Lao (ພາສາລາວ)
Free Joomla Templates

ສະຖິຕິຜູ້ເຂົ້າຊົມ (1.1.2015)

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້​ນີ້15
mod_vvisit_counter​ມື້​ວານນີ້43
mod_vvisit_counter​ອາ​ທິດ​ນີ້130
mod_vvisit_counter​ອາ​ທິດ​ກ່ອນ162
mod_vvisit_counter​ເດືອນນີ້372
mod_vvisit_counter​ເດືອນ​ກ່ອນ254
mod_vvisit_counter​ທັງ​ໝົດ32595

ປະຕິທິນ

ສິງຫາ 2017
123456
78910111213
14151617181920
21222324252627
28293031
16
Oct
2015

ກອງປະຊຸມເປີດໂຕໂຄງການການ GPE II

PDF ພິມ ອີເມລ
ຂຽນໂດຍ Administrator   
   

    ກະຊວງສຶກສາທິການ ແລະ ກິລາ ໄດ້ຈັດກອງປະຊຸມເຜີຍແຜ່ ໂຄງການກອງທຶນຮ່ວມມືສາກົນເພື່ອການສຶກສາໄລຍະ 2, ໃນວັນທີ 5 ຕຸລາ ຜ່ານມາ ທີ່​ຫໍ​ປະ​ຊຸມ​ສູນ​ການ​ຮ່ວມ​ມື ແລະ​ ການ​ເຝິກ​ອົບ​ຮົມ(ICTC ຫຼັກ 5) ນະ​ຄອນຫຼວງວຽງ​ຈັນ.

 

 

     

      ໂດຍໃຫ້ກຽດເຂົ້າຮ່ວມຂອງທ່ານ ພັນ​ຄຳ ວິ​ພາ​ວັນ ຮອງ​ນາ​ຍົກລັດ​ຖະ​ມົນ​ຕີລັດ​ຖະ​ມົນ​ຕີ​ວ່າ​ການ​ ກະ​ຊວງ​ສຶກ​ສາ​ທິ​ການແລະ ກິ​ລາທ່ານ ລີຕູ້ ບົວປາວ ລັດຖະມົນຊ່ວຍວ່າການ ກະຊວງສຶກສາທິການ ແລະ ກິລາທ່ານ ຈອນ​ ວີ​ລີ​ແອມ ເອ​ກະ​ອັກ​ຄະ​ລັດ​ຖະ​ທູດອອສເຕຣເລຍ ປະ​ຈຳ​ ສ​ປ​ປ​ ລາວທັງເປັນຜູ້​ປະ​ສານ​ງານອົງ​ການທ່ານ ນາງ ຊາ​ລີ ເບີ​ນິງ​ແຮມ ຜູ້​ອຳ​ນວຍ​ການ​ທະ​ນາ​ຄານ​ໂລກ ປະ​ຈຳ ສ​ປ​ປ ລາວ ແລະ​ ພາກ​ພື້ນ​ເອເຊຍ-ແປ​ຊີ​ຟິກ​ ແລະ ທ່ານ ນາງ ຮົງ​ເວີຍ ກາວ(HongweiGao)ຜູ້​ຕາງ​ໜ້າ​ອົງ​ການ UNICEF ປະ​ຈຳ​ ສ​ປ​ປ ​ລາວມີບັນ​ດາ​ລັດ​ຖະ​ມົນ​ຕີ​ຊ່ວຍ​ວ່າ​ການ ແລະ ຜູ້ຕາງໜ້າຈາກກະຊວງສຶກສາທິການ ແລະ ກິລາບັນ​ດາ​ເຈົ້າ​ແຂວງ-ຮອງເຈົ້າແຂວງທ່ານຫົວໜ້າຫ້ອງການ-ຮອງຫົວໜ້າຫ້ອງການຫົວໜ້າກົມ-ຮອງກົມຫົວໜ້າພະແນກ-ຮອງຫົວໜ້າພະແນກສຶກສາທິການ ແລະ ກິລາແຂວງຫົວໜ້າຫ້ອງການ-ຮອງຫົວໜ້າຫ້ອງ ການສຶກສາທິການ ແລະ ກິລາເມືອງ ແລະຕາງໜ້າອົງການຈັດຕັ້ງສາກົນ ໃນນາມຄູ່ຮ່ວມພັດທະນາການສຶກສາ ແລະ ​ຜູ້​ແທນກອງ​ປະ​ຊຸມ ທັງ​ພາຍ​ໃນ ແລະ ຕ່າງ​ປະ​ເທດ​​ພ້ອມດ້ວຍບັນ​ດາ​ສຳ​ມະ​ນາ​ກອນ​​ ແລະ ພາກສ່ວນຕ່າງໆທີ່ກ່ຽວຂ້ອງເຂົ້າຮ່ວມ.

