Lao (ພາສາລາວ)
Free Joomla Templates

ສະຖິຕິຜູ້ເຂົ້າຊົມ (1.1.2015)

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້​ນີ້16
mod_vvisit_counter​ມື້​ວານນີ້43
mod_vvisit_counter​ອາ​ທິດ​ນີ້131
mod_vvisit_counter​ອາ​ທິດ​ກ່ອນ162
mod_vvisit_counter​ເດືອນນີ້373
mod_vvisit_counter​ເດືອນ​ກ່ອນ254
mod_vvisit_counter​ທັງ​ໝົດ32596

ປະຕິທິນ

ສິງຫາ 2017
123456
78910111213
14151617181920
21222324252627
28293031
29
Feb
2016

ກອງປະຊຸມຖອດຖອນບົດຮຽນກ່ຽວກັບການຄຸ້ມຄອງການຈັດຕັ້ງປະຕິບັດວຽກປຸກສ້າງຫ້ອງກຽມປະຖົມໂດຍຊຸມຊົນເປັນເຈົ້າການ

PDF ພິມ ອີເມລ
ຂຽນໂດຍ Administrator   
      ຕອນເຊົ້າເວລາ 8:00 ນາທີ ຂອງວັນທີ 11 ມັງກອນ 2016 ທີ່ຜ່ານມາທີ່ຫ້ອງປະຊຸມ ສະໂມສອນໄຟຟ້າ (ທ່າລາດ), ເມືອງແກ້ວອຸດົມ ແຂວງວຽງຈັນ ຫ້ອງການປະສານາງນ/ໂຄງການການສຶກສາກ່ອນໄວຮຽນ, ກົມອະ ນຸບານ ແລະ ປະຖົມສຶກສາ ກະຊວງສຶກສາທິການ ແລະ ກິລາ ໄດ້ຈັດກອງປະຊຸມເພື່ອຖອດຖອນບົດ ຮຽນກ່ຽວກັບການວຽກງານຄຸ້ມຄອງການຈັດຕັ້ງປະຕິບັດວຽກປຸກສ້າງຫ້ອງກຽມປະຖົມໂດຍຊຸມຊົນ​​ເປັນເຈົ້າການ. 
     

