• Lao (ພາສາລາວ)
Home ຂ່າວຕ່າງໆ ຂ່່າວ ອື່ນໆ ສະຖານກົງສຸນໃຫຍ່ ແຫ່ງ ສປ ຈີນ ປະຈຳພາກເໜືອຂອງ ສປປ ລາວ ມອບເຄື່ອງຕ້ານໄພໜາວໃຫ້ແກ່ ແຂວງຫົວພັນ ມູນຄ່າ 33 ລ້ານ ກ່ວາກີບ

ສະຖານກົງສຸນໃຫຍ່ ແຫ່ງ ສປ ຈີນ ປະຈຳພາກເໜືອຂອງ ສປປ ລາວ ມອບເຄື່ອງຕ້ານໄພໜາວໃຫ້ແກ່ ແຂວງຫົວພັນ ມູນຄ່າ 33 ລ້ານ ກ່ວາກີບ


ຕອນເຊົ້າວັນທີ 27 ທັນວາ 2016 ນີ້ ສະຖານກົງສຸນໃຫຍ່ ແຫ່ງ ສປ ຈີນ ປະຈຳພາກເໜືອຂອງ ສປປ ລາວ ( ແຂວງຫຼວງພະບາງ ) ນໍາໂດຍ ທ່ານ ນາງ ວາງໂລ້ ຮອງຫົວໜ້າສະຖານກົງສຸນໃຫຍ່ ແຫ່ງ ສປ ຈີນ ປະຈໍາພາກເໜືອຂອງ ສປປ ລາວ ( ທີ່ ແຂວງຫຼວງພະບາງ ) ພ້ອມດ້ວຍຄະນະ ໄດ້ນຳເອົາເສື້ອກັນໜາວຈໍານວນ 562 ຜືນ ລວມມີມູນຄ່າທັງໝົດ 33.750.000 ລ້ານກີບ ມາມອບໃຫ້ແກ່ ແຂວງຫົວພັນ ເພື່ອປະກອບເຂົ້າໃນການຕ້ານໄພໜາວໃຫ້ແກ່ນ້ອງຫຼານນັກຮຽນຜູ້ທີ່ທຸກຍາກຂາດເຂີນ,

