• Lao (ພາສາລາວ)
Home ຂ່າວຕ່າງໆ ຂ່າວ ສຶກສາ ແລະ ກິລາ ມອບ-ຮັບ ໂຄງການກໍ່ສ້າງ ໂຮງຮຽນມັດທະຍົມຕອນຕົ້ນ ກຸ່ມບ້ານເມືອງປົວ ແລະ ສະໂມສອນ ໂຮງຮຽນ ມສ ນາຄາວ ເມືອງວຽງໄຊ

ມອບ-ຮັບ ໂຄງການກໍ່ສ້າງ ໂຮງຮຽນມັດທະຍົມຕອນຕົ້ນ ກຸ່ມບ້ານເມືອງປົວ ແລະ ສະໂມສອນ ໂຮງຮຽນ ມສ ນາຄາວ ເມືອງວຽງໄຊ

ຕອນເຊົ້າວັນທີ 2 ກັນຍາ 2016 ນີ້ໄດ້ມີພິທີ ມອບ-ຮັບ ໂຄງການກໍ່ສ້າງ ໂຮງຮຽນມັດທະຍົມຕອນຕົ້ນ ກຸ່ມບ້ານເມືອງປົວ ແລະ ສະໂມສອນ ໂຮງຮຽນ ມສ ນາຄາວ ເມືອງວຽງໄຊ ຢູ່ທີ່ ສະໂມສອນ ໂຮງຮຽນ ມສ ນາຄາວ ເມືອງວຽງໄຊ ຫຼັງໃໝ່ ໂດຍເປັນກຽດການເຂົ້າຮ່ວມຂອງ ທ່ານ ມົນທອງ ລຽນຕິຄຸນ ຫົວໜ້າພະແນກສຶກສາທິການ ແລະ ກິລາແຂວງຫົວພັນ,

