• Lao (ພາສາລາວ)
Home ຂ່າວຕ່າງໆ ຂ່າວ ສຶກສາ ແລະ ກິລາ ຄະນະພັດທະນາການສຶກສາຂັ້ນບ້ານ 12 ບ້ານ ເຂດເມືອງຊ່ອນ ສຳເລັດການເຝິກອົບຮົມການນຳໃຊ້ເງິນເຂົ້າໃນວຽກງານສ້ອມແປງໂຮງຮຽນ

ຄະນະພັດທະນາການສຶກສາຂັ້ນບ້ານ 12 ບ້ານ ເຂດເມືອງຊ່ອນ ສຳເລັດການເຝິກອົບຮົມການນຳໃຊ້ເງິນເຂົ້າໃນວຽກງານສ້ອມແປງໂຮງຮຽນ

ກອງປະຊຸມເຝິກອົບການນຳໃຊ້ເງິນເຂົ້າໃນການຈັດຊື້ ແລະ ສ້ອມແປງໂຮງຮຽນໃຫ້ 12 ບ້ານ ຢູ່ເຂດເມືອງຊ່ອນ ແຂວງຫົວພັນ ກອງປະຊຸມໄດ້ດຳເນີນມາປັນເວລາ 2 ວັນນັບແຕ່ວັນທີ 22 ມີນາ 2016 ມາຮອດວັນທີ 23 ມີນາ 2016 ໄດ້ສຳເລັດລົງຢ່າງເປັນທາງການແລ້ວຢູ່ທີ່ ສະໂມສອນໃຫຍ່ຂອງເມືອງຊ່ອນ ໂດຍພານໃຕ້ການເປັນປະທານຂອງ ທ່ານ ສະຫຼັກໃຈ ກຸມມະນີຄຳຊ້ອຍ ຫົວໜ້າຫ້ອງການສຶກສາທິການ ແລະ ກິລາເມືອງຊ່ອນ,

