• Lao (ພາສາລາວ)
Home ຂ່າວຕ່າງໆ ຂ່າວ ສຶກສາ ແລະ ກິລາ ນັກຂ່າວຂະແໜງການສຶກສາ ແລະ ກິລາ 10 ເມືອງທົ່ວແຂວງຫົວພັນ ແລະ ໂຮງຮຽນອ້ອມຂ້າງແຂວງໄດ້ຮັບການຝຶກອົບຮົມຢ່າງເປັນທາງການແລ້ວ

ນັກຂ່າວຂະແໜງການສຶກສາ ແລະ ກິລາ 10 ເມືອງທົ່ວແຂວງຫົວພັນ ແລະ ໂຮງຮຽນອ້ອມຂ້າງແຂວງໄດ້ຮັບການຝຶກອົບຮົມຢ່າງເປັນທາງການແລ້ວ


ຕອນເຊົ້າວັນທີ 5 ເມສາ 2017 ນີ້ຢູ່ທີ່ ພະແນກສຶກສາທິການ ແລະ ກິລາແຂວງຫົວພັນ ໄດ້ເປີດກອງປະຊຸມ ສ້າງຄວາມເຂັ້ມແຂງວຽກງານໂຄສະນາ-ຂ່າວສານ ແລະ ສື່ສານ ໃນຂະແໜງການສຶກສາ ແລະ ກິລາ ຄັ້ງທີ 1 ທົ່ວແຂວງຫົວພັນ ປະຈຳສົກປີ 2017 ພິທີໄດ້ຈັດຂຶ້ນຢູ່ທີ່ຫ້ອງປະຊຸມ ພະແນກດັ່ງກ່າວ ໂດຍພາຍໃຕ້ການເປັນປະທານຂອງ ທ່ານ ມົນທອງ ລຽນຕິຄຸນ ຫົວໜ້າພະແນກສຶກສາທິການ ແລະ ກິລາແຂວງ, ເປັນກຽດການເຂົ້າຮ່ວມຂອງ ທ່ານ ໝອນຄຳ ໄຊຍະເກດ ຮອງຫົວໜ້າຂະແໜງບໍລິຫານ ພະແນກສຶກສາທິການ ແລະ ກິລາແຂວງ,