ມີຄະນະກວດກາ ແລະ ຄຸ້ມຄອງໂຄງການຂັ້ນແຂວງ, ຂັ້ນເມືອງ, ມີຄະນະພັກກຸ່ມບ້ານເມືອງປົວ, ບ້ານນາຄາວ ພ້ອມດ້ວຍ ພໍ່-ແມ່ ປະຊາຊົນ ຕະ ຫຼອດຮອດພະນັກງານຄູອາຈານ, ນ້ອງຫຼານນັກຮຽນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນພະຍານນຳ
ໃນພິທີ ທ່ານ ໄຊສົງຄາມ ດາລາວົງ ຜູ້ອຳນວຍການບໍລິສັດວັນໂນພອນກໍ່ສ້າງ ຈຳກັດຜູ້ດຽວ ໄດ້ໃຫ້ຮູ້ວ່າ: ໂຄງການກໍ່ສ້າງ ໂຮງຮຽນມັດທະຍົມຕອນຕົ້ນ ກຸ່ມບ້ານເມືອງປົວ ແລະ ສະໂມສອນ ໂຮງຮຽນ ມສ ນາຄາວ ເມືອງວຽງໄຊ ໄດ້ເລີ່ມລົງມືກໍ່ສ້າງນັບແຕ່ວັນທີ 15 ມັງກອນ 2015 ເປັນຕົ້ນມາຈົນຮອດວັນທີ 30 ສິງຫາ 2016 ນີ້ໄດ້ສຳເລັດລົງ 100% ຈິ່ງໄດ້ຈັດພິທີ ມອບ-ຮັບ ຂຶ້ນຢ່າງເປັນທາງການໃນວັນທີ 2 ກັນຍາ 2016 ນີ້ 2 ໂຄງການດັ່ງກ່າວນີ້ແມ່ນ ບໍລິສັດວັນໂນພອນກໍ່ສ້າງ ແລະ ຈຳກັດຜູ້ດຽວ ເປັນຜູ້ຮັບເໝົາກໍ່ສ້າງ ແລະ ພະແນກສຶກສາທິການ ແລະ ກິລາແຂວງຫົວພັນ ເປັນເຈົ້າຂອງໂຄງການ ໂດຍໄດ້ຮັບທຶນຊ່ວຍເຫຼືອຈາກ ໂຄງການນ້ຳເທີນສອງ ໂດຍຜ່ານກະຊວງສຶກສາທິການ ແລະ ກິລາ ໂຄງການກໍ່ສ້າງອາຄານ ໂຮງຮຽນມັດທະຍົມຕອນຕົ້ນ ກຸ່ມບ້ານເມືອງປົວປະກອບມີ 2 ຫຼັງ, ແຕ່ລະຫຼັງມີຂະໜາດ ລວງກ້ວາງ 9 ແມັດ, ລວງຍາວ 32 ແມັດ, ເປັນໂຄງການກໍ່ດ້ວຍໂຄງສ້າງເບຕົງສີມເຫຼັກ, ຫຼັງຄາເຮັດດ້ວຍໂຄງເຫຼັກ, ມຸງດ້ວຍກະເບື້ອງ ປະກອບມີ: 8 ຫ້ອງຮຽນ, ຫ້ອງນ້ຳ 1 ຫຼັງ ມີ 2 ຫ້ອງ, ມີມູນຄ່າການກໍ່ສ້າງ 1 ຕື້ 5 ຮ້ອຍ 55 ລ້ານກ່ວາກີບ, ໂຄງການກໍ່ສ້າງ ສະໂມສອນໂຮງຮຽນ ມສ ນາຄາວ ມີຂະໜາດ ລວງກ້ວາງ 20 ແມັດ, ລວງຍາວ 40 ແມັດ ເປັນໂຄງການກໍ່ສ້າງດ້ວຍໂຄງສ້າງເບຕົງເສີມເຫຼັກ, ລັງຄາເຮັດດ້ວຍໂຄງເຫຼັກ, ມຸງດ້ວຍສັງກະສີ, ອາລຸຍຊິງ, ປະກອບມີ: ຫ້ອງປ່ຽນຄື່ອງນັກສະແດງ 1 ຫ້ອງ, ຫ້ອງກຽມ 1 ຫ້ອງ, ເວທີການສະແດງ ມີຂະໜາດລວງກ້ວາງ 5 ແມັດ, ລວງຍາວ 20 ແມັດ, ມີເດີ່ນຫຼິ້ນກິລາຂະໜາດ ລວງກ້ວາງ 20 ແມັດ, ລວງຍາວ 25 ແມັດ, ລວມມູນຄ່າການກໍ່ສ້າງແມ່ນ 2 ຕື້ 300 ກ່ວາລ້ານກີບ 
ໂອກາດດຽວກັນ ທ່ານ ໄຊສົງຄາມ ດາລາວົງ ຜູ້ອຳນວຍການບໍລິສັດວັນໂນພອນກໍ່ສ້າງ ຈຳກັດຜູ້ດຽວ ແລະ ທ່ານ ມົນທອງ ລຽນຕິຄຸນ ຫົວໜ້າພະແນກສຶກສາທິການ ແລະ ກິລາແຂວງ ກໍ່ໄດ້ພ້ອມກັນເຊັນບົດບັນທຶກ ມອບ-ຮັບ ໂຄງການກໍ່ສ້າງໂຮງຮຽນມັດທະຍົມຕອນຕົ້ນ ກຸ່ມບ້ານເມືອງປົວ ແລະ ສະໂມສອນ ໂຮງຮຽນ ມສ ນາຄາວ ເມືອງວຽງໄຊ ຢ່າງເປັນທາງການ

ຜູ້ທີ່ເຂົ້າຊົມ

ເຮົາມີ 11 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້221
mod_vvisit_counterມື້ວານ119
mod_vvisit_counterອາທິດນີ້498
mod_vvisit_counterອາທິດກ່ອນ2106
mod_vvisit_counterເດືອນນີ້3956
mod_vvisit_counterເດືອນກ່ອນ5619
mod_vvisit_counterທັງໝົດ148344