• Lao (ພາສາລາວ)
Home ຂ່າວກິລາ ກິລາ ແຂວງຫົວພັນ ຈັດພິທີຕ້ອນຮັບ ທັບນັກກິລາທີ່ກັບຈາກການເຂົ້າຮ່ວມງານມະຫາກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ປີ 2017 ທີ່ແຂວງບໍລິຄຳໄຊ ເປັນເຈົ້າພາບ ຢ່າງສົມກຽດ ຕອນບ່າຍວັນທີ 9 ກຸມພາ 2017 ຜ່ານມາພະແນກສຶກສາທິການ ແລະ ກິລາແຂວງຫົວພັນ ສົມທົບກັບການນຳແຂວງ ໄດ້ຈັດພິທີຕ້

ແຂວງຫົວພັນ ຈັດພິທີຕ້ອນຮັບ ທັບນັກກິລາທີ່ກັບຈາກການເຂົ້າຮ່ວມງານມະຫາກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ປີ 2017 ທີ່ແຂວງບໍລິຄຳໄຊ ເປັນເຈົ້າພາບ ຢ່າງສົມກຽດ

ຕອນບ່າຍວັນທີ 9 ກຸມພາ 2017 ຜ່ານມາພະແນກສຶກສາທິການ ແລະ ກິລາແຂວງຫົວພັນ ສົມທົບກັບການນຳແຂວງ ໄດ້ຈັດພິທີຕ້ອນຮັບ ທັບນັກກິລາທີ່ກັບຈາກການເຂົ້າຮ່ວມງານມະຫາກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ປີ 2017 ທີ່ແຂວງບໍລິຄຳໄຊ ເປັນເຈົ້າພາບ ຢ່າງສົມກຽດ ພິທີໄດ້ຈັດຂຶ້ນຢູ່ທີ່ ສວນແກ້ວຫຼັກເມືອງ, ເມືອງຊຳ ເໜືອ ແຂວງຫົວພັນ ໂດຍໃຫ້ກຽດຕ້ອນຮັບໂດຍ ທ່ານ ນາງ ແພງກັນຍາພິມ ຮອງເລຂາພັກແຂວງ ຮອງເຈົ້າແຂວງຫົວພັນ,

