Lao (ພາສາລາວ)
Free Joomla Templates

ສະຖິຕິຜູ້ເຂົ້າຊົມ (1.1.2015)

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້​ນີ້42
mod_vvisit_counter​ມື້​ວານນີ້56
mod_vvisit_counter​ອາ​ທິດ​ນີ້222
mod_vvisit_counter​ອາ​ທິດ​ກ່ອນ340
mod_vvisit_counter​ເດືອນນີ້788
mod_vvisit_counter​ເດືອນ​ກ່ອນ1490
mod_vvisit_counter​ທັງ​ໝົດ24314

ປະຕິທິນ

ມັງກອນ 2017
1
2345678
9101112131415
16171819202122
23242526272829
3031
29
Jul
2015

ກອງປະຊຸມເປີດໂຕໂຄງການການສຶກສາກ່ອນໄວຮຽນ

PDF ພິມ ອີເມລ

 

 

 

ພັກ ແລະ ລັດຖະບານ ​ສປປ ລາວ ໄດ້​ເອົາໃຈໃສ່​ຢ່າງ​ຕັ້ງໜ້າເຂົ້າ​ໃນ​ການຈັດ ຕັ້ງ​ປະຕິບັດ ແລະ ສົ່ງເສີມ​ວຽກ​ງານ​ການ​ສຶກ​ສາກ່ອນ​ໄວ​ຮຽນ ເຊິ່ງ​ວຽກ​ດັ່ງກ່າວຖືເປັນ​ຮູບ​ແບບ​ການ​ສຶກ​ສາ​ໜຶ່ງ​ທີ່ ສຳຄັນຖືກ​ບັນຈຸ​ເຂົ້າ ​ໃນ​ລະບົບ ການ​ສຶກ​ສາ​ແຫ່ງ​ຊາດເພື່ອ​ແນໃສ່​ເປັນ​ການ​ກຽມ​ຄວາມ​ພ້ອມ​ ໃຫ້​ແກ່​ເດັກ​ໂດຍ​ຜ່ານ​ການ​ລ້ຽງ​ດູ​ສຶກສາ​ອົບຮົມ ແລະ ການ​ຈັດການຮຽນ-ການ​ສອນຢູ່​ເຮືອນ​ລ້ຽງ ເດັກ-ອະນຸບານ-ຫ້ອງ ປ. ກຽມປະຖົມ ກ່ອນ​ຈະ​ເຂົ້າ​ຮຽນ​ຊັ້ນ​ປະຖົມ​ສົມບູນ ທັງ​ນີ້ເພື່ອ​ສ້າງ​ໃຫ້ ເດັກ​ກາຍເປັນ​ຊັບພະຍາກອນ​ມະນຸດທີ່​ຮັບປະກັນ​ໄດ້​ທັງ​ ປະລິມານ ແລະ ຄຸນະພາບຕອບ​ສະ ໜອງໄດ້​ຄວາມ​ຮຽກຮ້ອງ​ຕ້ອງການຂອງ​ວຽກ​ງານ​ພັດທະນາ​ເສດ​ຖະກິດ-ສັງຄົມ​ໃນ​ອະນາ ຄົດ.

  ເພື່ອ​ຊຸກຍູ້ ແລະ ປັບປຸງ​ຄຸ​ນະພາບ​ຂອງ​ການຈັດຕັ້ງ​ປະຕິບັດ ວຽກ​ງານສຶກ​ສາກ່ອນ​ໄວ​ຮຽນ​ ໃຫ້ປະສົບ​ຜົນສຳເລັດ​ຕາມ​ຄາດໝາຍ​ວາງ​ໄວ້ ກະຊວງ​ສຶກ​ສາ​ທິການ ແລະ ກີລາ ຮ່ວມ​ກັບ​ທະ​ນາຄານ​ໂລກ ປະຈຳ​ລາວ ຈັດ​ກອງປະຊຸມ​ເຜີຍແຜ່​ໂຄງການ​ການ​ສຶກສາກ່ອນ​ໄວ​ຮຽນ​ຂຶ້ນ ລະຫວ່າງວັນ​ທີ 6-7 ມັງກອນ 2015 ຢູ່​ທີ່ຫໍ​ປະຊຸມ​ແຫ່ງ​ຊາດ (ຫຼັກ 6) ນະຄອນ​ຫຼວງ​ວຽງ​ຈັນ ໂດຍ​ການ​ເປັນປະທານ​ຂອງ​ທ່ານ ​ດຣ. ພັນ​ຄຳ ວິພາ​ວັນ ຮອງ​ນາຍົກລັດຖະມົນຕີ ຜູ້​ຊີ້​ນຳ​ວຽກ​ງານ​ວັດທະນະທຳ-ສັງຄົມ ລັດຖະມົນຕີ​ວ່າການ​ກະຊວງ​ສຶກ​ສາ​ທິ​ການ ແລະ ກີລາ ທ່ານ​ນາງ ຊາລີ ເບີ​ນິງ​ແຮມ (Sally Berningham) ຜູ້​ຕາງໜ້າ​ທະນາຄານ​ໂລກປະຈຳ​ລາວ-ພາກ​ພື້ນ ແລະ ປາ​ຊີ​ຟິກ ເຊິ່ງ​ມີບັນດາ​ຜູ້ຕາງໜ້າ​ຈາກ​ໜ່ວຍ​ງານກ່ຽວຂ້ອງ ທັງ​ສູນ​ກາງ ແລະ ທ້ອງຖິ່ນ​ເຂົ້າ​ຮ່ວມ ເຊິ່ງ​ການ​ເຜີຍແຜ່​ວຽກ​ງານ​ການ​ສຶກ​ສາກ່ອນໄວ​ຮຽນ​ນີ້ ຈະ​ໄດ້​ສືບຕໍ່​ຢູ່​ເຂດ​ທີ່ດ້ອຍ​ໂອກາດ​ການ​ສຶກ​ສາ ຈຳນວນ 22 ເມືອງ 11 ແຂວງ​ໃນຂອບ​ເຂດ​ທົ່ວ​ປະເທດ.

