• Lao (ພາສາລາວ)
Home ຂ່າວຕ່າງໆ ຂ່າວ ສຶກສາ ແລະ ກິລາ ອະດີດ ພະນັກງານ-ຄູອາຈານ ແລະ ນັກຮຽນ ອຸດົມສູນກາງສົບຊາຍ ຈັດຂະບວນຂະຣາວານຫວນຄືນໂຮງຮຽນເກົ່າ

ອະດີດ ພະນັກງານ-ຄູອາຈານ ແລະ ນັກຮຽນ ອຸດົມສູນກາງສົບຊາຍ ຈັດຂະບວນຂະຣາວານຫວນຄືນໂຮງຮຽນເກົ່າ

ຕອນເຊົ້າວັນທີ 15 ພຶດສະພາ 2017 ນີ້ ອາດີດ ພະນັກງານ-ຄູອາຈານ ແລະ ນັກຮຽນ ອຸດົມສູນກາງສົບຊາຍ ໄດ້ຈັດຂະບວນຂະຣາວານຫວນຄືນໂຮງຮຽນເກົ່າ ອຸດົມສູນກາງສົບຊາຍ ເຊິ່ງນຳໂດຍທີມ ທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ປະລິນຍາເອກ ມີທອງ ສຸວັນມີໄຊ ຫົວໜ້າກົມ ເດັກກ່ອນໄວຮຽນ ແລະ ປະຖົມສຶກສາ ກະຊວງສຶກສາທິການ ແລະ ກິລາ,

 

 

