• Lao (ພາສາລາວ)
Home ຂ່າວຕ່າງໆ ຂ່າວ ສຶກສາ ແລະ ກິລາ ພິທີ ວາງສີລາລຶກ ໂຄງການກໍ່ສ້າງ ໂຮງຮຽນ ມສ ຊຽງຄູນ ເມືອງແອດ ແຂວງຫົວພັນ ຫຼັງໃໝ່ ມູນຄ່າ 1 ຕື້ 200 ກ່ວາລ້ານກີບ

ພິທີ ວາງສີລາລຶກ ໂຄງການກໍ່ສ້າງ ໂຮງຮຽນ ມສ ຊຽງຄູນ ເມືອງແອດ ແຂວງຫົວພັນ ຫຼັງໃໝ່ ມູນຄ່າ 1 ຕື້ 200 ກ່ວາລ້ານກີບ

ຕອນເຊົ້າວັນທີ 16 ພະຈິກ 2016 ຜ່ານມານີ້ ຢູ່ທີ່ເດີ່ນ ໂຮງຮຽນ ມສ ຊຽງຄູນ ເມືອງແອດ ແຂວງຫົວພັນ ໄດ້ຈັດ ພິທີ ວາງສີລາລຶກ ໂຄງການກໍ່ສ້າງ ໂຮງຮຽນ ມສ ຊຽງຄູນ ເມືອງແອດ ແຂວງຫົວພັນ ຫຼັງໃໝ່ ໂດຍພາຍໃຕ້ການເປັນປະທານຂອງ ທ່ານ ວັນໄຊ ແພງຊຸມມາ ກຳມະການສູນການພັກ ເລຂາພັກແຂວງ ເຈົ້າແຂວງຫົວພັນ,