ເປັນກຽດເຂົ້າຮ່ວມຂອງ ທ່ານ ແສງເພັດ ຊຸມພົນພັກດີ ຮອງຫົວໜ້າພະແນກຄຸ້ມຄອງອອກແບບ-ກໍ່ສ້າງ ແລະ ສ້ອງແປງ ກົມການເງິນ ກະຊວງສຶກສາທິການ ແລະ ກິລາ,ມີຊ່ຽວຊານປະຈຳໂຄງການບີຄວາ ພ້ອມດ້ວຍທີມງານ,ມີວິຊາການກໍ່ສ້າງ ແລະ ການເງິນ ພະແນກ ສຶກສາທິການ ແລະ ກິລາແຂວງ,ມີຄະນະພັດທະນາການສຶກສາຂັ້ນບ້ານ 12 ບ້ານເປົ້າໝາຍຂອງໂຄງການບີຄວາ ແລະ ພາກສ່ວນທີ່ກ່ຽວຂ້ອງເຂົ້າຮ່ວມນຳໃນວາລະການດຳເນີນກອງປະຊຸມຜູ້ເຂົ້າຮ່ວມໄດ້ຮຽນຮູ້ຈາກການບັນລະຍາຍເອກະສານຂອງຄະນະຮັບຜິດຊອບກອງປະຊຸມຫຼາຍໜ້າວຽກທີ່ສຳຄັນເປັນຕົ້ນແມ່ນ: ຄວາມເປັນມາຂອງໂຄງການ,ຈຸດປະສົງຫຼັກຂອງໂຄງການ,ຮູບການຈັດຕັ້ງປະຕິບັດ,ການສ້າງຕັ້ງຄະນະກຳມະການຂັ້ນບ້ານ,ການເຊັນສັນຍາ,ການເປີດບັນຊີທະນາຄານ,ການສະເໜີເບີກຈ່າຍຄ່າວຽກສ້ອມແປງ,ການຈັດຊື້-ຈັດຈ້າງ,ການກະກຽມສະຖານທີ່ຊົ່ວຄາວ,ການຄຸ້ມຄອງບໍລິຫານວຽກສ້ອມແປງ,ການຄຸ້ມຄອງບໍລິຫານ-ການເງິນ,ມາດຕະການຫຼຸດຜ່ອນຜົນກະທົບດ້ານສະພາບແວດລ້ອມ,ຄວາມສະເໝີພາບລະຫວ່າງຍິ-ຊາຍ ແລະ ຄົນພິການ ຕໍ່ຈາກນັ້ນຄະນະພັດທະນາການສຶກສາ ແລະ ຜູ້ເຂົ້າຮ່ວມກອງປະຊຸມໄດ້ພ້ອມກັນປະກອບຄຳເຫັນແບບກົງໄປກົງມາເພື່ອແລກປ່ຽນບົດຮຽນອັນເຮັດໃຫ້ວຽກງານດັ່ງກ່າວດີຂຶ້ນໃນຕໍ່ໜ້າ ທັງນີ້ແມ່ນເພື່ອເນັ້ນໃຫ້ນັກສຳມະນາກອນໄດ້ມີຄວາມຮັບຮູ້ຢ່າງເລິກເຊິ່ງ ແລະ ເຂົ້າໃຈເຖິງຄວາມໝາຍຄວາມສຳຄັນຂອງວຽກງານດັ່ງກ່າວ ໂອກາດດຽວກັນຄະນັະພັດທະນາການສຶກສາຂັ້ນບ້ານຍັງໄດ້ຈັດຕັ້ງປະຕິບັດຕົວຈິງກ່ຽວກັບຂັ້ນຕອນການເປີດບັນຊີທະນາຄານ ພ້ອມທັງເຊັນສັນຍາທຶນຊ່ວຍເຫຼືອລ້າກັບໂຄງການພັດທະນາການສຶກສາໄລຍະ 2 ( ບີຄວາ ) ໂດຍນຳໃຊ້ທຶນຂອງແຜນງານປັບປຸງຄຸນນະພາບ ແລະ ການຂະຫຍາຍໂອກາດເຂົ້າຮຽນສຳລັບການສຶກສາຂັ້ນພື້ນຖານຢູ່ ສປປລາວ ບ້ານທີ່ໄດ້ຮັບທຶນຊ່ວຍເຫຼືອສ້ອງແປງໂຮງຮຽນໃນຄັ້ງນີ້ປະກອບມີ: ບ້ານໜອງໃສ 62,829,945 ກີບ,ບ້ານຫ້ວຍຫ້ອມ 8,839,071 ກີບ,ບ້ານຫ້ວຍເລົາ 10,803,781 ກີບ,ບ້ານຫ້ວຍສະງອນ 8,248,921 ກີບ,ບ້ານຫ້ວຍສູ້ 63,770,929 ກີບ,ບ້ານຫ້ວຍຍາມ 56,908,359 ກີບ,ບ້ານຫ້ວຍມັ້ນ 11,708,259 ກີບ,ບ້ານນາຈັກ 16,293,059 ກີບ,ບ້ານນ້ຳງ້າວ 9,262,241 ກີບ,ບ້ານສາມສຸມ 57,858,099 ກີບແລະ ບ້ານວັງຄ້ວາງ ໄດ້ຮັບ 33,168,981 ກີບ ລວມມູນຄ່າທັງໝົດ 12 ບ້ານ ເທົ່າກັບ 317 ລ້ານກ່ວາກີບ

ຜູ້ທີ່ເຂົ້າຊົມ

ເຮົາມີ 7 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້100
mod_vvisit_counterມື້ວານ158
mod_vvisit_counterອາທິດນີ້258
mod_vvisit_counterອາທິດກ່ອນ2106
mod_vvisit_counterເດືອນນີ້3716
mod_vvisit_counterເດືອນກ່ອນ5619
mod_vvisit_counterທັງໝົດ148104