ເດັກກຳພ້າ, ກຳພອຍ ແລະ ຜູ້ດ້ອຍໂອກາດ ທີ່ຢູ່ໂຮງຮຽນຫ່າງໄກສອກຫຼີກ ໃນຂອບເຂດ 10 ໂຮງຮຽນຂອງ 10 ເມືອງ ທົ່ວແຂວງຫົວພັນ ພິທີມອບຮັບໄດ້ຈັດຂຶ້ນທີ່ ຫ້ອງວ່າການປົກຄອງແຂວງ, ໂດຍມີ ທ່ານ ວົງໄຊ ຍະສິງທອນ ຫົວໜ້າພະແນກ ການຕ່າງປະເທດແຂວງ, ທ່ານ ສົມເພັດ ອິນທະສອນ ຫົວໜ້າຂະແໜງບໍລິຫານ ພະແນກສຶກສາທິການ ແລະ ກິລາແຂວງ ແລະ ພາກສ່ວນທີ່ກ່ໜວຂ້ອງເຂົ້າຮ່ວມເປັນພະຍານນຳ
ໂອກາດດັ່ງກ່າວ ທ່ານ ນາງ ວາງໂລ້ ຮອງຫົວໜ້າສະຖານກົງສຸນໃຫຍ່ ແຫ່ງ ສປ ຈີນ ປະຈໍາພາກເໜືອຂອງ ສປປ ລາວ ( ທີ່ ແຂວງຫຼວງພະບາງ ) ໄດ້ມອບເຄື່ອງຈຳນວນດັ່ງກ່າວໃຫ້ແກ່ແຂວງຫົວພັນ ຕ່າງໜ້າຮັບໂດຍ ທ່ານ ວົງໄຊ ຍະສິງທອນ ຫົວໜ້າພະແນກການຕ່າງປະເທດແຂວງ ເຊິ່ງເຄື່ອງທີ່ໄດ້ມາໃນຄັ້ງນີ້ແມ່ນໄດ້ມາຈາກການປະກອບສ່ວນຂອງນ້ອງຫຼານນັກຮຽນ ແລະ ພໍ່ແມ່, ປະຊາຊົນຂອງ ສປ ຈີນ ເປັນຜູ້ປະກອບສ່ວນໂດຍມີຈຸດປະສົງ: ປະກອບສ່ວນ, ຊ່ວຍເຫຼືອນ້ອງຫຼານນັກຮຽນຜູ້ທີ່ທຸກຍາກຂາດເຂີນ, ເດັກກຳພ້າ, ກຳພອຍ, ແລະ ຜູ້ດ້ອຍໂອກາດ ທີ່ຢູ່ໂຮງຮຽນຫ່າງໄກສອກຫຼີກໄດ້ມີເຄື່ອງນຸ່ງຫົ່ມເພື່ອຕ້ານໄພໜາວ, ທັງນີ້ໃນໄລຍະຜ່ານມາການພົວພັນລະຫວ່າງແຂວງຫົວພັນ ກັບ ສະຖານກົງສຸນໃຫຍ່ຂອງ ສປ ຈີນ ກໍ່ໄດ້ມີການພົວພັນ, ແລກປ່ຽນບົດຮຽນ, ຮ່ວມມືໃນຫຼາຍດ້ານ ໂດຍສະເພາະແມ່ນການຮ່ວມມືທາງດ້ານການສຶກສາເພື່ອກໍ່ສ້າງຊັບພະ ຍາກອນມະນຸດ ຫຼັງຈາກສຳເລັດພິທີ ມອບ-ຮັບ ຢ່າງເປັນທາງການແລ້ວ ທີມງານກົງສຸນໃຫຍ່ແຫ່ງ ສປ ຈີນ ປະຈຳພາກເໜືອຂອງລາວ, ທີມງານພະແນກການຕ່າງປະເທດແຂວງ ແລະ ທີມງານ ພະແນກສຶກສາທິການ ແລະ ກິລາແຂວງ ໄດ້ນຳເອົາເຄື່ອງນຸ່ງຈຳນວນໜຶ່ງເດີນທາງຈາກຕົວເມືອງຊຳເໜືອ ໄປມອບໃຫ້ແກ່ນ້ອງຫຼານນັກຮຽນຢູ່ທີ ໂຮງຮຽນມັດທະຍົມຕອນຕົ້ນມອງນ້ຳ ເມືອງຊຽງຄໍ້ ແຂວງຫົວພັນ ສ່ວນເຄື່ອງທີ່ຍັງເຫຼືອແມ່ນ ພະແນກສຶກສາທິການ ແລະ ກິລາແຂວງ ຈະໄດ້ສົມທົບ ແລະ ພົວພັນ ກັບ ພະແນກການຕ່າງປະເທດແຂວງ ນຳໄປມອບໃຫ້ແຕ່ລະໂຮງຮຽນເປົ້າຕາມເວລາທີ່ເໝາະສົມ ຈຳນວນ 10 ໂຮງຮຽນທີ່ຈະໄດ້ຮັບເຄື່ອງໃນຄັ້ງນີ້ປະກອບມີ: ມັດທະຍົມສົມບູນຜາທີ່ ເມືອງຊຳເໜືອ, ມັດທະຍົມຕົ້ນມອງນ້ຳ ເມືອງຊຽງຄໍ້, ມັດທະຍົມຕົ້ນດອນຄູນ ເມືອງຮ້ຽມ, ມັດທະຍົມຕົ້ນບ້ານວຽງ ເມືອງວຽງໄຊ, ມັດທະຍົມຕົ້ນຮົມກອງ ເມືອງຫົວເມືອງ, ມັດທະຍົມຕົ້ນຜາຫາດ ເມືອງຊຳໃຕ້, ມັດທະຍົມຕົ້ນຫ້ວຍຮຽງ ເມືອງສົບເບົາ, ມັດທະຍົມຕົ້ນເມືອງຊຶມ ເມືອງແອດ, ມັດທະຍົມຕົ້ນຜາແດງ ເມືອງຊຳໃຕ້ ແລະ ມັດທະຍົມຕົ້ນເກົ້າ ເມືອງຊ່ອນ ໃນວັນດຽວກັນ ທ່ານ ນາງ ແພງ ກັນຍາພິມ ຮອງເລຂາພັກແຂວງ ຮອງເຈົ້າແຂວງຫົວພັນ ໄດ້ມອບໃບຍ້ອງຍໍຂອງ ທ່ານ ເຈົ້າແຂວງຫົວພັນໃຫ້ແກ່ ທ່ານ ນາງ ວາງໂລ້ ຮອງຫົວໜ້າສະຖານກົງສຸນໃຫຍ່ ແຫ່ງ ສປ ຈີນ ປະຈໍາພາກເໜືອຂອງ ສປປ ລາວ ( ທີ່ ແຂວງຫຼວງພະບາງ ) ເພື່ອເປັນການຂອບອົກຂອບໃຈ ແລະ ສະແດງຄວາມຮູ້ບຸນຄຸນທີ່ມາຊ່ວຍເຫຼືອ ແຂວງຫົວພັນ ໃນຄັ້ງນີ້

ຜູ້ທີ່ເຂົ້າຊົມ

ເຮົາມີ 4 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້199
mod_vvisit_counterມື້ວານ315
mod_vvisit_counterອາທິດນີ້696
mod_vvisit_counterອາທິດກ່ອນ2436
mod_vvisit_counterເດືອນນີ້7805
mod_vvisit_counterເດືອນກ່ອນ4110
mod_vvisit_counterທັງໝົດ123004