Lao (ພາສາລາວ)
Free Joomla Templates

ສະຖິຕິຜູ້ເຂົ້າຊົມ (1.1.2015)

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້​ນີ້30
mod_vvisit_counter​ມື້​ວານນີ້42
mod_vvisit_counter​ອາ​ທິດ​ນີ້30
mod_vvisit_counter​ອາ​ທິດ​ກ່ອນ296
mod_vvisit_counter​ເດືອນນີ້793
mod_vvisit_counter​ເດືອນ​ກ່ອນ1493
mod_vvisit_counter​ທັງ​ໝົດ36992

ປະຕິທິນ

ມັງກອນ 2018
1234567
891011121314
15161718192021
22232425262728
293031
24
Feb
2015

ກະຊວງ ສສກ ຍ້ອງຍໍພະນັກງານກົມອະນຸບານ ແລະ ປະຖົມສຶກສາ ທີ່ປະກອບສ່ວນພັດທະນາວຽກງານການສຶກສາ

      ໃນຕອນບ່າຍ ຂອງວັນທີ 9 ກຸມພາ 2015 ທີ່ຫ້ອງປະຊຸມ 425 ກະຊວງສຶກສາທິການ ແລະ ກິລາ ໄດ້ມີ ພິທີມອບໃບຍ້ອງຍໍໃຫ້ພະນັກງານບໍລິຫານ ແລະ ວິຊາການ ກົມອະນຸບານ ແລະ ປະຖົມສຶກສາ ຈຳນວນ 55 ທ່ານ ທີ່ມີຜົນງານດີເດັ່ນ ໃນການປະກອບສ່ວນພັດທະນາວຽກງານຂະແໜງການສຶກສາ ແລະ ກິລາ ປະຈຳສົກປີ 2013-2014 ເພື່ອເປັນການຍ້ອງຍໍສັນລະເສີນ ແລະ ສົ່ງເສີມພະນັກງານ ລັດຖະກອນທີ່ມີ ຄວາມຫ້າວຫັນໃນການປະຕິບັດໜ້າທີ່ຢ່າງຕັ້ງໜ້າ ແລະ ປະສົບຜົນສຳເລັດຕາມການມອບໝາຍຂອງ ຂັ້ນເທິງ ເຊິ່ງແນໃສ່ເຮັດໃຫ້ໝູ່ເພື່ອນຮ່ວມງານດຽວກັນຖືເອົາເປັນແບບຢ່າງທີ່ດີໃນການປະຕິບັດວຽກງານ ໃນຕໍ່ໜ້າ.

     ໃນພິທີດັ່ງກ່າວນີ້ໄດ້ໃຫ້ກຽດເຂົ້າຮ່ວມ ແລະ ມອບໃບຍ້ອງຍໍຂອງໂດຍ ທ່ານ ຮສ.ດຣ ກອງສີ ແສງມະນີ ລັດຖະມົນ ຕີຊ່ວຍ ວ່າການກະຊວງສຶກສາທິການ ແລະ ກິລາ, ມີ ທ່ານ ດຣ ມີທອງ ສຸວັນວິໄຊ ຫົວໜ້າກົມອະນຸບານ ແລະ ປະຖົມສຶກສາ, ຄະນະ ກົມ ແລະ ພະນັກງານລັດຖະກອນທັງພາຍໃນກົມ ແລະ ແຂກທີ່ຖືກເຊີນເຂົ້າຮ່ວມ, ການມອບ ໃບຍ້ອງຍໍ ໃນຄັ້ງນີ້ ແມ່ນທາງກົມ ອະນຸບານ ແລະ ປະຖົມສຶກສາໄດ້ມີການປະເມີນພະນັກງານລັດຖະກອນພາຍໃນກົມ ປະຈຳສົກ 2013-2014ເພື່ອຄົ້ນຄ້ວາຫາ ພະນັກງານຜູ້ທີ່ມີຄວາມຕັ້ງໃຈເຮັດວຽກ, ມີແບບແຜນເຮັດວຽກທີ່ດີ, ປະຕິບັດໜ້າທີ່ຕາມການມອບ ໝາຍ ຂອງການຈັດຕັ້ງ, ຂອງກົມກໍ່ຄື ຕາມທິດຊີ້ນຳ-ນຳພາຂອງຄະນະນຳກະຊວງ ສຶກສາທິການ ແລະ ກິລາ ວາງອອກ ແລະ ມີຜົນງານດີເດັ່ນ. ດ້ວຍຂະ ບວນການ ແລະ ຂັ້ນຕອນໃນການປະເມີນພະນັກງານ-ລັດຖະກອນພາຍ ໃນກົມ ໂດຍຜ່ານກົມ ຈັດຕັ້ງ ແລະ ພະນັກງານ ກະຊວງ ສຶກສາທິການ ແລະກິລາ. ພ້ອມນັ້ນ, ການປະເມີນດັ່ງກ່າວຍັງ ເປັນໂອກາດດີ ທີ່ຈະໃຫ້ການ ຍ້ອງ ຍໍສັນລະເສີນ ແລະ ສົ່ງເສີມພະ ນັກງານຜູ້ທີ່ມີຄວາມດີຄວາມງາມ, ສຸມສະຕິປັນຍາໃສ່ໜ້າທີການງານ ແລະ ມີຜົນງານດີ ເດັ່ນ,ເປັນການຕຳນິສົ່ງຂ່າວ ເພື່ອກໍ່ສ້າງພະນັກງານ ຜູ້ທີ່ເຮັດວຽກໃນບາງດ້ານຍັງບໍ່ທັນໄດ້ດີໃຫ້ມີການປັບປຸງ ແກ້ໄຂໃນການ ປະຕິບັດໜ້າທີ່ວຽກງານໃນຂັ້ນຕໍ່ ໄປ.

 

      ຜ່ານການປະເມີນຕົວຈິ່ງເຫັນວ່າມີພະນັກງານພາຍໃນກົມອະນຸບານ ແລະ ປະຖົມສຶກສາ ຈໍານວນ 55 ທ່ານທີ່ມີເງື່ອນ ໄຂໄດ້ຮັບການຍ້ອງຍໍໃນສົກນີ້, ໃນນັ້ນໄດ້ຮັບການຍ້ອງຍໍຂັ້ນກະຊວງ 18 ທ່ານ ແລະ ຂັ້ນກົມ 37 ທ່ານ ທີ່ມີຜົນງານດີເດັ່ນ ໃນການປະກອບສ່ວນເຂົ້າໃນການພັດທະນາຂະແໜງການສຶກສາ ປະຈຳສົກ 2013-2014. ສະນັ້ນ,ລັດຖະມົນຕີກະຊວງສຶກສາ ທິການ ແລະ ກິລາ ຈຶ່ງໄດ້ອອກຂໍ້ຕົກລົງວ່າດ້ວຍການຍ້ອງຍໍໃຫ້ແກ່ພະນັກງານດີເດັ່ນຈຳນວນ 55 ທ່ານ ຕາມການສະເໜີຂອງ ກົມອະນຸບານ ແລະ ປະຖົມສຶກສາຕາມລະບຽບການ.

        

 
free pokerfree poker
Design by DPPE