ມີນັກວິທະຍາກອນຈາກ ພະແກນສຶກສາທິການ ແລະ ກິລາແຂວງ, ຈາກສູນໄອຊີທີ, ມີນັກສຳມະນາກອນມາຈາກ ຫ້ອງການສຶກສາທິການ ແລະ ກິລາ 10 ເມືອງທົ່ວແຂວງ ແລະ ໂຮງຮຽນອ້ອມຂ້າງແຂວງທີ່ຂຶ້ນກັບເຂົ້າຮ່ວມຢ່າງພ້ອມພຽງ, ເຊິ່ງການດຳເນີນກອງປະຊຸມແມ່ນຈະດຳເນີນໄປເປັນເວລາ 3 ວັນເຕັມນັບແຕ່ ວັນທີ 5-7 ເມສາ 2017 ຈິ່ງຈະໄດ້ອັດລົງຢ່າງເປັນທາງການ ໂອກາດດັ່ງກ່າວ ທ່ານ ມົນທອງ ລຽນຕິຄຸນ ຫົວໜ້າພະແນກສຶກສາທິການ ແລະ ກິລາແຂວງ ໃນນາມປະທານກອງປະຊຸມໃຫ້ຮູ້ວ່າ: ການຈັດກອງປະຊຸມໃນຄັ້ງນີ້ຈຸດປະສົງຫຼັກແມ່ນ: ເພື່ອແນໃສ່ສ້າງຄວາມເຂັ້ມແຂງໃນການບໍລິຫານວຽກງານໂຄສະນາຂ່າວສານການສຶກສາ ແລະ ກິລາ ໃນຂອບເຂດທົ່ວແຂວງ ໃຫ້ມີຄວາມເປັນເອກະພາບກັນ, ເປັນກະບອກສຽງ ແລະ ເຄື່ອງມືອັນຫຼຽມຄົມ ໃນການເຜີຍແຜ່ຜົນງານທາງດ້ານ ການສຶກສາ ແລະ ກິລາ ພ້ອມທັງຕອບໂຕ້ປະກົດການຫຍໍ້ທໍ້ ຫຼື ຫາງສຽງທີ່ບໍ່ດີຕໍ່ຂົງເຂດ ການສຶກສາ ແລະ ກິລາ, ທັງເປັນການສ້າງນັກຂ່າວໃນຂະແໜງການສຶກສາຂອງ ແຂວງຫົວພັນ ໄດ້ເຜີຍແຜ່ຜົນງານຂັ້ນທ້ອງຖິ່ນອອກສູ່ສັງຄົມນັບມື້ນັບຫຼາຍຂຶ້ນ, ໂອກາດດຽວກັນທ່ານຍັງໄດ້ເນັ້ງໃຫ້ນັກວິທະຍາກອນ ແລະ ນັກສຳມະນາກອນຈົ່ງພ້ອມກັນຕັ້ງໃຈຮັບຟັງເອົາຄວາມຮູ້ໃໝ່ ແລະ ພ້ອມກັນແລກປ່ຽນບົດຮຽນເຊິ່ງກັນ ແລະ ກັນເພື່ອໃຫ້ເປັນເອກະພາບກັນແລ້ວນຳໄປໜູນໃຊ້ຢູ່ໃນຂົງເຂດຫ້ອງການສຶກສາທິການ ແລະ ກິລາເມືອງ ແລະ ໂຮງຮຽນຕ່າງໆທີ່ຢູ່ໃນຂອບເຂດຮັບຜິດຊອບຂອງຕົນໃຫ້ເກີດປະໂຫຍດສູງສຸດຕໍ່ກົມກອງ ແລະ ສັງຄົມ, ໃນກອງປະຊຸມຄັ້ງນີ້: ຄະນະຮັບຜິດຊອບກອງປະຊຸມໄດ້ນຳເອົາຫຼາຍເນື້ອໃນທີ່ສຳຄັນມາເຜີຍແຜ່ຕໍ່ທີ່ປະຊຸມເປັນຕົ້ນແມ່ນ: ຮຽນຮູ້ການຄຸ້ມຂໍ້ມູນຜ່ານອິນເຕີເນັດ ບັນຍາຍໂດຍ ອາຈານ ພອນທອງ ລຽນຕິຄຸນ, ວິທີຂຽນຂ່າວ ແລະ ເກັນກຳຂໍ້ມູນຂ່າວ, ຄວາມຮູ້ພື້ນຖານການຖ່າຍຮູບນິ້ງ ບັນຍາຍໂດຍ ອາຈານ ສີສົມສັກ ພົມມາທຳ, ຮຽນຮູ້ວິທີສ້າງ ເຟສ໌ບຸກ ຜ່ານຄອມພິວເຕີ, ຮຽນສົ່ງຂໍ້ມູນຜ່ານ ເຟສ໌ບຸກ, ສ້າງອີເມວ ຮຽນສົ່ງຂໍ້ມູນຜ່ານ ອີເມວ ແລະ ເຟສ໌ບຸກ ແລະ ການສົ່ງຂໍ້ມູນຜ່ານ ຣັອບບັອກ ບັນຍາຍໂດຍອາຈານ ອາປຸ ແກ້ວສົມທອງ, ອາຈານ ພອນທອງ ລຽນຕິຄຸນ ແລະ ອາຈານ ລັດຕະພອນ ມະນີວົງ ນອກນັ້ນຍັງໄດ້ແບ່ງກຸ່ມລົງຝຶກຕົວຈິງນຳ

ຜູ້ທີ່ເຂົ້າຊົມ

ເຮົາມີ 7 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້52
mod_vvisit_counterມື້ວານ18
mod_vvisit_counterອາທິດນີ້156
mod_vvisit_counterອາທິດກ່ອນ95
mod_vvisit_counterເດືອນນີ້330
mod_vvisit_counterເດືອນກ່ອນ406
mod_vvisit_counterທັງໝົດ138514