     ໃນໂອກາດດັ່ງກ່າວ, ທ່ານ ພັນ​ຄຳ ວິ​ພາ​ວັນ ໄດ້ກ່າວຊີ້​ນຳ ແລະ ​ເປີດ​ກອງ​ປະ​ຊຸມ​ເຜີຍ​ແຜ່​ໂຄງ​ການກອງ​ທຶນ​ຮ່ວມ​ມື​ສາກົນ​ເພື່ອ​ການ​ສຶກ​ສາ ໃຫ້ຮູ້ວ່າ: ການຈັດກອງປະຊຸມໃນຄັ້ງນີ້ ແມ່ນເປັນ​ການ​ເຜີຍ​ແຜ່​ໂຄງ​ການກອງ​ທຶນ​ຮ່ວມ​ມື​ສາ​ກົນ​ເພື່ອ​ການສຶກ​ສາໄລ​ຍະ​ 2 ສືບຕໍ່ໄລຍະທີ 1, ເຊິ່ງໄລຍະທີ1 ເອີ້ນວ່າ ແຜນງານ (EFA FTI Program). ໃນກອງປະຊຸມໄດ້​ຮັບ​ຟັງ​ການ​ລາຍ​ງານການ​ປະ​ກອບ​ຄຳ​ຄິດຄຳ​ເຫັນຈາກ​ພາກ​ສ່ວນ​ຕ່າງໆ​ທີ່​ກ່ຽວ​ຂ້ອງ ​ໂດຍກົງກັບ​ການ​ພັດ​ທະ​ນາ​ວຽກງານການ​ສຶກ​ສາເປັນຕົ້ນແມ່ນ​ການປັບ​ປຸງ​ຄຸ​ນະ​ພາບ​ການ​ສຶ​ກ​ສາ​ຊັ້ນ​ອະ​ນຸ​ບານ ແລະ ຊັ້ນ​ປະ​ຖົມ​ສຶກ​ສາ ເປັນພື້ນຖານຂອງການສຶກສາ, ເຊິ່ງ​ການ​ພັດ​ທະ​ນາ​ການ​ສຶກ​ສາ​ໃນ​ໄລ​ຍະ 15 ປີຜ່ານມາ (ປີ 2000-2015) ກະຊວງສຶກສາທິການ ແລະ ກິລາ ໄດ້ເອົາໃຈໃສ່ຂະຫຍາຍຕາໜ່າງການສຶກສານັບທັງການສຶກສາໃນລະບົບໂຮງຮຽນ ແລະ ນອກລະບົບໂຮງຮຽນຢ່າງແຂງ ແຮງ ແລະ ກວ້າງຂວາງ ໂດຍການສະໜັບສະໜູນດ້ານງົບປະມານຈາກລັດຖະບານ, ຄູ່ຮ່ວມພັດທະນາ, ພາກສ່ວນເອກະຊົນ ແລະ ຊຸມຊົນ ເປັນການສ້າງເງື່ອນໄຂໃຫ້ປະຊາກອນໃນເກນອາຍຸເຂົ້າຮຽນ ໄດ້ເຂົ້າເຖິງການສຶກສາຫຼາຍຂຶ້ນແຕ່ຊັ້ນອະນຸບານຈົນຮອດມະຫາວິທະຍາໄລໂດຍສະເພາະຕໍ່ຜູ້ທີ່ດ້ອຍໂອກາດ, ແມ່ຍິງຊົນເຜົ່າ ຢູ່ເຂດຫ່າງໄກສອກຫຼີກ. ມາຮອດປະຈຸບັນນີ້ ພຶ້ນຖານໂຄງລ່າງການສຶກສາຂະຫຍາຍແລະ ຫັນ ປ່ຽນທີ່ດີຂຶ້ນ ສະແດງອອກ ຈຳນວນໂຮງຮຽນ, ຫ້ອງຮຽນ, ນັກຮຽນ ແລະ ຈຳນວນຄູສອນ ເມື່ອ​ທຽບ​ໃສ່ປີ 2000 ເພີ່ມຂຶ້ນຢ່າງຈະແຈ້ງ ເປັນຕົ້ນແມ່ນຊັ້ນລ້ຽງເດັກອະນຸບານ ຈໍານວນໂຮງຮຽນ ເພີ່ມຈາກ 741 ແຫ່ງ, ໃນປີ2000 ເປັນ 2.403 ແຫ່ງ, ມີນັກຮຽນ 175.492 ຄົນແລະ ໃນປີ 2015 ມີໂຮງຮຽນເພີ່ມ 324 ເປີເຊັນ, ນັກຮຽນເພີ່ມຈາກ 37.786 ຄົນ ເທົ່າກັບ 464 ເປິເຊັນ. ສ່ວນຊັ້ນປະຖົມສຶກສາ ຈໍານວນໂຮງຮຽນເພີ່ມຈາກ 8.161 ແຫ່ງ, ໃນປີ 2000ເປັນ 8.887 ແຫ່ງ, ມີນັກຮຽນ 850.466 ຄົນ ແລະ ໃນປີ 2015 ມີໂຮງຮຽນເພີ່ມ 109 ເປີເຊັນ, ນັກຮຽນເພີ່ມຈາກ831.521 ຄົນ ເທົ່າ​ກັບ 102 ເປີເຊັນ. ສໍາລັບຊັ້ນມັດທະຍົມສຶກສາ ມີຈໍານວນໂຮງຮຽນເພີ່ມຈາກ 811 ແຫ່ງໃນປີ 2000ເປັນ 1.651 ແຫ່ງ, ມີນັກຮຽນ 630.676 ຄົນ ແລະ ໃນປີ 2015 ມີໂຮງຮຽນເພີ່ມ 204 ເປີເຊັນ, ມີນັກຮຽນເພີ່ມຈາກ 260.927 ຄົນ ເທົ່າກັບ 242 ເປີເຊັນ.

ສະເພາະການບັນລຸເປົ້າໝາຍການສຶກສາເພື່ອທຸກຄົນ ກໍ່ຄືເປົ້າໝາຍສະຫັດສະຫວັດດ້ານການພັດ ທະນາ ໃນປີ 2015ສະເລ່ຍທົ່ວປະເທດ ມີບາງຕົວຊີ້ບອກບັນລຸລຶ່ນຄາດໝາຍ ເປັນຕົ້ນແມ່ນ ອັດຕາເຂົ້າຮຽນຂອງເດັກອາຍຸ 3-5 ປີ ບັນລຸ 43,2ເປີເຊັນລື່ນຄາດໝາຍ 4,2 ເປີເຊັນ (ຄາດໝາຍ39 ເປີເຊັນ), ອັດ ຕາເຂົ້າຮຽນສຸດທິຊັ້ນປະຖົມສຶກສາ ບັນລຸ 98,6 ເປີເຊັນລື່ນຄາດໝາຍ 0,6 ເປີເຊັນ(ຄາດໝາຍ 98 ເປີ ເຊັນ), ອັດຕາເຂົ້າຮຽນຊັ້ນມັດທະຍົມຕອນຕົ້ນ ບັນລຸ 78,1 ເປີເຊັນ ລື່ນຄາດໝາຍ 3,1 ເປີເຊັນ(ຄາດໝາຍ 75 ເປີເຊັນ), ອັດຕາເຂົ້າຮຽນລວມຊັ້ນມັດທະຍົມຕອນປາຍບັນລຸ 45,7 ເປີເຊັນລື່ນຄາດໝາຍ2,7 ເປີ ເຊັນ (ຄາດໝາຍ 43 ເປີເຊັນ)ແລະ ການສຶກສານອກໂຮງຮຽນ, ປະຊາຊົນລາວບັນດາເຜົ່າມີລະດັບການສຶກສາຈົບຊັ້ນປະຖົມບໍາລຸງ, ເຊິ່ງຈັດພິທີປະກາດຈົບຊັ້ນປຖົມບໍາລຸງທົ່ວປະເທດເປັນທາງການໃນວັນທີ 28 ສິງຫາ 2015 ແລະ ປັດຈຸບັນມີ48 ເມືອງ ແລະ 2 ແຂວງ(ແຂວງໄຊຍະບູລີ ແລະ ແຂວງຊຽງຂວາງ) ປະກາດຈົບຊັ້ນມັດທະຍົມສຶກສາຕອນຕົ້ນບໍາລຸງ.

ສ່ວນຄຸນະພາບການສຶກສາ, ພວກ​ເຮົາ​ມີ​ມາດ​ຕະ​ຖານ​ປະ​ກັນ​ຄຸ​ນະ​ພາບ​ການ​ສຶກ​ສາ​ທຸກ​ຊັ້ນ, ທຸກ​ສາຍ, ພື້ນ​ຖານ​ໂຄງລ່າງ​ຂອງ​ການ​ສຶກ​ສາ​ ນັບທັງອຸປະກອນຮັບໃຊ້ການຮຽນ-ການສອນໃນ​ທຸກ​ລະ​ດັບທັງ​ພາກ​ລັດ ແລະ ເອ​ກະ​ຊົນ ໄດ້​ຮັບ​ການປັບ​ປຸງ​ດີ​ຂຶ້ນ​​ຕາມ​ຂອບມາດ​ຕະ​ຖານ​ຄຸນະ​ພາບ ຫຼາຍ​ໂຮງ​ຮຽນ​ໂດຍ​ສະ​ເພາະ​ແມ່ນ​ໂຮງ​ຮຽນ ​ສາ​ມັນ​ສຶກ​ສາ​ແຕ່​ເກົ່າ​ເປັນ​ໂຮງ​ຮຽນຊົ່ວ​ຄາວບໍ່​ມີ​ອຸ​ປະ​ກອນ​ຮັບ​ໃຊ້​ໃນ​ການ​ຮຽນ-ການ​ສອນ ມາ​ຮອດ​ປັດ​ຈຸ​ບັນ​ໂຮງ​ຮຽນ​ເຫຼົ່າ​ນັ້ນ​ຈຳ​ນວນ​ໜຶ່ງ​ໄດ້​ຮັບ​ການ​ສ້ອມ​ແປງຫຼື ສ້າງ​ຂຶ້ນ​ໃໝ່ ທີ່​ໄດ້​ມາດ​ຕະ​ຖານ​ພໍ​ສົມ​ຄວນ ແລະ​ ໄດ້​ມີ​ອຸ​ປະ​ກອນ, ເຄື່ອງ​ທົດ​ລອງ​ທີ່​ຈຳ​ເປັນ​ເພື່ອ​ຮັບ​ໃຊ້​ການ​ຮຽນ-ການ​ສອນ ເວົ້າລວມແລ້ວ ຄຸ​ນະ​ພາບ​ຂອງ​ການ​ສຶກ​ສາ ໄດ້​ເລີ່ມ​ຫັນ​ປ່ຽນ​ເຂົ້າ​ສູ່​ຄຸ​ນະ​ພາບ​ໃໝ່​ທີ່​ສູງ​ຂຶ້ນ ສະ​ແດງ​ອອກ​ໃນ​ການ​ປະ​ເມີນຂອງ​ອົງ​ການ​ສາ​ກົນ ຢັ້ງ​ຢືນ​ວ່າ​ຄຸນະ​ພາບ​ການ​ສຶກ​ສາ​ຂອງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ມີ​ທ່າ​ອ່ຽງ​ທີ່​ດີ​ຂຶ້ນ.