 

       ທ່ານ​ຮອງ​ນາຍົກ​ລັດ​ຖະ​ມົນຕີ​ກ່າວ​ວ່າ: ລັດຖະບານ​ໄດ້​ຈັດຕັ້ງ​ປະຕິບັດ​ວຽກ​ງານ​ການ​ສຶກ​ສາກ່ອນ​ໄວ​ຮຽນ ແຕ່​ປີ 1975 ເປັນຕົ້ນ​ມາ ໂດຍ​ວຽກ​ດັ່ງກ່າວ ​ໄດ້​ມີຄວາມ​ສຳຄັນ​ຍິ່ງ​ຕໍ່​ວຽກ​ງານກະກຽມ​ຄວາມ​ພ້ອມ​ຂອງ​ເດັກ ເພື່ອເຂົ້າ​ຮຽນ​ຊັ້ນ​ປະຖົມ​ສົມບູນ ເຊິ່ງກະຊວງ​ສຶກ​ສາ​ທິ​ການ ແລະ ກີລາ ຈິ່ງ​ໄດ້​ກຳນົດ​ແຜນ​ພັດທະນາການ​ສຶກ​ສາ ໂດຍ​ສະເພາະແມ່ນ ວຽກ​ງານ​ລ້ຽງ​ເດັກ ແລະ ອະນຸບານ​ສຶກ​ສາ ວຽກ​ງານ​ລ້ຽງ​ດູ​ເດັກນ້ອຍ ເນັ້ນ​ໜັກ​ທາງ​ດ້ານ​ໂພຊະນາ​ການ ແລະ ການ​ຕິດຕາມ​ສຸຂະ​ພາບ​ຂອງ​ເດັກ​ໃນ​ໂຮງຮຽນອະນຸບານ​ສຶກ​ສາ ໄດ້​ສ້າງ​ແຜນການ​ເບິ່ງແຍງ ວາງ​ຂໍ້​ກຳນົດ​ກົດລະບຽບ ເພື່ອ​ເຮັດ​ໃຫ້​ໂຮງຮຽນລ້ຽງ​ເດັກ-ອະນຸບານ​ມີ​ມາດຖານ ແລະ ຮັບປະກັນ​ໄດ້​ຄຸນະພາບ​ທີ່ວາງ​ອອກໃນ​ປີ 2000 ການ​ສຶກສາກ່ອນ​ໄວ​ຮຽນ ໄດ້​ກຳນົດ​ໄວ້ໃນ​ກົດໝາຍ​ການ​ສຶກ​ສາ​ແຫ່ງຊາດ ​ໃຫ້​ເປັນ​ຮູບ​ການ​ສຶກ​ສາ​ໜຶ່ງ ທີ່​ມີ​ການຈັດຕັ້ງການ​ຮຽນ-ການສອນຢ່າງ​ເປັນ​ລະບົບ ມີ​ການ​ກຳນົດ​ເວລາ​ຮຽນ-ຫຼັກສູດ​ທີ່​ຖືກຕ້ອງ​ຕາມ​ມາດຖານ ໂດຍ​ການສຶກ​ສາ​ໃນ​ລະບົບ​ໂຮງຮຽນ ປະກອບ​ດ້ວຍ​ການ​ສຶກ​ສາ 2 ຂັ້ນຄື: ຊັ້ນ​ລ້ຽງ​ເດັກ ແລະ ຊັ້ນ​ອະນຸບານສຶກ​ສາ ເຊິ່ງ​ມີໜ້າ​ທີ່​ພັດທະນາ ແລະ ສົ່ງເສີມ​ພັດທະນາ​ການທາງ​ດ້ານ​ຮ່າງກາຍ ແນວ​ຄິດຈິດໃຈ ສະຕິ​ປັນຍາ ອາລົມ ແລະ ພອນ​ສະຫວັນ​ໃຫ້​ແກ່​ເດັກ ເພື່ອກຽມ​ເຂົ້າ​ຊັ້ນ​ປະຖົມ​ສົມບູນ.

 
free pokerfree poker
Design by DPPE