• Lao (ພາສາລາວ)
Home ຂ່າວຕ່າງໆ ຂ່າວ ສຶກສາ ແລະ ກິລາ ພະແນກສຶກສາທິການ ແລະ ກິລາແຂວງຫົວພັນ ແລະ ມະຫາວິທະຍາໄລຮົ້ງດຶກ ແຂວງແທັງຮ່ວາ ສສ ຫວຽດນາມ ຖອດຖອນບົດຮຽນວຽກງານການກໍ່ສ້າງຊັບພະຍາກອນມະນຸດ

ພະແນກສຶກສາທິການ ແລະ ກິລາແຂວງຫົວພັນ ແລະ ມະຫາວິທະຍາໄລຮົ້ງດຶກ ແຂວງແທັງຮ່ວາ ສສ ຫວຽດນາມ ຖອດຖອນບົດຮຽນວຽກງານການກໍ່ສ້າງຊັບພະຍາກອນມະນຸດ

ຕອນເຊົ້າວັນທີ 21 ມີນາ 2017 ນີ້ ພະແນກສຶກສາທິການ ແລະ ກິລາແຂວງຫົວພັນ ໄດ້ຈັດພິທີຕ້ອນຮັບ ແລະ ຮ່ວມເຮັດວຽກກັບຄະນະຜູ້ແທນມາຈາກ ມະຫາວິທະຍາໄລຮົ້ງດຶກ ແຂວງແທັງຮ່ວາ ສສ ຫວຽດນາມ ຢູ່ທີ່ຫ້ອງປະຊຸມພະແນກດັ່ງກ່າວ ໂດຍໃຫ້ກຽດການຕ້ອນຮັບໂດຍ ທ່ານ ເຄນທະນູ ພຸດທະວົງສາ ຮອງຫົວໜ້າພະແນກສຶກສາທິການ ແລະ ກິລາແຂວງ ພ້ອມດ້ວຍຄະນະ, ມີຄະນະຮັບຜິດຊອບຈາກ ພະແນກພົວພັນຕ່າງປະເທດແຂວງ,

