• Lao (ພາສາລາວ)
Home ຂ່າວຕ່າງໆ ຂ່າວ ສຶກສາ ແລະ ກິລາ ຮງຮຽນມັດທະຍົມຕອນຕົ້ນນາທອງ ແລະ ປະຖົມສົມບູຸນນາທອງ ໄດ້ຮັບເງິນຊ່ວຍເຫຼືອ 10 ລ້ານກີບ

ໂຮງຮຽນມັດທະຍົມຕອນຕົ້ນນາທອງ ແລະ ປະຖົມສົມບູຸນນາທອງ ໄດ້ຮັບເງິນຊ່ວຍເຫຼືອ 10 ລ້ານກີບ

ຕອນເຊົ້າວັນທີ 11 ພຶດສະພາ 2015 ນີ້ ໂຮງຮຽນມັດທະຍົມຕົ້ນນາທອງ ແລະ ປະຖົມສົມບູນນາທອງ, ເມືອງຊຳເໜືອ, ແຂວງຫົວພັນ ໄດ້ຮັບເງິນຊ່ວຍເຫຼືອຈຳນວນ 10 ລ້ານກີບ ຈາກກຸ່ມຮ້ານອາຫານມາຈາກ ນະຄອນຫຼວງວຽງຈັນ ໂດຍຈັດຂຶ້ນຢູ່ທີ່ເດີ່ນໂຮງ ຮຽນມັດທະຍົມຕອນຕົ້ນນາທອງ ໂດຍເປັນກຽດການເຂົ້າຮ່ວມຂອງ ທ່ານ ຈັນພອນ ແກ້ວດວງຄຳ ຮອງຫົວນ້າຫ້ອງການສຶກສາທິການ ແລະ ກິລາ ເມືອງຊຳເໜືອ,

