ຄູສອນຄອມພິວເຕີ ທົ່ວປະເທດ ໄດ້ຍົກລະດັບດ້ານເທັກໂນໂລຢີ ທີ່ ສ ເກົາຫລີ

          ຄູສອນຄອມພິວເຕີ ຈາກພະແນກສຶກສາທິການ ແລະ ກິລາ ແຂວງທົ່ວປະເທດ ໄດ້ໄປຍົກລະ ດັບຄວາມຮູ້ ແລະ ທັກສະທາງດ້ານການນຳໃຊ້ເທັກໂນໂລຢີ-ຂໍ້ມູນຂ່າວສານ (ITC) ທີ່ ສ ເກົາຫລີ ໃນລະຫວ່າງວັນທີ 8 - 21 ສິງຫາ2014.

 

       ເມື່ອວັນທີ ສິງຫາ ຜ່ານມາ ທີ່ສູນເທັກໂນໂລຢີ-ຂໍ້ມູນຂ່າວສານ ແລະ ການສື່ສານ ກະຊວງສຶກສາທິການ ແລະ ກິລາ ໄດ້ຈັດພິທີພົບປະໂອ້ລົມຄູສອນຄອມພິວເຕີ ທົ່ວປະເທດ ທີ່ຈະໄປເຝິກອົບຮົມດ້ານການນຳໃຊ້ເທັກໂນໂລຢີ-ຂໍ້ມູນຂ່າວສານ (ICT) ທີ່ ສ ເກົາຫລີໃຫ້ກຽດເຂົ້າຮ່ວມ ແລະ ໂອ້ລົມເພື່ອໃຫ້ເປັນແນວທາງໃນການປະຕິບັດໃຫ້ຄະນະທີ່ຈະເດີນທາງ ໄປເຝິກອົບຮົມດັ່ງກ່າວ ຂອງ ທ່ານ ສີນະຄອນ ປະທຸມມະລັດ ຮອງຫົວໜ້າຫ້ອງການ ກະຊວງສຶກສາທິການ ແລະ ກິລາ.

 

      ໃນໂອກາດນີ້ທ່ານ ຮອງຫົວໜ້າຫ້ອງການ ກະຊວງສຶກສາທິການ ແລະ ກິລາ ກໍ່ໄດ້ຍົກໃຫ້ຮູ້ເຖິງສະພາບລວມໂດຍຫຍໍ້ດ້ານວັດທະນະທຳ-ສັງຄົມຂອງ ສ.ເກົາຫລີ ເພື່ອໃຫ້ສຳ ມະນາກອນໄດ້ກະກຽມ ແລະ ປັບໂຕໃຫ້ເຂົ້າກັບວັດທະນະທຳສັງຄົມຂອງປະເທດດັ່ງກ່າວພ້ອມດຽວ ກັນນັ້ນ ກໍ່ໃຫ້ຮັກສາ ແລະ ສົ່ງເສີມວັດທະນະທຳອັນດີງາມທີ່ເປັນເອກະລັກຂອງ ສປປ ລາວ. ນອກຈາກນີ້ທ່ານ ຍັງເນັ້ນໃຫ້ເອົາໃຈໃສ່ຖອດຖອນບົດຮຽນໃຫ້ໄດ້ຫລາຍທີ່ສຸດ ເພື່ອນຳເອົາຄວາມ ຮູ້ມາຜັນຂະຫາຍໃຫ້ເກີດຜົນປະໂຫຍດສູງສຸດ.

    ສຳລັບການໄປເຝິກອົບຮົມດ້ານການນຳໃຊ້ເທັກໂນໂລຢີ-ຂໍ້ມູນຂ່າວສານ (ICT) ທີ່ ສ ເກົາຫລີ ໃນຄັ້ງນີ້ ແມ່ນຈະໃຊ້ເວລາແຕ່ວັນທີ 8 - 21 ສິງຫາ 2014 ໂດຍມີ ທ່ານ ນາງ ບົວຄຳ ດາວສະຫັວນ ຮອງຫົວໜ້າຫ້ອງການຄະນະພັກ ກະຊວງສຶກສາທິການ ແລະ ກິລາ ເປັນຫົວໜ້າຄະນະພ້ອມດ້ວຍພະນັກງານກະຊວງສຶກສາທິການມີຄູສອນຈາກພະແນກສຶກສາທິການ ແລະ ກິລາຈາກແຂວງສະຫວັນນະເຂດແຂວງເຊກອງແຂວງຫລວງພະບາງແຂວງຫົວພັນນະຄອນຫລວງວຽງຈັນແຂວງສາລະວັນແຂວງຄຳມ່ວນແຂວງອຸດົມໄຊແຂວງບໍ່ແກ້ວແຂວງບໍລິຄຳໄຊ,ແຂວງວຽງຈັນແຂວງໄຊຍະບູລີແຂວງຊຽງຂວາງ ແລະ ແຂວງຫລວງນ້ຳທາ ທັງໝົດຈຳນວນ 20 ທ່ານ

ໂດຍ: ສາວໄຊຍະ