Lao (ພາສາລາວ)
Free Joomla Templates

ສະຖິຕິຜູ້ເຂົ້າຊົມ (1.1.2015)

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້​ນີ້30
mod_vvisit_counter​ມື້​ວານນີ້35
mod_vvisit_counter​ອາ​ທິດ​ນີ້65
mod_vvisit_counter​ອາ​ທິດ​ກ່ອນ360
mod_vvisit_counter​ເດືອນນີ້913
mod_vvisit_counter​ເດືອນ​ກ່ອນ1329
mod_vvisit_counter​ທັງ​ໝົດ25768

ປະຕິທິນ

ກຸມພາ 2017
12345
6789101112
13141516171819
20212223242526
2728
23
Oct
2015

ການເຂົ້າຮ່ວມກອງປະຊຸມສາກົນຄັ້ງທີ່ 17 ກ່ຽວກັບໂພຊະນາການຂອງເດັກໃນໂຮງຮຽນ ໃນຫົວຂໍ້ “ແລກປ່ຽນປະສົບການດ້ານງົບປະມານໃຫ້ວຽກງານອາຫານໃນໂຮງຮຽນມີຄວາມຍືນຍົງ” ທີ່ປະເທດສາທາລະນະລັດ Cabo Verde

PDF ພິມ ອີເມລ
ຂຽນໂດຍ Administrator   
   

       ໃນວັນທີ 28 ເດືອນກັນຍາ ເຖິງວັນທີ 2 ຕຸລາ 2015 ຜ່ານມາ, ຄະນະຜູ່ແທນ ສປປ ລາວ ປະກອບດ້ວຍກະຊວງ ສຶກສາທິການ ແລະ ກິລາ, ກະສິກໍາ ແລະ ປ່າໄມ້ ແລະ ອົງ ການອາຫານໂລກປະຈໍາ ສປປລາວ ນໍາພາຄະນະໂດຍ  ທ່ານ ລີຕູ້ ບົວປາວ, ລັດຖະມົນຕີຊ່ວຍວ່າການກະຊວງສຶກສາທິການ ແລະ ກິລາ ໄດ້ໄປຮ່ວມກອງປະຊຸມສາກົນຄັ້ງທີ່ 17 ກ່ຽວກັບ ໂພຊະນາການຂອງເດັກໃນໂຮງຮຽນໃນຫົວຂໍ້ “ແລກ ປ່ຽນປະສົບການດ້ານງົບປະມານໃຫ້ວຽກງານອາຫານໃນໂຮງຮຽນມີຄວາມຍືນຍົງ” ທີ່ປະເທດສາທາລະນະ ລັດ Cabo Verde, ທະວີບອາຟຼິກກາ.

     

     ໃນກອງປະຊຸມດັ່ງກ່າວມີຜູ້ເຂົ້າຮ່ວມທັງໝົດ 256 ຄົນທີ່ມາຈາກ 42 ປະເທດ, ມີຂັ້ນລັດຖະມົນຕີ ແລະ ລັດຖະ ມົນຕີຊ່ວຍເຂົ້າຮ່ວມ 8 ປະເທດ, ຊຶ່ງເປັນບັນດາປະເທດ ທີ່ມີໂຄງການອາຫານ ທີ່ກໍາລັງກະກຽມຈະຄຽນຖ່າຍຈາກອົງການ ອາຫານໂລກ ໄປສູ່ຄວາມຮັບຜິດຊອບໃນການຄຸ້ມຄອງ, ບໍລິຫານ ແລະ ຈັດການໂດຍລັດຖະບານ ທີ່ຢູ່ໃນສະພາບດຽວກັນກັບ ສປປ ລາວ ໃນປັດຈຸບັນ. ສະນັ້ນ, ຈຸດປະສົງ ແລະ ຫົວຂໍ້ຂອງກອງປະຊຸມ ຈຶ່ງເນັ້ນເລື່ອງການແລກປ່ຽນປະສົບການ ທີ່ສາມາດ ເປັນບົດຮຽນ ຊຶ່ງກັນ ແລະ ກັນ  ລະຫວ່າງ ບັນດາປະເທດ ທີ່ຂ້າມຜ່ານແລ້ວ ແລະ ບັນດາປະເທດ ທີ່ກໍາລັງກະກຽມການຂ້າມ ຜ່ານ ແລະ ຄຽນຖ່າຍ, ໂດຍສະເພາະດ້ານການເງິນ ແລະ ການຜະລິດກະສິກໍາຂອງຊຸມຊົນ ແລະ ທ້ອງຖິ່ນ ເພື່ອສະໜອງ ເປັນອາຫານຕາມວັດທະນະທໍາ ແຕ່ຮັບປະກັນດ້ານໂພຊະນາການ ໃຫ້ແກ່ເດັກໃນໂຮງຮຽນ. ການພັດທະນາປະເທດ ແມ່ນຂຶ້ນ ກັບກໍາລັງແຮງຂອງປະຊາກອນ, ໃນຍຸກປັດຈຸບັນ ແຕ່ລະປະເທດຈຶ່ງເອົາໃຈໃສ່ສຸມໃສ່ ແລະ ແຂ່ງຂັນກັນພັດທະນາຊັບພະຍາ ກອນມະນຸດນັບຕັ້ງແຕ່ 1,000 ວັນຂຶ້ນໄປ ເພື່ອໃຫ້ການພັດທະນາການທັງດ້ານຮ່ງກາຍ ແລະ ມັນສະໝອງພ້ອມທັງມີຮູບ ຮ່າງສົມບູນ ໄດ້ມາດຕະຖານ, ຮູ້ກິນ-ຢູ່ຢ່າງດຸນດ່ຽງ, ເຕີບໂຕຢ່າງແຂງແຮງ ປາສະຈາກພະຍາດຕ່າງໆ ມີກໍາລັງວັງຊາໃນການ ພັດທະນາປະເທດໃນອະນາຄົດ. ນອກຈາກການຮຽນຮູ້ຈາກກອງປະຊຸມແລ້ວ, ຜູ່ແທນກອງປະຊຸມຍັງໄດ້ໄປຢ້ຽມຢາມການ ປະຕິບັດຕົວຈິງໃນຂັ້ນໂຮງຮຽນອີກ.

