• Lao (ພາສາລາວ)
Home ຂ່າວຕ່າງໆ ຂ່າວ ສຶກສາ ແລະ ກິລາ ແຂວງຫົວພັນ ເລືອກໄດ້ແລ້ວນັກຮຽນເກັ່ງຊັ້ນ ປ5 ຂັ້ນແຂວງ ກຽມພ້ອມເຂົ້າຮ່ວມລະດັບຊາດ ໃນເດືອນ ເມສາ 2017 ນີ້

ແຂວງຫົວພັນ ເລືອກໄດ້ແລ້ວນັກຮຽນເກັ່ງຊັ້ນ ປ5 ຂັ້ນແຂວງ ກຽມພ້ອມເຂົ້າຮ່ວມລະດັບຊາດ ໃນເດືອນ ເມສາ 2017 ນີ້

ພິທີສອບເສັງຄັດເລືອກນັກຮຽນເກັ່ງຊັ້ນປະຖົມສຶກສາ ປ5 ທົ່ວແຂວງຫົວພັນ ໄດ້ເປີດຂຶ້ນໃນຕອນເຊົ້າ ແລະ ອັດລົງໃນຕອນແລງວັນທີ 25 ມີນາ 207 ນີ້ຢູ່ທີ່ ຫ້ອງປະຊຸມ ພະແນກສຶກສາທິການ ແລະ ກິລາແຂວງ ໂດຍພາຍໃຕ້ການເປັນປະທານຂອງ ທ່ານ ມອນສິງ ເພັດວຽງສີ ຮອງຫົວໜ້າພະ ແນກສຶກສາທິການ ແລະ ກິລາແຂວງ, ເປັນກຽດການເຂົ້າຮ່ວມຂອງ ທ່ານ ສຸພາກອນ ແກ້ວຄຳພູ ຫົວໜ້າຂະແໜງເດັກກ່ອນໄວຮຽນ ແລະ ປະຖົມສຶກສາ ທັງເປັນຮອງປະທານຈັດການສອບເສັງ,

