• Lao (ພາສາລາວ)
Home ຂ່າວຕ່າງໆ ຂ່າວ ສຶກສາ ແລະ ກິລາ ສກຂ ຫົວພັນ ຈັດພິທີຕ້ອນຮັບນັກຮຽນເກັ່ງ ກັບຈາກການເຂົ້າຮ່ວມສອບເສັງລະດັບຊາດ ສົກປີ 2017 ຢ່າງສົມກຽດ

ສກຂ ຫົວພັນ ຈັດພິທີຕ້ອນຮັບນັກຮຽນເກັ່ງ ກັບຈາກການເຂົ້າຮ່ວມສອບເສັງລະດັບຊາດ ສົກປີ 2017 ຢ່າງສົມກຽດ

ຕອນບ່າຍວັນທີ 29 ເມສາ 2017 ຜ່ານມານີ້ ພະແນກສຶກສາທິການ ແລະ ກິລາແຂວງຫົວພັນ ( ສກຂ ) ໄດ້ຈັດພິທີຕ້ອນຮັບນັກຮຽນເກັ່ງຊັ້ນ ມ4 ແລະ ມ7 ທີ່ກັບຈາກການເຂົ້າຮ່ວມສອບເສັງລະດັບຊາດ ຢູ່ທີ່ ນະຄອນຫຼວງວຽງຈັນ ຢ່າງສົມກຽດເຊິ່ງ ພິທີໄດ້ຈັດຂຶ້ນຢູ່ທີ່ ຫ້ອງປະຊຸມ ພະແນກ ສກຂ ຫົວພັນ ໂດຍໃຫ້ກຽດຕ້ອນຮັບ ແລະ ເຂົ້າຮ່ວມຂອງ ທ່ານ ມົນທອງ ລຽນຕິຄຸນ ຫົວໜ້າພະແນກ ສກຂ ພ້ອມດ້ວຍຫົວໜ້າຂະແໜງ 12 ຂະແໜງ ພາຍໃນ ພະແນກ ດັ່ງກ່າວ, ມີຄະນະອຳນວຍການໂຮງຮຽນອ້ອມຂ້າງແຂງພ້ອມດ້ວຍພະນັກງານຄູອາຈານ, ນ້ອງຫຼານນັກຮຽນ,