          ສໍາລັບຜົນສໍາເລັດ ແລະ ການເພີ່ມຂຶ້ນຂອງຈໍານວນໂຮງຮຽນ, ນັກຮຽນ, ຄູ-ອາຈານ ແລະ ການບັນລຸເປົ້າໝາຍການສຶກສາເພື່ອທຸກຄົນ ກໍ່ຄືເປົ້າໝາຍສະຫັດສະຫວັດດ້ານການພັດທະນາບາງຕົວຊີ້ບອກ ລຶ່ນຄາດໝາຍທີ່ກ່າວມາຂ້າງເທິງນັ້ນ ມາຈາກຫຼາຍປັດໃຈ ປັດໃຈທີ່ເປັນພື້ນຖານແມ່ນ ລັດຖະບານ ສປປ ລາວ ມີນະໂຍບາຍສົ່ງເສີມການສຶກສາສອດຄ່ອງ, ກົມກຽວກັບການພັດທະນາເສດຖະກິດ-ສັງຄົມຂອງປະເທດ, ຄວາມເປັນເອກະພາບທີ່ບໍ່ຊໍ້າຊ້ອນກັນໃນການລົງທຶນສະໜັບ ສະໜູນຂອງທຸກຝ່າຍທັງພາກລັດ, ເອກະຊົນ ແລະ ຄູ່ຮ່ວມພັດທະນາ, ເຊິ່ງມີໂຄງການ, ມີງົບປະມານສະໜັບສະໜູນ ເປັນຕົ້ນແມ່ນ ໂຄງການອາຫານເສີມ, ໂຄງການອາຫານທ່ຽງໃນໂຮງຮຽນ, ໂຄງການສ້າງຫໍພັກຢູ່ກັບໂຮງຮຽນໃຫ້ນັກຮຽນສຳລັບຜູ້ທີ່ຢູ່ຫ່າງໄກຈາກໂຮງຮຽນ, ໂຄງການຍົກລະດັບຄູ-ອາຈານສອນ, ໂຄງການສ້າງຄວາມເຂັ້ມແຂງໃຫ້ແກ່ຜູ້ບໍລິຫານໂຮງຮຽນ, ຄະນະພັດທະນາການສຶກສາຂັ້ນບ້ານ ແລະ ໂຄງການອຶ່ນໆ ທັງໝົດນັ້ນເປັນສິ່ງຊຸກຍູ້ດຶງດູດ, ຈູງໃຈຜູ້ຮຽນມາຮຽນຫຼາຍຂຶ້ນ, ຜູ້ຮຽນກໍ່ມີຄວາມຕັ້ງໃຈແລະ ຮູ້ຄຸນຄ່າຂອງການຮຽນຫຼາຍຂຶ້ນ.

ການຈັດກອງປະຊຸມຄັ້ງນີ້, ແມ່ນໄດ້ດໍາເນີນເປັນໄລຍະເວລາ 2 ວັນ (ວັນ​ທີ 5-6 ຕຸ​ລາ 2015) ເພື່ອລາຍງານຜົນສໍາເລັດການຈັດຕັ້ງປະຕິບັດແຜນປະຕິບັດງານແຫ່ງຊາດ ການສຶກສາເພື່ອທຸກຄົນ (2003-2015), ລາຍງານຜົນໄດ້ຮັບຂອງໂຄງການກອງທຶນຮ່ວມມືສາກົນ ເພື່ອການສຶກສາ ໄລຍະທີ 1 ແລະ ສືບຕໍ່ໄລຍະ 2, ລາຍງານຜົນການປະເມີນການອ່ານຂອງນັກຮຽນ ຂັ້ນ ປ3,ການບໍລິຫານ ແລະ ຄຸ້ມຄອງ ທີ່ເນັ້ນໂຮງຮຽນເປັນຫຼັກ, ພ້ອມທັງເນື້ອໃນ, ຈຸດປະສົງ ແລະ ເປົ້າໝາຍຂອງໂຄງການກອງທຶນຮ່ວມມືສາກົນ ເພື່ອການສຶກສາໄລຍະ 2 ແລະ ການຄຸ້ມຄອງບໍລິຫານໂຄງການ ແລະ ເອກະສານສຳຄັນຕ່າງໆອີກຈຳນວນໜຶ່ງ.

 

 

 

 

ແກ້ໄຂລ່າສຸດ ( ມື້ສຸກທີ່ 16 ຕຸລາ 2015 ເວລາ 09: 08 )
 
free pokerfree poker
Design by DPPE