ມີກຳມະການຍາມຫ້ອງເສັງ, ຄະນະຮັບຜິດຊອບຈັດການສອບເສັງ, ຄູນຳພາ ແລະ ນ້ອງຫຼານນັກຮຽນມາຈາກ 10 ເມືອງທົ່ວແຂວງເຂົ້າຮ່ວມ 49 ຄົນ, ເຊິ່ງວິຊາທີ່ນຳມາສອບເສັງສົກປີ 2017 ນີ້ປະກອບມີ 3 ວິຊາຄື: ພາສາລາວ-ວັນນະຄະດີ, ຄະນິດສາດ ແລະ ໂລກອ້ອມຕົວເຮົາ ໃນນັ້ນມີນັກສອບເສັງມາຈາກ 10 ເມືອງທົ່ວແຂວງ, ເມືອງລະ 3 ນ້ອງ, ຍິງ 15 ນ້ອງ ຄື: ພາສາລາວ-ວັນນະຄະດີ 10 ນ້ອງ, ຍິງ 6 ນ້ອງ, ຄະນິດສາດ 10 ນ້ອງ, ຍິງ, 3 ນ້ອງ ແລະ ໂລກອ້ອມຕົວເຮົາ 10 ນ້ອງ, ຍິງ 4 ນ້ອງ, ແຕ່ລະວິຊາທີ່ສອບເສັງແມ່ນໃຊ້ເວລາ 90 ນາທີ ຜ່ານການສອບເສັງຕົວຈິງສາມາດສະຫຼຸບໄດ້ດັ່ງນີ້: ວິຊາພາສາລາວ-ວັນນະຄະດີ ອັນດັບທີ 1 ໄດ້ແກ່ ທ. ແພງ ມາຈາກໂຮງຮຽນປະຖົມບ້ານລ້ອງ ເມືອງຫົວເມືອງ, ອັນດັບທີ 2 ໄດ້ແກ່ ນ. ອຸໄລວັນ ທອງຄຳ ມາຈາກໂຮງຮຽນປະຖົມ SOS ເມືອງຊຳເໜືອ, ອັນດັບທີ 3 ໄດ້ແກ່ ນ. ມັນສອນ ພອນມະນີ ມາຈາກໂຮງຮຽນປະຖົມໂພນຮັງ ເມືອງສົບເບົາ, ວິຊາຄະນິດສາດ ອັນດັບທີ 1 ໄດ້ແກ່ ນ. ມົນທິດາ ທອງມີໄຊ ມາຈາກໂຮງຮຽນປະຖົມຮ້ຽມ ເມືອງຮ້ຽມ, ອັນດັບທີ 2 ໄດ້ແກ່ ທ. ແລັມໂບ ມາຈາກໂຮງຮຽນປະຖົມທາດເມືອງ ເມືອງຊຳເໜືອ, ອັນດັບທີ 3 ໄດ້ແກ່ ທ. ຍອນ ສອນໄຊ ມາຈາກໂຮງຮຽນປະຖົມມ່ວງ ເມືອງຊຽງຄໍ້, ອັນດັບທີ 1 ວິຊາໂລກອ້ອມຕົວເຮົາ ໄດ້ແກ່ ທ. ພູວັນ ແສງສຸວັນທອງ ມາຈາກໂຮງຮຽນປະຖົມອິດ ເມືອງຊຳໃຕ້, ອັນດັບທີ 2 ໄດ້ແກ່ ນ. ມິດຕາ ສິງຄຳແພງ ມາຈາກໂຮງຮຽນປະຖົມຊ່ອນໃຕ້ ເມືອງຊ່ອນ ແລະ ອັນດັບທີ 3 ໄດ້ແກ່ ທ. ພັກ ມາຈາກໂຮງຮຽນປະຖົມທ່າຄວາຍ ເມືອງກັວນໂອກາດດັ່ງກ່າວ ທ່ານ ມອນສິງ ເພັດວຽງສີ ຮອງຫົວໜ້າພະແນກສຶກສາທິການ ແລະ ກິລາແຂວງ ກໍ່ໄດ້ມອບໃບຢັ້ງຢືນການເຂົ້າຮ່ວມສອບເສັງນັກຮຽນເກັ່ງຊັ້ນປະຖົມສຶກສາ ປ5 ໃຫ້ແກ່ນັກສອບເສັງທັງໝົດ, ຈາກນັ້ນກໍ່ໄດ້ມອບຂັວນລາງວັນໃຫ້ແກ່ຜູ້ທີ່ໄດ້ຮັບລາງວັນອັນດັບທີ 1 ເຖິງ 3 ຕາມລຳດັບ ພິເສດຜູ້ທີ່ສອບເສັງໄດ້ອັນດັບທີ 1 ໃນຄັ້ງນີ້ຈະໄດ້ເປັນຕົວແທນນັກຮຽນເກັ່ງຊັ້ນປະຖົມສຶກສາ ປ5 ຂອງແຂວງຫົວພັນ ເພື່ອເຂົ້າຮ່ວມສອບເສັງນັກຮຽນເກັ່ງດັບຊາດຢູ່ທີ່ ນະຄອນຫຼວງວຽງຈັນ ທີ່ຈະຈັດຂຶ້ນໃນ ເດືອນເມສາ 2017 ທີ່ຈະມາເຖິງນີ້

ຜູ້ທີ່ເຂົ້າຊົມ

ເຮົາມີ 5 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້170
mod_vvisit_counterມື້ວານ207
mod_vvisit_counterອາທິດນີ້1217
mod_vvisit_counterອາທິດກ່ອນ1851
mod_vvisit_counterເດືອນນີ້5189
mod_vvisit_counterເດືອນກ່ອນ4409
mod_vvisit_counterທັງໝົດ133121