ຄູນຳພາ ແລະ ນ້ອງຫຼານນັກຮຽນເກັ່ງທີ່ເປັນຕົວແທນໃຫ້ແຂວງຫົວພັນ ເຂົ້າຮ່ວມສອບເສັງລະດັບຊາດ ແລະ ຜູ້ປົກຄອງເດັກເຂົ້າຮ່ວມນຳພິທີສອບເສັງນັກຮຽນເກັ່ງລະດັບຊາດ ຊັ້ນມັດທະຍົມສຶກສາ ມ4 ແລະ ມ7 ທົ່ວປະເທດ ປະຈຳສົກປີ 2017 ໄດ້ເປີດຂຶ້ນຢ່າງເປັນທາງການໃນຄັ້ງວັນທີ 24-28 ເມສາ 2017 ຜ່ານມາໂດຍມີນັກສອບເສັງເຂົ້າຮ່ວມຈາກທົ່ວປະເທດ ເຊິ່ງມີການແຂ່ງຂັນສອບເສັງທັງໝົດ 4 ວິຊາຄື: ພາສາລາວ-ວັນນະຄະດີ, ຄະນິດສາດ, ຟີຊິກສາດ ແລະ ເຄມີສາດ, ແຂວງຫົວພັນ ໄດ້ສົ່ງຕົວແທນເຂົ້າຮ່ວມທັງໝົດ 8 ນ້ອງ, ຍິງ 0 ນ້ອງ, ຜ່ານການສອບເສັງຕົວຈິງ ນັກຮຽນເກັ່ງຂອງແຂວງຫົວພັນ ສາມາດໄດ້ລາງວັນໄດ້ດັ່ງນີ້ຄື: ຍາດໄດ້ລາງວັນອັນດັບທີ 2 ວິຊາເຄມີສາດ ຊັ້ນ ມ4 ໂດຍ: ທ້າວ ຂັນທະວີ ລາຊະວົງ ນັກຮຽນຈາກ ໂຮງຮຽນ ມສ ພັນລາ ເສັງໄດ້ຄະແນນ 7,50 ຄະແນນ ໄດ້ຮັບຫຼຽນເງິນ ພ້ອມດ້ວຍເງິນສົດ 4.000.000 ກີບ, ໄດ້ຮັບລາງວັນຊົມເຊີຍ ວິຊາຄະນິດສາດ ຊັ້ນ ມ4 ໂດຍ: ທ້າວ ຖ່າຍ ເນັ່ງປາຢ່າງ ມາຈາກໂຮງຮຽນ ມສ ພັນລາ ໄດ້ຄະແນນ 6,50 ຄະແນນ ໄດ້ຮັບເງິນສົດ 500.000 ກີບ, ໄດ້ຮັບລາງວັນຊົມເຊີຍ ວິຊາເຄມີສາດ ຊັ້ນ ມ7 ໂດຍ: ທ້າວ ດາງ ເຊົ່າດົງຢາ ມາຈາກໂຮງຮຽນ ມສ ໜອງຄຳ ເມືອງຊຳໃຕ້ ໄດ້ຮັບເງິນສົດ 500.000 ກີບ ແລະ ໄດ້ຮັບລາງວັນຊົມເຊີຍ ຕອບ-ຖາມ ວິທະຍາສາດ ໄດ້ຮັບເງິນສົດ 500.000 ກີບ, ນອກນນັ້ນ ບໍລິສັດເບຍລາວ ຍັງໃຫ້ທຶນການສຶກສາສຳລັບຜູ້ທີ່ໄດ້ລາງວັນ ອັນດັບທີ 1 ຈຳນວນ 5.000.000 ກີບ, ອັນດັບທີ 2 ຈຳນວນ 4.000.000 ກີບ, ອັນດັບທີ 3 ຈຳນວນ 3.000.000 ກີບ ແລະ ລາງວັນຊົມເຊີຍ ຈຳນວນ 500.000 ກີບ ຕື່ມອີກ, ພາຍຫຼັງສຳເລັດການແຂ່ງຂັນຢູ່ ນະຄອນຫຼວງວຽງຈັນ ໃນຕອນແລງວັນທີ 28 ເມສາ 2018 ຄະນະທີມງານຄູນຳພາ ແລະ ນ້ອງຫຼານນັກຮຽນເກັ່ງ ແຂວງຫົວພັນ ໄດ້ເດີນທາງກັບມາຮອດແຂວງຫົວພັນ ໃນຕອນບ່າຍວັນທີ 29 ເມສາ 2017 ຜ່ານມາ ພະແນກ ສກຂ ຫົວພັນ ກໍ່ໄດ້ຫ້າງຫາກະກຽມຈັດພິທີຕ້ອນຮັບຄະນະທີມງານນັກຮຽນເກັ່ງ ຢ່າງສົມກຽດ ແລະ ພ້ອມທັງມອບຂອງຂັວນລາງວັນໃຫ້ແກ່ຜູ້ທີ່ຍາດໄດ້ຜົນງານດັ່ງນີ້: ພະແນກ ສກຂ ຫົວພັນ ໄດ້ມອບທຶນການສຶກສາໃຫ້ແກ່ ທ້າວ ຂັນທະວີ ລາຊະວົງ ຍາດໄດ້ລາງວັນອັນດັບທີ 2 ວິຊາເຄມີສາດ ຊັ້ນ ມ4 ຈຳນວນ 4.000.000 ກີບ, ມອບທຶນການສຶກສາໃຫ້ແກ່ ທ້າວ ຖ່າຍ ເນັ່ງປາຢ່າງ ຍາດໄດ້ລາງວັນຊົມເຊີຍ ວິຊາ ຄະນິດສາດ ຊັ້ນ ມ4 ຈຳນວນ 500.000 ກີບ, ທ້າວ ດາງ ເຊົາດົງຢາ ຍາດໄດ້ລາງວັນຊົມເຊີຍ ວິຊາ ເຄມີສາດ ຊັ້ນ ມ7 ຈຳນວນ 500.000 ກີບ ແລະ ທີມງານນັກຮຽນເກັ່ງ 8 ນ້ອງຂອງແຂວງຫົວພັນ ທີ່ຍາດໄດ້ລາງວັນຊົມເຊີຍ ຕອບ-ຖາມ ວິທະຍາສາດ ຈຳນວນ 500.000 ກີບ ແລະ ມອບເງິນອູດໜູນໃຫ້ແກ່ ຄູສອນດີ-ສອນເກັ່ງ ທີ່ສ້າງນັກຮຽນເກັ່ງສາມາດຍາດໄດ້ລາງວັນການເຂົ້າຮ່ວມສອບເສັງລະດັບຊາດ ຈຳນວນ 1.000.000 ກີບ ເຊິ່ງມອບໂດຍ ທ່ານ ມົນທອງ ລຽນຕິຄຸນ ຫົວໜ້າພະແນກ ສກຂ ຮັບໂດຍ: ອາຈານ ອິດ ຄຳມະວົງ ແລະ ນ້ອງຫຼານນັກຮຽນເກັ່ງທີ່ມີລາຍຊື່ຕາມຂ້າງເທິງນີ້, ທ້າຍພິທີ ທ່ານຫົວໜ້າພະແນກ ສກຂ ກໍ່ໄດ້ມີຄຳເຫັນໂອ້ລົມ ແລະ ຍ້ອງຍຊົມເຊີຍຕໍ່ຜົນງານທີ່ຍາດມາໄດ້ໃນຄັ້ງນີ້ເຖິງວ່າບໍ່ສາມາດຍາດໄດ້ລາງວັນອັນດັບທີ 1 ກໍ່ຕາມແຕ່ກໍ່ຖືວ່າເປັນຜົນສຳເລັດ ແລະ ຜົນງານທີ່ດີ ທີ່ໜ້າເພິ່ງພໍໃຈແລ້ວ, ຂະນະດຽວກັນທ່ານຫົວໜ້າພະແນກ ສກຂ ໄດ້ເນັ້ນໃຫ້ພະນັກງານຄູອາຈານ ແລະ ພໍ່-ແມ່ ຜູ້ປົກຄອງນັກຮຽນຈົ່ງຊ່ວຍສະໜັບສະໜູນ, ໃຫ້ຄວາມຮ່ວມມື ແລະ ຊ່ວຍຊຸກຍູ້ ລູກຫຼານຂອງຕົນໃຫ້ມີມູນເຊື້ອ, ກາຍເປັນລູກທີ່ດີຂອງ ພໍ່-ແມ່ ນັກຮຽນເກັ່ງໃນລະດັບຕໍ່ໆໄປກຽມພ້ອບຮັບໃຊ້ສັງຄົມ ແລະ ປະເທດຊາດໃນອະນາຄົດ

ຜູ້ທີ່ເຂົ້າຊົມ

ເຮົາມີ 20 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້113
mod_vvisit_counterມື້ວານ158
mod_vvisit_counterອາທິດນີ້271
mod_vvisit_counterອາທິດກ່ອນ2106
mod_vvisit_counterເດືອນນີ້3729
mod_vvisit_counterເດືອນກ່ອນ5619
mod_vvisit_counterທັງໝົດ148117