ຜູ້ອຳນວຍການໂຮງຮຽນອ້ອມຂ້າງແຂວງ ແລະ ຄະນະຜູ້ແທນຈາກມະຫາວິທະຍາໄລຮົ້ງດຶກ ແຂວງແທັງຮ່ວາ ສສ ຫວຽດນາມ ນຳໂດຍ ທ່ານ ນ. ສຈ ປອ ຮວາງ ທີ້ ມາຍ ພ້ອມດ້ວຍຄະນະ ເຂົ້າຮ່ວມຢ່າງພ້ອມພຽງໃນພິທີ ທ່ານ ເຄນທະນູ ພຸດທະວົງສາ ຮອງຫົວໜ້າພະແນກສຶກສາທິການ ແລະ ກິລາແຂວງ ໄດ້ກ່າວຕ້ອນຮັບຄະນະຜູ້ແທນ ຈາກມະຫາວິທະຍາໄລຮົ້ງດຶກ ແຂວງແທັງຮ່ວາ ສສ ຫວຽດນາມ ດ້ວຍຄວາມອົບອຸ່ນ, ໃນການຮ່ວມເຮັດວຽກໃນຄັ້ງຄະນະຜູ້ແທນທັງສອງຝ່າຍກໍ່ໄດ້ພ້ອມກັນແລກປ່ຽນບົດຮຽນ ,ປຶກສາຫາລື ແລະ ສະຫຼຸບຕີລາຄາກ່ຽວກັບວຽກງານການກໍ່ສ້າງຊັບພະຍາກອນມະນຸດໃນ 1 ປີຜ່ານມາ ພ້ອມທັງວາງທິດທາງຮ່ວມມືໃນຕໍ່ໜ້າ, ເວົ້າສະເພາະແມ່ນການກໍ່ສ້າງນັກສຶກສາຂອງ ແຂວງຫົວພັນ ທີ່ໄດ້ໄປສຶກສາຢູ່ທີ່ ມະຫາວິທະຍາໄລຮົ້ງດຶກ ຕາມບົດບັນທຶກຮ່ວມມື ລະຫວ່າງ ພະແນກສຶກສາທິການ ແລະ ກິລາແຂວງ ກັບ ມະຫາວິທະຍາໄລຮົ້ງດຶກ ນັບແຕ່ ປີ 2016-2020 ໂອກາດດັ່ງກ່າວ ຄະນະຜູ້ແທນທັງສອງຝ່າຍກໍ່ໄດ້ພ້ອມກັນເຊັນບົດບັນທຶກສັນຍາການກໍ່ສ້າງຊັບພະຍາກອນມະນຸດ ໃຫ້ແຂວງຫົວພັນ ດັ່ງນີ້: ມະຫາວິທະຍາໄລຮົ້ງດຶກ ແລະ ພະແນກສຶກສາທິການ ແລະ ກິລາແຂວງຫົວພັນ ຈະສືບຕໍ່ຮ່ວມມືຕາມບົດບັນທຶກນັບແຕ່ ປີ 2016-2020 ມະຫາວິທະຍາໄລຮົ້ງດຶກຈະສືບຕໍ່ຮັບເອົານັກສຶກ ແຂວງຫົວພັນ ທີ່ຈົບຊັ້ນມັດທະຍົມສຶກສາຕອນປາຍ ມ7 ຫຼື ທຽບເທົ່າ ເຂົ້າຮຽນຕາມທຶນໃນແຜນຕາມແຜນຮ່ວມມືຂອງສອງແຂວງ ຈຳນວນ 30 ທຶນ ໂດຍອິງໃສ່ຄວາມຮຽກຮ້ອງຕ້ອງການຂອງແຂວງຫົວພັນ, ພິເສດ: ສຳລັບ ສົກຮຽນ 2017-2018 ນີ້ ມະຫາວິທະຍາໄລຮົ້ງດຶກ ຮັບກໍ່ສ້າງນັກສຶກສາແຂວງຫົວພັນ ຕາມທຶນນອກແຜນ ( ທຶນສ່ວນຕົວ ) ຕາມການສະເໜີຂອງ ແຂວງຫົວພັນ ໂດຍທີ່ ມະຫາວິທະຍາໄລຮົ້ງດຶກ ຈະມີນະໂຍບາຍຄື: ຖ້າມີນັກຮຽນມາລົງທະບຽນຮຽນ 10 ຄົນ ທາງ ມະຫາວິທະຍາໄລຮົ້ງດຶກ ຈະຊ່ວຍກໍ່ສ້າງພາສາຫວຽດນາມ 1 ປີ ໃຫ້ແກ່ພະນັກງານຖັນແຖວສຶກສາ ແລະ ກິລາ ຂອງແຂວງຫົວພັນ 1 ຄົນ ແລະ ນັກສຶກສາ 1 ຄົນ ໂດຍຍົກເວັ້ນຄ່າທຳນຽມຮຽນ, ຄ່າຫໍພັກ, ຄ່າປະກັນສຸຂະພາບ, ຄ່າວິຊານັກສຶກສາ, ຈະມີສ່ວນແບ່ງ 18% ຂອງຄ່າລົງທະບຽນຮຽນລວມຂອງນັກສຶກສານອກແຜນ ເພື່ອຊຸກຍູ້ວຽກງານການສອບເສັງຄັດເລືອກເອົານັກສຶກສາ ແລະ ຈະຊ່ວຍຊຸກຍູ້ການຮຽນຂອງນັກສຶກສາແຂວງຫົວພັນ ທີ່ຮຽນຢູ່ຕ່າງປະເທດ ນອກນັ້ນ ມະຫາວິທະຍາໄລຮົ້ງດຶກ ຍັງໄດ້ເພີ່ມທຶນການສຶກສາໃນແຜນໃຫ້ ແຂວງຫົວພັນ ອີກຈຳນວນ 20 ທຶນ ໂດຍແບ່ງໃຫ້ພະນັກງານເຂົ້າຮຽນຕໍ່ເນື່ອງຈາກຊັ້ນກາງເປັນຊັ້ນສູງ ຈຳນວນ 5 ທຶນ, ຈາກຊັ້ນສູງ ເປັນປະລິນຍາຕີ 10 ທຶນ ແລະ ຈາກປະລິນຍາຕີ ເປັນປະລິນຍາໂທ ຈຳນວນ 5 ທຶນ ທ້າຍພິທີ ຄະນະຜູ້ແທນທັງສອງຝ່າຍກໍ່ໄດ້ພັດປ່ຽນກັນຂຶ້ນມອບຂອງຂັວນຕາມລຳດັບ

ຜູ້ທີ່ເຂົ້າຊົມ

ເຮົາມີ 10 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້55
mod_vvisit_counterມື້ວານ18
mod_vvisit_counterອາທິດນີ້159
mod_vvisit_counterອາທິດກ່ອນ95
mod_vvisit_counterເດືອນນີ້333
mod_vvisit_counterເດືອນກ່ອນ406
mod_vvisit_counterທັງໝົດ138517