  ກອງປະຊຸມດັ່ງກ່າວແມ່ນໄດ້ໃຫ້ກຽດເປັນປະທານໂດຍ: ທ່ານ ດຣ ມີທອງ ສຸວັນວິໄຊ ຫົວໜ້າກົມອະນຸບານ ແລະ ປະຖົມສຶກສາ, ມີທ່ານ ຄຳໃບ ສໍສີສຸລິພົນ ຮອງຫົວໜ້າກົມການເງິນ, ທ່ານ ນາງ ຄຳປະເສີດ ກິຕິຍະວົງ ຮອງຫົວໜ້າກົມອະນຸບານ ແລະ ປະຖົມສຶກສາ ຫົວໜ້າຄະນະຮັບຜິດຊອໂຄງການ ແລະ ນັກສຳມະນາກອນຈາກຂັ້ນສູນກາງ ແລະ ທ້ອງຖິ່ນທັງໝົດ 127 ທ່ານ. ໃນກອງປະຊຸມດັ່ງກ່າວ ທ່ານ ດຣ ມີທອງສຸວັນວິໄຊ ໄດ້ກ່າວຄຳເຫັນຕໍ່ກອງປະຊຸມວ່າ: ກອງປະຊຸມຄັ້ງນີ້ແມ່ນການປະຊຸມເພື່ອຖອດຖອນບົດຮຽນຜ່ານການຈັດຕັ້ງປະຕິບັດ​​ໂຄງການໃນໄລຍະຜ່ານມາ​​ສ່ວນຫຼາຍເຫັນວ່າໄປຕາມແຜນແລະ ກຳນົດ​​ເວລາທີ່ວ່າງໄວ້ ແລະ ທ່ານຍັງໄດ້ຊີ້ໃຫ້ເຫັນຈຸດບົກຜ່ອງ​​​ໃນບາງດ້ານເວົ້າສະເພາະແມ່ນຂັ້ນທ້ອງຖິ່ນກໍ່ຄືຂັ້ນ​​ແຂວງ ແລະ ເມືອງ ທີ່ຍັງຂາດຄວາມເປັນເຈົ້າການໃນການຈັດຕັ້ງປະຕິບັດ, ເຊິງສະແດງໃຫ້ເຫັນບ່ອນການປຕິບັດວຽກໃດໜ່ຶ່ແມ່ນຕ້ອງໄດ້ລໍຖ້າຂັ້ນສູນກາງແນະນຳ ຫຼື ເຮັດວຽກຮ່ວມ, ເຖິງຢ່າງໃດກໍ່ຕາມພະນັກງານຂັ້ນຂັ້ນສູນກາງແມ່ນຕ້ອງໄດ້ເພີ່ມເອົາໃຈສ່ໃນການລົງຕິດຕາມຊຸກຍູ້ແນະນຳ ແລະ ໃຫ້ຄວາມຊ່ວຍເຫຼືອ ຂັ້ນແຂວງ ແລະ ຂັ້ນມືອງໃຫ້ເປັນປົກະຕິກ. ທ່ານ ນາງ ຄຳປະເສີດ ກິຕິຍະວົງ ຮອງຫົວໜ້າກົມ ອະນຸບານ ແລະ ປະຖົມສຶກສາ, ຫົວໜ້າຄະນະຮັບຜິດຊອບໂຄງການໄດ້ກ່າວ​​ໃຫ້ຮູ້ຕື່ມກ່ຽວກັບຜົນສຳເລັດ ແລະ ຄວາມທ້າທ້າຍຜ່ານການຈັດຕັດຕັ້ງປະຕິບັ້ດໂຄງການໃນຊ່ວງໄລຍະທີ່ຜ່ານມານີ້ກອງປະຊຸມດັ່ງກ່າວນີ້້ແມ່ນໄດ້ດຳເນີນໃນໄລຍະ 5 ວັນ ຄື: ວັນທີ 11-15/01/2016 ແລະ ໄດ້ຄົນຄ້ວາຫຼາຍບັນຫາຕົ້ນຕໍ່ແມ່ນວຽກຄຸ້ມຄອງ-ບໍລິຫານການເງິນໃນການຈັດຕັ້ງປະຕິບັດວຽກປຸກສ້າງຫ້ອງກຽມປະຖົມໂດຍຊຸມຊົນເປັນເຈົ້າການ, ກອງປະຊຸມແມ່ນໄດ້ດຳເນີນໄປຕາມວາລະກອງປະຊຸມ ແລະ ບັນດານັກສຳມະນາກອນທັງສູນກາງ ແລະ ທ້ອງຖິ່ນບັນດາແຂວງ ແລະ ເມືອງລວມທັງວິສະວະກອນປະຈຳແຂວງ ແລະ ເມືອງເປົ້າໝາຍແມ່ນໄດ້ສະເໜີຫຼາຍບັນຫາທີ່ເປັນສິ່ງທ້າທາຍໂດຍສະເພາະແມ່ນເລື່ອງການເອກະພາບກັນກ່ຽວກັບແບບຟອມເອກະສານຕ່າງໃນຄະນະດຽວກັນບັນດານັກສຳມະນາກອນທັງສູນກາງ, ຂັ້ນແຂວງ ແລະ ເມືອງ ແມ່ນໄດ້ຈັດກຸ່ມຄົ້ນຄ້ວາກ່ຽວກັບສອງບັນຫາ​​ໃຫຍ່ຂອງການປະຕິບັດຜ່ານມາຄື: ວຽກງານຄຸ້ມຄອງດ້ານການເງິນ ແລະ ວຽກງານຄຸ້ມຄອງວຽກປຸກສ້າງຫ້ອງກຽມປະຖົມ​​ໂດຍຊຸມຊົນເປັນເຈົ້າການ, ຜ່ານການຄົ້ນຄ້ວາເປັນກຸ່ມແລ້ວແຕ່ລະແຂວງໄດ້ນຳສະເໜີກ່ຽວກັບວຽກປຸກສ້າງຫ້ອງກຽມປະຖົມ, ວຽກການເງິນໃນການຈັດຕັ້ງປະຕິບັດໄລຍະຜ່ານມາຄື: ຜົນສຳເລັດ, ຈຸດດີ, ບັນຫາ, ຂໍ້ຄົງຄ້າງ, ຂໍ້ສະເໜີແນະແລະ ວິທີແກ້ໄຂບັນຫາ.

ຜ່ານການຄົ້ນຄ້ວານຳສະເໜີບັນຫາ ແລະ ວິທີແກ້ໄຂຫຼາຍຢ່າງ, ທາງຄະນະຮັບຜິດຊອບກອງປະຊຸມໄດ້ລົງມະຕິເອກະພາບກັນກ່ຽວກັບບັນຫາ ແລະ ຂໍ້ຄົງຄ້າງຫຼາຍຢ່າງເພື່ອນຳໄປປັບປຸງ ແລະ ເປັນບົດຮຽນໃນການດຳເນີນການຈັດຕັ້ງປະຕິບັດໂຄງການໃນຕໍ່ໜ້າ, ກອງປະຊຸມໄດ້ດຳເນີນມາຮອດເວລາ 16:00 ໂມງ ຂອງວັນທີ 15 ທັນວາ 2016 ຕາມວາລະກອງປະຊຸມ, ພ້ອມດຽວກັນນັ້ນກອງປະຊຸມກໍ່ໄດ້ໃຫ້ກຽດກ່າວປິດຢ່າງເປັນທາງການ ໂດຍທ່ານ ນາງ ຄຳປະເສີດ ກິຕິຍະວົງ ຮອງຫົວໜ້າກົມອະນຸບານ ແລະ ປະຖົມສຶກສາ, ຫົວໜ້າຄະນະຮັບຜິດຊອບໂຄງການ.

 
ແກ້ໄຂລ່າສຸດ ( ມື້ຈັນທີ່ 29 ກຸມພາ 2016 ເວລາ 07: 29 )
 
free pokerfree poker
Design by DPPE