• Lao (ພາສາລາວ)
Home ຂ່າວຕ່າງໆ ຂ່າວ ສຶກສາ ແລະ ກິລາ ອົງກອນການແບ່ງປັນ ທາງດ້ານສິນລະປະ ແລະ ວັດທະນາທຳ ປະເທດເກົາຫຼີ ເຊັນສັນຍາຊ່ວຍເຫຼືອລ້າກໍ່ສ້າງ ໂຮງຮຽນ ມສ ຊຽງຄູນ ເມືອງແອດ ແຂວງຫົວພັນ ມູນຄ່າ 1 ແສນ 50 ພັນ ໂດລາ

ອົງກອນການແບ່ງປັນ ທາງດ້ານສິນລະປະ ແລະ ວັດທະນາທຳ ປະເທດເກົາຫຼີ ເຊັນສັນຍາຊ່ວຍເຫຼືອລ້າກໍ່ສ້າງ ໂຮງຮຽນ ມສ ຊຽງຄູນ ເມືອງແອດ ແຂວງຫົວພັນ ມູນຄ່າ 1 ແສນ 50 ພັນ ໂດລາ

ຕອນເຊົ້າວັນທີ 17 ຕຸລາ 2016 ນີ້ຢູ່ທີ່ ຫ້ອງປະຊຸມ ພະແນກສຶກສາທິການ ແລະ ກິລາແຂວງຫົວພັນ ໄດ້ມີການເຊັນສັນຍາວ່າດ້ວຍການກໍ່ສ້າງ ໂຮງຮຽນມັດທະຍົມສົມບູນ ບ້ານຊຽງຄູນ ເມືອງແອດ ແຂວງຫົວພັນ ໂດຍການເຂົ້າຮ່ວມຂອງ ທ່ານ ວັນໄຊ ແພງຊຸມມາ ກຳມະການສູນກາງພັກ ເລຂາພັກແຂວງ ເຈົ້າແຂວງຫົວພັນ,

ມີ ທ່ານ ນາງ ຢູຮຽນ ຊຸກ ປະທານ ສະມາຄົມ ອົງກອນການແບ່ງປັນ ທາງດ້ານສິນລະປະ ແລະ ວັດທະນາທຳ ປະເທດເກົາຫຼີ ພ້ອມດ້ວຍທີມງານ, ມີຄະກວດກາ ແລະ ຄຸ້ມຄອງໂຄງການຂັ້ນແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານນຳ
ໂຄງການກໍ່ສ້າງໂຮງຮຽນມັດທະຍົມສົມບູນ ບ້ານຊຽງຄູນ ເມືອງແອດ ແຂວງຫົວພັນ ມີມູນຄ່າການກໍ່ສ້າງທັງໝົດແມ່ນ 1 ແສນ 50 ພັນໂດລາສະຫະລັດ ເຊິ່ງເປັນທຶນຊ່ວຍເຫຼືອລ້າຈາກລັດຖະບານ ເທດເກົາຫຼີ ແລະ ເປັນທຶນການຮ່ວມມືລະຫວ່າງ ແຂວງຄີອຸນກີ ປະເທດເກົາຫຼີ ແລະ ນານັມ ມັນວາ ເຢຊຸນ ຫຸນໂຫ ໂດຍຜ່ານ ສະມາຄົມ ອົງກອນການແບ່ງປັນ ທາງດ້ານສິນລະປະ ແລະ ວັດທະນາທຳ ປະເທດເກົາຫຼີ ໂຄງການກໍ່ສ້າງດັ່ງກ່າວເປັນອາຄານຊັ້ນດຽວ, ປະກອບມີ 12 ຫ້ອງ ຄື: ຫ້ອງຮຽນ 9 ຫ້ອງ, ຫ້ອງການຄູ 1 ຫ້ອງ, ຫ້ອງພາສາ 1 ຫ້ອງ, ຫ້ອງອຳນວຍການ 1 ຫ້ອງ, ເປັນໂຄງສ້າງລະບົບເບຕົງເສີມເຫຼັກ, ລັງຄາມຸງດ້ວຍກະເບື້ອງສີແດງ, ຝາກໍ່ດ້ວຍດິນຈີ່, ພື້ນປູດ້ວຍກະໂລເຊລາມິກ, ມີ 4 ທາງເຂົ້າ, ມີທາງຍ່າງລະຫວ່າງຫ້ອງນ້ຳ ແລະ ອາຄານ, ມີອ່າງ 6 ຊຸດ, ມີຫ້ອງນ້ຳ ຍິງ-ຊາຍ 6 ຫ້ອງ ພ້ອມລະບົບໄຟຟ້າຄົບຊຸດ ໄລຍະການກໍ່ສ້າງແມ່ນຈະໃຊ້ເວລາ 12ເດືອນ ຫຼື ເທົ່າກັບ 1 ປີ ນັບແຕ່ມື້ເຊັນສັນຍາ ແລະ ຈະໄດ້ວາງສີລາລຶກໃນຕົ້ນເດືອນ ພະຈິກ 2016 ນີ້ ພ້ອມທັງຈະໄດ້ ເລີ່ມລົງມືການກໍ່ສ້າງໃຫ້ສຳເລັດກ່ອນວັນທີ 30 ມີຖຸນາ 2017 ທີ່ຈະມາເຖິງນີ້ໂດຍແມ່ນ ບໍລິສັດ ໂຣດ ຈຳກັດ ເປັນຜູ້ຮັບເໝົາກໍ່ສ້າງ ຕອນທ້າຍພິທີ ທ່ານ ມົນທອງ ລຽນຕິຄຸນ ຫົວໜ້າພະແນກສຶກສາທິການ ແລະ ກິລາແຂວງຫົວພັນ ແລະ ທ່ານ ນາງ ຢູ ຮຽນຊຸກ ປະທານ ສະມາຄົມ ອົງກອນການແບ່ງປັນ ທາງດ້ານສິນລະປະ ແລະ ວັດທະນາທຳ ປະເທດເກົາຫຼີ ກໍ່ໄດ້ພ້ອມກັນ ລົງນາມເຊັນສັນຍາໃສ່ບົດບັນທຶກສັນຍາວ່າດ້ວຍ ໂຄງການກໍ່ສ້າງໂຮງຮຽນມັດທະຍົມສົມບູນ ບ້າງຊຽນຄູນ ເມືອງແອດ ແຂວງຫົວພັນ ຢ່າງເປັນທາງການ

ຜູ້ທີ່ເຂົ້າຊົມ

ເຮົາມີ 32 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້106
mod_vvisit_counterມື້ວານ130
mod_vvisit_counterອາທິດນີ້487
mod_vvisit_counterອາທິດກ່ອນ802
mod_vvisit_counterເດືອນນີ້1779
mod_vvisit_counterເດືອນກ່ອນ4269
mod_vvisit_counterທັງໝົດ90279