ມີຜູ້ອຳນວຍການໂຮງຮຽນມັດທະຍົມຕອນຕົ້ນນາທອງ,ປະຖົມນາທອງ ພ້ອມດ້ວຍຄູອຈານຕະຫຼອດຮອດນ້ອງຫຼານນັກຮຽນ ແລະ ອຳນາດການປົກຄອງບ້ານນາທອງ ເຂົ້າຮ່ວມຢ່າງຫຼວງຫຼາຍ. ໂອກາດດັ່ງກ່າວ ທ່ານ ພູວົງ ອິນທະວົງສາ ຕາງໜ້າກຸ່ມຮ້ານອາຫານ ມາຈາກ ນະຄອນຫຼວງວຽງຈັນ ຂຶ້ນກ່າວຈຸດປະສົງຄວາມເປັນມາຂອງກຸ່ມຮ້ານອາຫານດັ່ງກ່າວ ແລະ ການມອບທຶນຊ່ວຍເຫຼືອໃນຄັ້ງນີ້ວ່າ: ກຸ່ມຮ້ານອາຫານນະຄອນລວງວຽງຈັນ ກໍ່ຕັ້ງຂຶ້ນໃນປີ 2013 ບົນພື້ນຖານຄວາມສາມັກຄີຮັກແພງ,ຊ່ວຍເຫຼືອເຊິ່ງກັນ ແລະ ກັນ ໃນການຮ່ວມດຳເນີນທຸລະກິດທາງດ້ານຮ້ານອາຫານ ປະຈຸບັນນີ້ມີສະມາຊິກ 32 ຮ້ານ ໂດຍມີ ບໍລິສັດເບຍລາວ ຄອຍໃຫ້ການຊ່ວຍເຫຼືອເປັນຫຼັກ ການມາໃນຄັ້ງນີ້ແມ່ນໄດ້ພ້ອມກັນປຸກລະດົມທຶນດ້ວຍຄວາມສະມັກໃຈໂຮມເງິນກັນມາເພື່ອມາມອບໃຫ້ໂຮງຮຽນມັດທະຍົມຕອນຕົ້ນນາທອງ ຈຳນວນ 6 ລ້ານກີບ ແລະ ປະຖົມນາທອງ 4 ລ້ານກີບ ລວມທັງໝົດ 10 ກີບ ພ້ອມດ້ວຍນ້ຳດຶ່ມກາຫົວເສືອ 10 ແກັດ ມູນຄ່າ 3 ແສນ 5 ສິບພັນກີບ ເປັນກຽດມອບໂດຍ ທ່ານ ຄຳແພງ ເຜົ່າບົວວົງ ແລະ ທ່ານ ພູຂັນ ສຸວັນນະວົງ ຕາງໜ້າກຸ່ມຮ້ານອາຫານນະຄອນຫຼວງວຽງຈັນ ແລະ ຮັບໂດຍ ທ່ານ ສົມບູນ ສີສົມພອນ ຜູ້ອຳນວຍການໂຮງຮຽນມັດທະຍົມຕອນຕົ້ນນາທອງ ແລະ ທ່ານ ນາງ ບົວວັນ ເຮືອງສີ ຜູ້ອຳນວຍການໂຮງຮຽນປະຖົມສົມບູນນາທອງ ໂອກາດດຽວກັນນີ້ ຜູ້ອຳນວຍການມັດທະຍົມຕອນຕົ້ນນາທອງ ໄດ້ມອບໃບຍ້ອງຍໍ ຂອງ ທ່ານເຈົ້າເມືອງຊຳເໜືອ ໃຫ້ ກຸ່ມຮ້ານອາຫານນະຄອນລວງວຽງຈັນ ແລະ ຄອບຄົວບໍລິສັດເບຍລາວ ທີ່ມີຜົນງານປະກອບສ່ວນມອບທືນການສຶກສາໃຫ້ແກ່ 2 ໂຮງຮຽນດັ່ງກ່າວ ໃຫ້ກຽດຮັບໂດຍ ທ່ານ ຄຳແພງ ເຜົ່າບົວວົງ ທັງນີກໍ່ເປັນການຊ່ວຍເຫຼືອທຶນຮອນເພື່ອນຳມາປະກອບເຂົາໃນການປົວແປງໂຕະຕັ່ງ,ອາຄານຮຽນ,ຊື້ອຸປະກອນຮັບໃຊ້ຫ້ອງການ,ອຸປະກອນການຮຽນ ແລະ ນຳໃຊ້ເຂົ້າໃນວຽກງານ ການຮຽນ-ການສອນ ຂອງຄູ ແລະ ນັກຮຽນໃຫ້ມີຄວາມສະດວກ,ທັນສະໄໝຂຶ້ນເລື້ອງໆ ໃນນັ້ນຜູ້ທີ່ປະກອບເງິນມາຊ່ວຍໃນຄັ້ງນີ້ປະກອບມີ: ທ່ານ ຄຳແພງ ເຈົ້າຂອງຮ້ານອາຫານຊີ້ນດາດລັດສະໝີ,ທ່ານ ສີສົມພູ ຮ້ານນວນຕາປີ້ງເອັນ 500 ທ່ານ ທອງຂັນ ຮ້ານອາຫານນ້ອງນຸດ,ທ່ານ ໂບ້ ສວນເບຍຈຳໂບ້,ທ່ານ ສົມພອນ ຮ້ານເບຍລຳເນົາສິງໂຕ,ທ່ານ ເຄນ ຮ້ານສະບາຍໂລໂຊ,ທ່ານ ບຸນຈັນ ຮ້ານດອກຮັກເພງລາວ,ທ່ານ ພູວົງ ຮ້ານສາຍໃຈໂພນຕ້ອງ,ທ່ານ ວິຈິດ ອຸ່ນອານົງນຸດ ແລະ ທ່ານ ຄຳແກ້ວ ອຸ່ນອານົງນຸດ ສູນພາສາອັງກິດແກ້ວປັນຍາ,ທ່ານ ສຸກສະຫັວນ ການຕະຫຼາດເບຍລາວ ປະຈຳແຂວງຊຽງຂວາງ ແລະ ທ່ານ ເຊຍຢ່າງ ການຕະຫຼາດເບຍລາວ ປະຈຳແຂວງຫົວພັນ

ຜູ້ທີ່ເຂົ້າຊົມ

ເຮົາມີ 22 ບຸກຄົນທົ່ວໄປ ອອນໄລນ

ສະຖິຕິເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້115
mod_vvisit_counterມື້ວານ158
mod_vvisit_counterອາທິດນີ້273
mod_vvisit_counterອາທິດກ່ອນ2106
mod_vvisit_counterເດືອນນີ້3731
mod_vvisit_counterເດືອນກ່ອນ5619
mod_vvisit_counterທັງໝົດ148119