ມີ ທ່ານ ພູໂຊນ ທຳມະວິໄຊ ຄະນະປະຈຳພັກແຂວງ ຮອງເຈົ້າແຂວງ ຜູ້ຊີ້ນຳຂົງເຂດວຽກງານວັດທະນາທຳ, ສັງຄົມຂັ້ນແຂວງ, ມີ ທ່ານ ຫົວໜ້າພະແນກສຶກສາທິການ ແລະ ກິລາແຂວງ ພ້ອມດ້ວຍພະນັກງານ, ຄູອາຈານ, ນ້ອງຫຼານນັກຮຽນມາຈາກໂຮງຮຽນອ້ອມຂ້າງແຂວງ ແລະ ພໍ່-ແມ່ ປະຊາຊົນ ເຂົ້າຮ່ວມຕ້ອນຮັບຢ່າງຄຶກຄື້ນ, ພໍນັກກິລາຢ່າງເຂົ້າພິທີຄະນະຮັບຜິດຊອບກໍ່ໄດ້ມອບພວງມະໄລຄ້ອງຄໍ ແລະ ຊໍ່ດອກໄມ້ ໃຫ້ແກ່ຄະນະນຳ, ຄູຝຶກ ແລະ ນັກກິລາ ເພື່ອເປັນການສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນຄັ້ງນີ້, ຈາກນັ້ນກໍ່ໄດ້ກ້າວເຂົ້າສູ່ຫໍວັດທະນາທຳແຂວງ ເພື່ອຈັດຕັ້ງພິທີສະຫຼຸບ ແລະ ມອບຂອງຂັວນລາງວັນໃຫ້ແກ່ຄະນະນຳ, ຄູຝຶກ ແລະ ນັກກິລາຜູ້ທີ່ມີຜົນງານ ໃນພິທີ ທ່ານ ມົນທອງ ລຽນຕິຄຸນ ຫົວໜ້າພະແນກສຶກສາທິການ ແລະ ກິລາແຂວງ ໄດ້ຂຶ້ນ ຜ່ານບົດສະຫຼຸບ ການກະກຽມ ແລະ ການເຂົ້າຮ່ວມງານມະຫາກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ປ2017 ທີ່ແຂວງບໍລິຄຳໄຊ ເປັ້ນເຈົ້າພາບ ໃຫ້ຮູ້ວ່າ: ສຳລັບແຂວງຫົວພັນ ໄດ້ສົ່ງຄະນະນຳ, ຄູຝຶກ ແລະ ນັກກິລາເຂົ້າຮ່ວມທັງໝົດ 85 ຄົນ, ໃນນັ້ນປະກອບມີ: ນັກກິລາ 64 ນ້ອງ, ຍິງ 19 ນ້ອງ, ຄູຝຶກ 11 ຄົນ, ພະນັກງານຊ່ວຍວຽກ ແລະ ສຸເຟີລົດ10 ຄົນ, ພ້ອມທັງສົ່ງ 6 ປະເພດກິລາເຂົ້າຮ່ວມຄື: ບານເຕະຊາຍ, ໝາກຂ່າງ ຍິງ-ຊາຍ, ໜ້າເກັກ ຍິງ-ຊາຍ, ດອກປີກໄກ່ ຍິງ-ຊາຍ, ແລ່ນ-ລານ ແລະ ເປຕັງ ຍິງ-ຊາຍ ໂດຍໃຊ້ງົບປະມານທັງໝົດ 400 ຮ້ອຍ 8 ລ້ານກີບ ໄດ້ໃຊ້ເວລາເຂົ້າສູນຝຶກແອບພຽງແຕ່ 15 ວັນເທົ່ານັ້ນ, ໃນໄລຍະເຂົ້າສູນ ຄູຝຶກ ແລະ ນັກກິລາທຸກໆຄົນກໍ່ໄດ້ເອົາໃຈໃສ່ຝຶກແອບຢ່າງບໍ່ຮູ້ອິດເມື່ອຍເພື່ອກະກຽມຄວາມພ້ອມຍາດເອົາຫຼຽນມາສູ່ ແຂວງຫົວພັນ, ໄລຍະເຂົ້າຮ່ວມແຂ່ງຂັນຢ່າງເປັນທາງການໄດ້ເປີດຂຶ້ນໃນວັນທີ 1-9 ກຸມພາ 2017 ຜ່ານການແຂ່ງຂັນຕົວຈິງ ທີມນັກກິລາຈາກ ແຂວງຫົວພັນ ສາມາດເຮັດໄດ້ເກີນຄາດໝາຍທັງເປັນຄັ້ງປະຫວັດສາດທີ່ບໍ່ເຄີຍໄດ້ມາກ່ອນໜ້ານີ້ ພ້ອມທັງສາມາດຍາດໄດ້ 15 ຫຼຽນ ຄື: ຫຼຽນຄຳ 6 ຫຼຽນ, ຫຼຽນເງິນ 1 ຫຼຽນ ແລະ ຫຼຽນທອງແດງ 8 ຫຼຽນ ໃນນັ້ນ ຫຼຽນຄຳ: ໄດ້ຈາກ: ໜ້າເກັກ ປະເພດທີມຊາຍ ໄລຍະ 15 ແມັດ, ໜ້າເກັກ ທີມຍິງ 10 ແມັດ, ໝາກຂ່າງ ຄູ່ຊາຍ, ໝາກຂ່າງ ຄູ່ຍິງ, ເຕັ້ນຍາວຊາຍ ແລະ ຊັດຫຼາວຊາຍ, ຫຼຽນເງິນ: ໄດ້ຈາກ ກິລາເປຕັງ ທີມຊາຍ 3 ຄົນ, ຫຼຽນທອງແດງ: ໄດ້ຈາກ ກິລາດອກປີກໄກ່ ທີມຊຸດຊາຍ 8 ຄົນ, ດອກປີກໄກ່ຄູ່ຊາຍ, ດອກປີກໄກ່ດ່ຽວຊາຍ, ເຕັ້ນສູງຍິງ, ເຕັ້ນສູງຊາຍ, ເຕັ້ນຍາວຍິງ, ໝາກຂ່າງທີມຊາຍ, ໝາກຂ່າງທີມຍິງ ໃນນັ້ນການນຳແຂວງຫົວພັນ ໄດ້ຊຸກຍູ້ງົບປະມານທັງການກະກຽມ, ການເຂົ້າຮ່ວມ ແລະ ອັດສິດແກ່ນັກກິລາລວມທັງໝົດ 270 ລ້ານກ່ວາກີບ ໂດຍອັດສີດນັກກິລາຜູ້ທີ່ໄດ້ ຫຼຽນຄຳ ຜູ້ໜຶ່ງ 5 ລ້ານກີບ, ຫຼຽນເງິນຜູ້ໜຶ່ງ 4 ລ້ານກີບ ແລະ ຫຼຽນທອງແດງ ຜູ້ໜຶ່ງ 3 ລ້ານກີບ, ຄູຝຶກນັກກິລາທີ່ໄດ້ຫຼຽນຄຳ 3 ລ້ານ 7 ແສນກີບ, ຫຼຽນເງິນ 3 ລ້ານ 2 ແສນກີບ ແລະ ຫຼຽນທອງແດງ 3 ລ້ານກີບ, ໂອກາດດຽວກັນການນໍາແຂວງ, ການນໍາ ພະແນກສຶກສາທິການ ແລະ ກິລາແຂວງ ໄດ້ຜັດປ່ຽນການຂຶ້ນມອບເງິນລາງວັນຕາມລຳດັບ
ທ້າຍພິທີ ທ່ານ ພູໂຊນ ທຳມະວິໄຊ ຄະນະປະຈຳພັກແຂວງ ຮອງເຈົ້າແຂວງ ຜູ້ຊີ້ນຳຂົງເຂດວຽກງານວັດທະນາທຳ, ສັງຄົມ ຂັ້ນແຂວງ ໄດ້ມີຄຳເຫັນຕໍ່ທີ່ປະຊຸມໃຫ້ຮູ້ວ່າ: ກ່ອນອື່ນໝົດເພີ່ນກໍ່ໄດ້ຍ້ອງຍໍຊົມເຊີຍຕໍ່ຜົນງານອັນເປັນປະຫວັດສາດໃສນຄັ້ງນີ້ຢ່າງສຸດອົກສຸດໃຈ, ເພາະວ່າໄລຍະການເຂົ້າຮ່ວມໃນຄັ້ງຜ່ານມາ ແຂວງຫົວພັນ ຂອງພວກເຮົາແມ່ນບໍ່ເຄີຍຍາດໄດ້ ຫຼຽນຄຳ ຈັກເທື່ອ ສູງສຸດໄດ້ພຽງຫຼຽນເງິນ ແລະ ຫຼຽນທອງແດງ ເທົ່ານັ້ນ, ທ່ານ ພູໂຊນ ທຳມະວິໄຊ ໃຫ້ຮູ້ຕື່ມອີກວ່າ: ສຳລັບຜົນສຳເລັດໃນຄັ້ງນີ້ ການນຳແຂວງ, ການຈັດຕັ້ງທຸກຂັ້ນ, ຕະຫຼອດຮອດ ພໍ່-ແມ່ ປະຊາຊົນຊາວ ແຂວງຫົວພັນ ແມ່ນມີຄວາມພາກພູມໃຈຫຼາຍທີ່ເຫັນ ຄະນະນຳ, ຄູຝຶກ ແລະ ນ້ອງຫຼານນັກກິລາ ຍາດໄດ້ເກີນຄາດໝາຍທີ່ວາງໄວ້ກ່ອນໜ້ານີ້, ຄະນະດຽວກັນ ທ່ານຍັງໃຫ້ຄຳສັນຍາວ່າຈະພະຍາຍາມສືບຕໍ່ຊຸກຍູ້, ຊອກຫາແຫຼ່ງງົບປະມານ ເຂົ້າໃສ່ໃນການພັດທະນາວົງການກິລາຂອງ ແຂວງຫົວພັນ ໃຫ້ມີບາດກ້າວຂະຫຍາຍຕົວຂຶ້ນທຽບເທົ້າກັບ ແຂວງອື່ນ ແລະ ພາກພື້ນເທື່ອລະກ້າວ

ຜູ້ທີ່ເຂົ້າຊົມ

ເຮົາມີ 5 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້130
mod_vvisit_counterມື້ວານ122
mod_vvisit_counterອາທິດນີ້252
mod_vvisit_counterອາທິດກ່ອນ1030
mod_vvisit_counterເດືອນນີ້2369
mod_vvisit_counterເດືອນກ່ອນ22589
mod_vvisit_counterທັງໝົດ113458