ພ້ອມດ້ວຍ ອາດີດ ພະນັກງານ-ຄູອາຈານ ແລະ ນັກຮຽນ ອຸດົມສູນກາງສົບຊາຍ ທີ່ເຄີຍໄດ້ສິດສອນ ແລະ ຮໍ່າຮຽນ ຢູ່ໂຮງຮຽນແຫ່ງນີ້ໃນປີ 1969-1974 ມາຮ່ວມທັງໝົດ 70 ກ່ວາຄົນ, ເປັນກຽດການເຂົ້າຮ່ວມຂອງ ທ່ານ ເຄນທະນູ ພຸດທະວົງສາ ຮອງຫົວໜ້າພະແນກສຶກສາທິການ ແລະ ກິລາແຂວງຫົວພັນ, ມີ ທ່ານ ນວນທອງ ສຸວັນທອງ ຮອງເຈົ້າເມືອງຊຽງຄໍ້, ຫົວໜ້າຫ້ອງການສຶກສາທິການ ແລະ ກິລາເມືອງຊຽງຄໍ້, ຜູ້ອຳນວຍການໂຮງຮຽນ ມສ ສົບຊາຍ ພ້ອມດ້ວຍພະນັກງານຄູອາຈານ, ຄະນະພັກກຸ່ມບ້ານສົບຊາຍ, ເລຂາພັກຮາກຖານກຸ່ມມອງນ້ຳ ຕະຫຼອດຮອດ ພໍ່-ແມ່ ປະຊາຊົນ ແລະ ນ້ອງຫຼານນັກຮຽນເຂົ້າຮ່ວມຢ່າງຫຼວງຫຼາຍ ໂດຍຈັດຂຶ້ນຢູ່ ສະໂມສອນໂຮງຮຽນ ມສ ສົບຊາຍ ຫຼື ໂຮງຮຽນອຸດົມສູນກາງສົບຊາຍໃນເມື່ອກ່ອນໃນພິທີ ອາຈານ ນວນທອງ ບານມີໄຊ ຜູ້ອຳນວຍການໂຮງຮຽນ ມສ ສົບຊາຍ ໄດ້ຂຶ້ນກ່າວຕ້ອບຮັບທີມງານຂະບວນຂະຣາວານຫວນຄືນໂຮງຮຽນອຸດົມສູນກາງສົບຊາຍຢ່າງອົບອຸ່ນ, ພ້ອມທັງລາຍງານສະພາບຈຸດພິເສດຂອງໂຮງຮຽນ ມສ ສົບຊາຍ ໂດຍຫຍໍ້ ໃຫ້ຮູ້ວ່າ: ໂຮງຮຽນ ມສ ສົຊາຍ ເປັນໂຮງຮຽນທີ່ຂຶ້ນກັບການຊີ້ນຳຂອງ ຫ້ອງການສຶກສາທິການ ແລະ ກິລາເມືອງຊຽງຄໍ້ ເຊິ່ງມີໄລຍະທາງຫ່າງຈາກຕົວເມືອງຊຽງຄໍ້ 22 ກິໂລແມັດ, ມີນັກຮຽນເຂົ້າມາຮຽນຈາກ 16 ໝູ່ບ້ານ ໃນ 2 ເຂດ ຄື: ເຂດສົບຊາຍ ແລະ ເຂດມອງນ້ຳ, ສົກຮຽນ 2016-2017 ນີ້ມີພະນັກງານ ຄູ-ອາຈານ ທັງໝົດ 26 ຄົນ, ຍິງ 12 ຄົນ, ຈົບຊັ້ນປະລິນຍາຕີ ຈຳນວນ 11 ຄົນ, ຍິງ 3 ຄົນ, ຊັ້ນສູງ 14 ຄົນ, ຍິງ 9 ຄົນ, ຊັ້ນກາງ 1 ຄົນ, ຍິງ 0 ຄົນ, ປະກອບມີຊັ້ນຮຽນນັບແຕ່ ມ1-ມ7 ລວມມີຫ້ອງຮຽນ 12 ຫ້ອງ, ມີນັກຮຽນທັງໝົດ 424 ນ້ອງ, ຍິງ 184 ນ້ອງ, ໂອກາດດຽວກັນ ທ່ານ ປະລິນຍາເອກ ມີທອງ ສຸວັນມີໄຊ ຫົວໜ້າກົມ ເດັກກ່ອນໄວຮຽນ ແລະ ປະຖົມສຶກສາ ກະຊວງສຶກສາທິການ ແລະ ກິລາ ທັງເປັນອາດີດນັກຮຽນ ອຸດົມສູນກາງສົບຊາຍ ໄດ້ໃຫ້ຮູ້ຕື່ມອີກວ່າ: ໂຮງຮຽນອຸດົມສູນກາງສົບຊາຍ ແຫ່ງນີ້ໃນເມື່ອກ່ອນແມ່ນ: ເອີ້ນຊື່ໂຮງຮຽນນີ້ວ່າ: ໂຮງຮຽນອຸດົມສູນກາງສົຍຊາຍ ແລະ ໄດ້ເລີ່ມຈັດຕັ້ງ ການຮຽນ-ການສອນ ນັບແຕ່ປີ 1969-1974 ເປັນຕົ້ນມາ, ໂດຍມີ ພະນັກງານ-ຄູອາຈານ ແລະ ນັກຮຽນທັງໝົດ ປະມານ 200 ກ່ວາຄົນ, ທັງນີ້ກໍ່ເພື່ອເປັນການສືບຕໍ່ຕາມແນວທາງນະໂຍບາຍຂອງພັກ-ລັດ ຂະນະທີ່ ໂຮງຮຽນອຸດົມສູນກາງສົບຊາຍ ກໍ່ໄດ້ຖືກຍົກຍ້າຍຈາກສົບຊາຍ ໄປຕັ້ງຢູ່ ເມືອງວຽງໄຊ ໃນປີ 1975 ໃນເມື່ອເປັນແນວນັ້ນອຳນາດການປົກຄອງກຸ່ມບ້ານສົບຊາຍ, ພໍ່-ແມ່ ປະຊາຊົນ ເຂດໃຕ້ຂອງເມືອງຊຽງຄໍ້ ຕະຫຼອດຮອດການຈັດຕັ້ງທີ່ກ່ຽວຂ້ອງທຸກຂັ້ນຈິ່ງໄດ້ພ້ອມກັນປຶກສາຫາລື ແລະ ຕັດສິນໃຈປຸກສ້າງເປັນໂຮງຮຽນມັດທະຍົມຕອນຕົ້ນຂຶ້ນຢູ່ສະຖານທີ່ແຫ່ງນີ້ ໃນສົກຮຽນ 1975-1976 ໂດຍມີຫ້ອງຮຽນ 1 ຫ້ອງ ຄືຊັ້ນ ມ1, ມີຄູ 3 ຄົນ, ຍິງ 1 ຄົນ, ມີນັກຮຽນທັງໝົດ 25 ນ້ອງ, ຍິງ 18 ນ້ອງ, ນັບແຕ່ນັ້ນມາໂຮງຮຽນແຫ່ງນີ້ກໍ່ໄດ້ມີຂະຫຍາຍຕົວ ແລະ ມີການພັດທະນາຢ່າງເຕີບໃຫຍ່ຕໍ່ເນື່ອງດີຂຶ້ນເປັນກ້າວໆມາ ຈົນມາຮອດວັນທີ 30 ສິງຫາ 2010 ໂຮງຮຽນແຫ່ງນີ້ ໄດ້ຖືກສ້າງຕັ້ງເປັນເປັນໂຮງຮຽນມັດທະຍົມສົມບູນສົບຊາຍແຫ່ງໃໝ່ຂອງເມືອງຊຽງຄໍ້. ການມາຢ້ຽມຢາມໃນຄັ້ງນີ້ແມ່ນເປັນຄັ້ງທີ 3 ພ້ອມດຽວກັນນັ້ນ ທີມງານ ຂະບວນຂະຣາວານຫວນຄືນໂຮງຮຽນເກົ່າ ອຸດົມສູນກາງສົບຊາຍ ຍັງໄດ້ນຳເອົາຄື່ອງ ຈຳນວນໜຶ່ງມາມອບໃຫ້ແກ່ ໂຮງຮຽນ ມສ ສົບຊາຍ ເພື່ອນຳໃຊ້ເຂົ້າໃນການຈັດຕັ້ງປະຕິບັດ ວຽກງານ ການຮຽນ-ການສອນ ໃຫ້ເກີດປະໂຫຍດສູງສຸດ ເຊິ່ງອຸປະກອນທີ່ນຳມາມອບໃນຄັ້ງນີ້ປະກອບມີ: ຄອມພິວເຕີ, ປື້ມຂຽນ, ບິກ, ອຸປະກອນກິລາ, ຖົງໃສ່ປື້ມ, ຊຸດເຄື່ອງກິລາ, ອຸປະກອນການສຶກສາ ແລະ ກິລາ ທີ່ຈຳເປັນ ແລະ ອື່ນໆຫຼາຍຢ່າງ ລວມມູນຄ່າທັງ 119 ລ້ານກ່ວາກີບ ພ້ອມທັງມອບເງິນສົດ 40 ລ້ານກີບ ຕາງໜ້າມອບໂດຍ: ທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ກ່າວຮັບໂດຍ ອາຈານ ນວນທອງ ບານມີໄຊ ຜູ້ອຳນວຍການໂຮງຮຽນ ມສ ສົບຊາຍ, ຈຸດປະສົງຂອງການຈັດ ຂະບວນຂະຣາວານ ແລະ ນຳເອົາເຄື່ອງມາມອບໃນຄັ້ງນີ້ແມ່ນ: ເພື່ອເປັນການທ້ອນໂຮມຈຳນວນພົນອາດີດ ຄູ ແລະ ນັກຮຽນ ທີ່ເຄີຍເປັນນັກຮຽນ ແລະ ຄູ ທີ່ເຄີຍໄດ້ມາຮໍ່າຮຽນ, ອາໄສຢູ່ເຂດໂຮງຮຽນອຸດົມສູນກາງສົບຊາຍ ແຫ່ງນີ້ ເປັນເວລາຫຼາຍປີ, ທັງນີ້ກໍ່ເພື່ອເປັນການມາຢ້ຽມຢາມຖາມຂ່າວຄວາມທຸກສຸກ, ເປັນການພົບປະສ້າງສັນນຳຍາດຕິພີ້ນ້ອງ, ພໍ່-ແມ່ ອາວອາ, ນ້າບ່າວ ເຂດໃຕ້ຂອງເມືອງຊຽງຄໍ້, ເວົ້າສະເພາະແມ່ນຊາວບ້ານສົບຊາຍ ອີກອັນໜຶ່ງເພື່ອເປັນການຕອບແທນບຸນຄຸນຂອງອາດີດພະນັກງານຄູ, ພໍ່ແມ່ປະຊາຊົນເຂດສົບຊາຍ ທີ່ໄດ້ອຳນວຍຄວາມສະດວກທຸກດ້ານ, ທັງເປັນບ່ອນກໍ່ສ້າງ, ຝຶກຜົນຫຼໍ່ຫຼອມທາງດ້ານສະຕິປັນຍາ, ເຮັດໃຫ້ອາດີດນັກຮຽນຂອງໂຮງຮຽນແຫ່ງນີ້ ຫຼາຍໆຄົນໄດ້ມີຄວາມຮູ້,ຄວາມສາມາດ ແລ້ວນຳເອົາຄວາມຮູ້ຈາກໂຮງຮຽນແຫ່ງນີ້ໄປພັດທະນາປະເທດຊາດ ຕາມການມອບໝາຍຂອງ ພັກ-ລັດ, ມີຊີວິດການເປັນຢູ່ທີ່ດີ, ປະສົບຜົນສຳເລັດໃນໜ້າທີ່ການງານ, ບາງທ່ານກໍ່ໄດ້ເປັນ ນາຍົກລັດຖະມົນຕີ,ເປັນນາຍພົນທະຫານ, ນາຍພົນຕຳຫຼວດ, ເປັນພະນັກງານ-ລັດຖະກອນ ທີ່ດີເດັ່ນ, ເປັນນັກທຸລະກິດ, ພໍ່ຄ້າ-ຊາວຂາຍ, ເປັນຜູ້ນຳສູງສຸດ ແລະ ເປັນຄົນທີ່ມີຊື່ສຽງໃນສັງຄົມ. ທ້າຍພິທີ ທ່ານ ນວນທອງ ສຸວັນທອນ ຮອງເຈົ້າເມືອງຊຽງຄໍ້ ກໍ່ໄດ້ຂຶ້ນມີຄຳເຫັນກ່າວຄຳຂອບອົກຂອບໃຈເພື່ອເປັນການສະແດງເຖິງການຮູ້ບຸນຢ່າງຫຼົ້ນເຫຼືອມາຍັງ ຂະບວນຂະຣາວານ ອາດີດ ພະນັກງານ-ຄູອາຈານ ແລະ ນັກຮຽນ ອຸດົມສູນກາງສົບຊາຍ ທີ່ໄດ້ມີນຳໃຈທ້ອນໂຮມເຄື່ອງມາຊ່ວຍເຫຼືອໃນຄັ້ງນີ້ ເພື່ອພັດທະນາໂຮງຮຽນແຫ່ງນີ້ ໂອກາດດຽວກັນ ທ່ານ ຮອງເຈົ້າເມືອງຊຽງຄໍ້ ກໍ່ໄດ້ມອບໃບຍ້ອງຍໍ ຂອງທ່ານເຈົ້າເມືອງຊຽງຄໍ້ ໃຫ້ແກ່ຜູ້ທີ່ມີຜົນງານຂອງ ຂະບວນຂະຣາວານ ອຸດົມສູນກາງສົບຊາຍ ຫວນຄືນໂຮງຮຽນເກົ່າ ຕາມລຳດັບ

ຜູ້ທີ່ເຂົ້າຊົມ

ເຮົາມີ 21 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້114
mod_vvisit_counterມື້ວານ158
mod_vvisit_counterອາທິດນີ້272
mod_vvisit_counterອາທິດກ່ອນ2106
mod_vvisit_counterເດືອນນີ້3730
mod_vvisit_counterເດືອນກ່ອນ5619
mod_vvisit_counterທັງໝົດ148118