, ທັດ ສະນະສຶກສາ ແລະ ໄປແລກປ່ຽນບົດຮຽນທັງພາຍໃນ ແລະ ຕ່າງປະເທດ. ຂະນະທີ່ ຄູສອນທີ່ຖືກແຕ່ງຕັ້ງໃຫ້ບຳລຸງນັກ ຮຽນເກັ່ງລະດັບຊາດ ມີສິດນຳພານັກຮຽນເກັ່ງເຂົ້າຮ່ວມການແຂ່ງຂັນສອບເສັງພາກພື້ນ ແລະ ສາກົນ.

ຢ່າງໃດກໍ່ດີ, ໃນການດຳເນີນກອງປະຊຸມດັ່ງກ່າວ ລະຫວ່າງວັນທີ 15-16 ທັນວາ 2014 ແມ່ນ ໄດ້ມີການທົບທວນຄືນການຈັດຕັ້ງສອບ ເສັງນັກຮຽນເກັ່ງໄລຍະຜ່ານມາ ແລະ ແລກປ່ຽນບົດຮຽນວິທີການ ຈັດຕັ້ງສອບເສັງນັກຮຽນເກັ່ງ ແລະ ກຳນົດວິທີການປະຕິບັດໃນຕໍ່ໜ້າ. ສ່ວນລະຫວ່າງວັນທີ 17-20 ທັນວາ 2014 ກໍ່ໄດ້ມີການທົບທວນຄືນສະພາບການຈັດຕັ້ງປະຕິບັດວຽກງານການສຶກສາກ່ອນໄວຮຽນ, ປະ ຖົມສຶກສາ, ການສຶກສາຮຽນຮ່ວມ ແລະ ສົ່ງເສີມສຸຂະພາບໃນໂຮງຮຽນ ພ້ອມທັງແລກປ່ຽນບົດຮຽນ, ຮ່ວມກັນສ້າງແຜນຍຸດທະສາດການ ສຶກສາກ່ອນໄວຮຽນ, ປະຖົມສຶກສາ, ການສຶກສາ ຮຽນຮ່ວມ ແລະ ການສົ່ງເສີມສຸຂະພາບໃນໂຮງຮຽນ ໃນ 5 ປີ ຕໍ່ໜ້າ ແຕ່ນີ້ຮອດປີ 2020.

 

 
free pokerfree poker
Design by DPPE