• Lao (ພາສາລາວ)
Home ຂ່າວຕ່າງໆ ຂ່່າວ ອື່ນໆ ພິທີ ມອບ-ຮັບ ສະໂມສອນ ໂຮງຮຽນ ມສ ພັນລາ ແຂວງຫົວພັນ ຫຼັງໃໝ່

ພິທີ ມອບ-ຮັບ ສະໂມສອນ ໂຮງຮຽນ ມສ ພັນລາ ແຂວງຫົວພັນ ຫຼັງໃໝ່

ຕອນເຊົ້າວັນທີ 7 ຕຸລາ 2016 ຜ່ານມາໄດ້ມີ ພິທີ ມອບ-ຮັບ ສະໂມສອນ ໂຮງຮຽນ ມສ ພັນລາ ແຂວງຫົວພັນ ຫຼັງໃໝ່ ຢ່າງເປັນທາງການໂດຍໄດ້ຈັດຂຶ້ນຢູ່ທີ່ ສະໂມສອນ ໂຮງຮຽນ ດັ່ງກ່າວໂດຍເປັນກຽດການເຂົ້າຮ່ວມຂອງ ທ່ານ ວັນໄຊ ແພງຊຸມມາ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫົວພັນ,

ທ່ານ ຮວ້າງວັນເຈິ່ດ ເລຂາພັກແຂວງ ເຈົ້າແຂວງໆເຊີນລາ ສສ ຫວຽດນາມ ທັງເປັນປະທານສະພາປະຊາຊົນແຂວງເຊີນລາ, ມີຄະນະຜູ້ແທນຂັ້ນສູງຂອງ ແຂວງຫົວພັນ ແລະ ແຂວງເຊີນລາ, ມີຄະນະກວດກາ ແລະ ຄຸ້ມຄອງໂຄງການຂັ້ນແຂວງ, ພະນັກງານຄູອາຈານ ແລະ ນ້ອງຫຼານນັກຮຽນ ໂຮງຮຽນ ມສ ພັລາ ເຂົ້າຮ່ວມຢ່າງພ້ອມພຽງ
ທ່ານ ແສງທອງ ແສງສຸລິນ ຮອງຫົວໜ້າພະແນກສຶກສາທິການ ແລະ ກິລາແຂວງຫົວພັນ ໄດ້ຂຶ້ນຜ່ານບົດສະຫຼຸບໂຄງການກໍ່ສ້າງ ສະໂມສອນໂຮງຮຽນ ມສ ພັນລາ ຫຼັງໃໝ່ ໃຫ້ຮູ້ວ່າ: ໂຄງການກໍ່ສ້າງ ໂຮງຮຽນ ມສ ພັນລາ ໄດ້ເລີ່ມລົງມືກໍ່ສ້າງນັບແຕ່ວັນທີ 23 ທັນວາ 2015 ເປັນຕົ້ນມາຈົນມາຮອດວັນທີ 7 ຕຸລາ 2016 ໂດຍໃຊ້ການກໍ່ສ້າງເປັນເວລາ 10 ເດືອນ, ຈິ່ງໄດ້ສຳເລັດລົງຢ່າງເປັນທາງການ ລວມມູນຄ່າການກໍ່ສ້າງທັງໝົດ 8,2 ຕື້ດົງຫວຽດນາມ ໂດຍໄດ້ຮັບທຶນຊ່ວຍເຫຼືອຈາກແຂວງເຊີນລາ ສສ ຫວຽດນາມ 5 ຕື້ດົງຫວຽດນາມ ບວກໃສ່ທຶນສົມທົບຂອງ ແຂວງຫົວພັນ 3,2 ຕື້ດົງຫວຽດນາມ, ເຊິ່ງແມ່ນ ບໍລິສັດຮຶງຟາດກໍ່ສ້າງ ເປັນຜູ້ຮັບເໝົາກໍ່ສ້າງ ແລະ ພະແນກ ສຶກສາທິການ ແລະ ກິລາແຂວງຫົວພັນ ເປັນເຈົ້າຂອງໂຄງການ, ສະໂມສອນໂຮງຮຽນ ມສ ພັນລາ ຫຼັງ ໃໝ່ແຫ່ງນີ້ມີຂະໜາດ 40x20 ແມັດ, ປະກອບດ້ວຍ 2 ຫ້ອງປ່ຽນເຄື່ອງ, 1 ຫ້ອງກຽມ, 1 ຫ້ອງຮັບແຂກ, 1 ຫ້ອງສາງເກັບມ້ຽນເຄື່ອງ, 2 ຫ້ອງນ້ຳຕິດໃນອາຄານ, ມີເວທີການສະແດງ ແລະ ເດີ່ນອາເນກປະສົງ ສາມາດຫຼິ້ນກິລາໄດ້ຫຼາຍປະເພດເຊັ່ນ: ບານສົ່ງ, ກະຕໍ້ຫວາຍ, ປິ່ງປ່ອງ, ປີກໄກ່, ໝາກແລ້ ແລະ ອື່ນໆ ສະໂມສອນແຫ່ງນີ້ເປັນລະບົບໂຄງສ້າງດ້ວຍເບຕົງເສີມເຫຼັກ, ໂຄງຫຼັງຄາເປັນເຫຼັກຮູບປະພັນ, ມຸງດ້ວຍສັງກະສີອາລຸຍຊິງ, ໂອກາດດັ່ງກ່າວ ທ່ານ ວັນໄຊ ແພງຊຸມມາ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫົວພັນ ແລະ ທ່ານ ຮວ້າງວັນເຈິ່ດ ເລຂາພັກແຂວງ ເຈົ້າແຂວງໆເຊີນລາ ສສ ຫວຽດນາມ ພ້ອມດ້ວຍການນຳຂັ້ນສູງຂອງ 2 ແຂວງ: ຫົວພັນ, ເຊີນລາ ໄດ້ພ້ອມກັນຂຶ້ນຕັດແຖບຜ້າເພື່ອເປັນສິລິມຸງຄຸນ ແລະ ມອບ-ຮັບ ຢ່າງເປັນທາງການ

ຜູ້ທີ່ເຂົ້າຊົມ

ເຮົາມີ 5 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້11
mod_vvisit_counterມື້ວານ3
mod_vvisit_counterອາທິດນີ້11
mod_vvisit_counterອາທິດກ່ອນ210
mod_vvisit_counterເດືອນນີ້395
mod_vvisit_counterເດືອນກ່ອນ406
mod_vvisit_counterທັງໝົດ138579