ເປັນກຽດການເຂົ້າຮ່ວມຂອງ ທ່ານ ນາງ ຢູ ຮຽນສຸກ ປະທານ ສະມາຄົມ ອົງກອນການແບ່ງປັນ ທາງດ້ານສິນລະປະ ແລະ ວັດທະນາທຳ ປະເທດ ສ ເກົາຫຼີ ພ້ອມດ້ວຍທີມງານ, ມີ ທ່ານ ມົນທອງ ລຽນຕິຄຸນ ຫົວໜ້າພະແນກສຶກສາທິການ ແລະ ກິລາແຂວງ ພ້ອມດ້ວຍທີມງານ, ອຳນາດການປົກຄອງບ້ານຊຽງຄູນ ຕະຫຼອດຮອດພະນັກງານຄູ-ອາຈານ ແລະ ນ້ອງຫຼານນັກຮຽນເຂົ້າຮ່ວມຢ່າງພ້ອມພຽງ
ໂອກາດດັ່ງກ່າວ ທ່ານ ວັນໄຊ ແພງຊຸມ ມາກຳມະການສູນການພັກ ເລຂາພັກແຂວງ ເຈົ້າແຂວງຫົວພັນ, ນາງ ຢູ ຮຽນສຸກ ປະທານ ສະມາຄົມ ອົງກອນການແບ່ງປັນ ທາງດ້ານສິນລະປະ ແລະ ວັດທະນາທຳ ປະເທດ ສ ເກົາຫຼີ, ທ່ານ ມົນທອງ ລຽນຕິຄຸນ ຫົວໜ້າພະແນກສຶກສາທິການ ແລະ ກິລາແຂວງຫົວພັນ ແລະ ທ່ານ ທອງຜາຍ ແພງກອງຜິວ ຮອງເຈົ້າເມືອງໆແອດ ກໍ່ໄດ້ຮ່ວມກັນຊ້ວານຊາຍ ເພື່ອເປີດພິທີວາງສີລາລຶກຢ່າງເປັນທາງການ ໂຄງການກໍ່ສ້າງໂຮງຮຽນມັດທະຍົມສົມບູນ ບ້ານຊຽງຄູນ ເມືອງແອດ ແຂວງຫົວພັນ ມີມູນຄ່າການກໍ່ສ້າງທັງໝົດແມ່ນ 1 ແສນ 50 ພັນໂດລາສະຫະລັດ ຫຼື ເທົ່າກັບ 1 ຕື້ 200 ກ່ວາລ້ານກີບ ເຊິ່ງເປັນທຶນຊ່ວຍເຫຼືອລ້າຈາກລັດຖະບານ ເທດເກົາຫຼີ ແລະ ເປັນທຶນການຮ່ວມມືລະຫວ່າງ ແຂວງຄີອຸນກີ ປະເທດ ສ ເກົາຫຼີ ແລະ ນານັມ ມັນວາ ເຢຊຸນ ຫຸນໂຫ ໂດຍຜ່ານ ສະມາຄົມ ອົງກອນການແບ່ງປັນ ທາງດ້ານສິນລະປະ ແລະ ວັດທະນາທຳ ປະເທດເກົາຫຼີ ໂຄງການກໍ່ສ້າງດັ່ງກ່າວເປັນອາຄານຊັ້ນດຽວ, ປະກອບມີ 12 ຫ້ອງ ຄື: ຫ້ອງຮຽນ 9 ຫ້ອງ, ຫ້ອງການຄູ 1 ຫ້ອງ, ຫ້ອງພາສາ 1 ຫ້ອງ, ຫ້ອງອຳນວຍການ 1 ຫ້ອງ, ເປັນໂຄງສ້າງລະບົບເບຕົງເສີມເຫຼັກ, ລັງຄາມຸງດ້ວຍກະເບື້ອງສີແດງ, ຝາກໍ່ດ້ວຍດິນຈີ່, ພື້ນປູດ້ວຍກະໂລເຊລາມິກ, ມີ 4 ທາງເຂົ້າ, ມີທາງຍ່າງລະຫວ່າງຫ້ອງນ້ຳ ແລະ ອາຄານ, ມີອ່າງ 6 ຊຸດ, ມີຫ້ອງນ້ຳ ຍິງ-ຊາຍ 6 ຫ້ອງ ພ້ອມລະບົບໄຟຟ້າຄົບຊຸດ ໄລຍະການກໍ່ສ້າງແມ່ນຈະໃຊ້ເວລາ 12ເດືອນ ຫຼື ເທົ່າກັບ 1 ປີ ນັບແຕ່ມື້ເຊັນສັນຍາ ແລະ ຈະໄດ້ວາງສີລາລຶກໃນຕົ້ນເດືອນ ພະຈິກ 2016 ນີ້ ພ້ອມທັງຈະໄດ້ ເລີ່ມ ລົງມືການກໍ່ສ້າງໃຫ້ສຳເລັດກ່ອນວັນທີ 30 ມີຖຸນາ 2017 ທີ່ຈະມາເຖິງນີ້ໂດຍແມ່ນ ບໍລິສັດ ໂຣດ ຈຳກັດ ເປັນຜູ້ຮັບເໝົາກໍ່ສ້າງ ໂອກາດທີ່ຄະນະຜູ້ແທນໄດ້ເດີນທາງມາຈາກ ປະເທດ ສ ເກົາຫຼີ ເພື່ອມາຊ່ວຍເຫຼືອ ແລະ ຢ້ຽມຢາມ ແຂວງຫົວພັນ ໃນຄັ້ງນີ້ຍັງໄດ້ລົງຊຸກຍູ້ ແລະ ຕິດຕາມການຮຽນ-ການສອນ ຂອງໂຮງຮຽນອະນຸບານ ແລະ ປະຖົມພັນໄຊ ນຳອີກ.

ຜູ້ທີ່ເຂົ້າຊົມ

ເຮົາມີ 24 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້348
mod_vvisit_counterມື້ວານ151
mod_vvisit_counterອາທິດນີ້685
mod_vvisit_counterອາທິດກ່ອນ1433
mod_vvisit_counterເດືອນນີ້6090
mod_vvisit_counterເດືອນກ່ອນ4409
mod_vvisit_counterທັງໝົດ134022