      ຄະນະຜູ່ແທນ ສປປ ລາວ ໄດ້ຮຽນຮູ້ຈາກກອງປະຊຸມວ່າ ນະໂຍບາຍໂລກໃນຕໍ່ໜ້ານີ້, ຜູ່ໃຫ້ທຶນ ແລະ ອົງການອາ ຫານໂລກ ຈະຄຽນຖ່າຍ ແລະ ຖອນຕົວ ເທື່ອລະກ້າວ ຈາກການສະໜອງອາຫານໃນໂຮງຮຽນ. ລັດຖະບານ ຈຶ່ງຕ້ອງມີຄວາມ ກຽມຄວາມພ້ອມ ເພື່ອສາມາດສືບຕໍ່ວຽກງານດັ່ງກ່າວ ແລະ ເປັນມາດຕະການໜຶ່ງ ເພື່ອຜັກດັນການຜະລິດກະສິກໍາພາຍໃນ ໃຫ້ປະເທດ ແລະ ປະຊາຊົນມີຄວາມເປັນເຈົ້າການ, ມີຢູ່ມີກິນພຽງພໍ, ພົ້ນຈາກການການຂາດສານອາຫານ ແລະ ຈາກຄວາມ ທຸກຍາກ, ຊຶ່ງມີຄວາມຈໍາເປັນຢ່າງຍິ່ງ ທີ່ຕ້ອງມີການສົມທົບແໜ້ນ ແລະ ຮ່ວມມືກັບຫຼາຍຂະແໜງການ ແລະ ຫຼາຍພາກສ່ວນ ທັງພາກລັດ, ທຸລະກິດ, ບໍລິສັດ, ເອກະຊົນ, ສ່ວນບຸກຄົນ, ພາກພື້ນ ແລະ ສາກົນ. ສປປ ລາວ ມີທ່າແຮງຫຼາຍດ້ານ ໃນການຮ່ວມມື, ມີຄວາມຈໍາເປັນໃນຕໍ່ໜ້ານີ້ ທີ່ລັດຖະບານຕ້ອງເປັນເຈົ້າການ, ຄວນມີການເຕົ້າໂຮມທຸກພາກສ່ວນຢ່າງ ກວ້າງຂວາງ ເພື່ອເປິກສາຫາລືກົນໄກການຮ່ວມມື, ການລົງທຶນ, ການປະກອບສ່ວນ, ພັນທະ ນັບທັງພາກລັດ ໃນການຈັດສັນ ງົບປະມານ ໃນການຈັດຕັ້ງປະຕິບັດໃຫ້ເປັນຮູບປະທໍາ ເພື່ອສາມາດພັດທະນາຊັບພະຍາກອນລຸ້ນລູກຫຼານ ໃຫ້ມີກໍາລັງແຮງ ງານທີ່ເຂັ້ມແຂງພັດທະນາປະເທດຊາດຢປຄຽງຄູ່ກັບບັນດາປະເທດໃນພາກພື້ນ ແລະ ສາກົນ. ນອກຈາກນັ້ນ, ຍັງໄດ້ຮຽນຮູ້ ຢ່າງເລິກເຊິ່ງການປະຕິບັດຕົວຈິງໃນຂັ້ນໂຮງຮຽນວ່າ ການຜະລິດກະສິກໍາໃນໂຮງຮຽນ ເປັນການຮຽນຮູ້ວິທະຍາສາດ, ທັກສະ ດ້ານຕ່າງໆ, ຮຽນ ແລະ ເຝິກໂພຊະນາການສຶກສາຕົວຈິງ ຊຶ່ງສອດຄ່ອງກັບການຮຽນ-ການສອນໃຫ້ໄດ້ຕາມ 5 ຫຼັກມູນການ ສຶກສາຂອງ ສປປ ລາວ. ການຜະລິດກະສິກໍາໃນໂຮງຮຽນ ແລະ ການສົ່ງເສີມອາຫານທ່ຽງໃນໂຮງຮຽນ ເປັນການຮຽນຮູ້ ແລະ ຫຼໍ່ຫຼອມໃຫ້ປ່ຽນແປງທັດສະນະຄະຕິຈາກການປະຕິບັດແບບຄອງເດີມ ໄປສູ່ການປະຕິບັດຕາມຫຼັກໂພຊະນາການ ເພື່ອໃຫ້ປະ ຊາຊົນລາວ ມີສະພາວະໂພຊະນາການທີ່ດີ, ຈຶ່ງມີຄວາມຈໍາເປັນຮຽກຮ້ອງການເປັນເຈົ້າການ, ການຮ່ວມມື, ປະສານງານ ແລະ ປະກອບສ່ວນຈາກທຸກພາກສ່ວນໃນທົ່ວສັງຄົມ.

ແກ້ໄຂລ່າສຸດ ( ມື້ສຸກທີ່ 23 ຕຸລາ 2015 ເວລາ 09: 18 )
 
free pokerfree poker
Design by DPPE