1. ຫັນເອົາແນວທາງນະໂຍບາຍກ່ຽວກັບຄວາມສະເໝີພາບບົດບາດຍິງ-ຊາຍ, ເດັກຍິງ, ຊົນເຜົ່າ, ຜູ້ພິການ ແລະ ຜູ້ທີ່ມີຄວາມຕ້ອງການພິເສດໃຫ້ກາຍເປັນແຜນຍຸດທະສາດ ເພື່ອໃຫ້ຜູ້ບໍລິຫານການສຶກສາແຕ່ລະຂັ້ນທັງພາກລັດ ແລະ ເອກະຊົນນຳໄປຈັດຕັ້ງປະຕິບັດໃຫ້ປະກົດຜົນເປັນຈິງ.
2. ພັດທະນານະໂຍບາຍແນະນຳສະເພາະເພື່ອສະໜອງ ແລະ ສົ່ງເສີມການສຶກສາແມ່jຍິງ, ເດັກຍິງ, ຊົນເຜົ່າ, ຜູ້ພິການ, ຜູ້ທີ່ມີຄວາມຕ້ອງການພິເສດ ແລະກຸ່ມອື່ນໆ ໃຫ້ນອນຢູ່ໃນ ເປົ້າໝາຍ.
3. ຄົ້ນຄ້ວາ, ວິໄຈ, ຊຸກຍູ້ສົ່ງເສີມການສຶກສາແມ່ຍິງ, ເດັກຍິງ, ຊົນເຜົ່າ, ຜູ້ພິການ, ຜູ້ທີ່ມີຄວາມຕ້ອງການພິເສດໃຫ້ໄດ້ຮັບ ການສຶກສາທີ່ມີຄຸນນະພາບ ແລະ ເທົ່າທຽມກັນ.
4. ເສີມສ້າງຄວາມສາມາດຂອງບຸກຄະລາກອນໃນການເຊື່ອມ ບົດບາດຍິງ-ຊາຍ ເຂົ້າໃນການພັດທະນາຫຼັກສູດ ແລະ ການຈັດການຮຽນການສອນໃນທຸກຊັ້ນ, ທຸກສາຍ ແລະ ທຸກລະບົບ.
5. ປະສານສົມທົບກັບກົມວິຊາການ, ພາກສ່ວນທີ່ກ່ຽວຂ້ອງຂັ້ນ ສູນກາງ ແລະ ທ້ອງຖິ່ນເພື່ອຈັດຕັ້ງການຮຽນຮ່ວມໃຫ້ແກ່ ກຸ່ມເປົ້າໝາຍເພື່ອບັນລຸການສຶກສາໝົດທຸກຄົນໃນປີ 2015.
6. ເກັບກຳ, ເຜີຍແຜ່ ແລະສະໜອງຂໍ້ມູນຂ່າວສານຕ່າງໆເພື່ອ ສົ່ງເສີມການສຶກສາຮຽນຮ່ວມໃນທົ່ວປະເທດ ແລະ ສາກົນ ຕາມການເຫັນດີຂອງຂັ້ນເທິງ.
7. ສ້າງເຄືອຂ່າຍ, ປະສານສົມທົບກັບກົມວິຊາການ ແລະ ພາກສ່ວນທີ່ກ່ຽວຂ້ອງເພື່ອສະໜອງ, ສົ່ງເສີມການສຶກສາ ໃຫ້ແກ່ກຸ່ມເປົ້າໝາຍການສຶກສາຮຽນຮ່ວມທຸກກຸ່ມ.
8. ຊີ້ນຳ ແລະ ສົມທົບກັບພາກສ່ວນທີ່ກ່ຽວຂ້ອງໃນການເຊື່ອມ ບົດບາດຍິງ-ຊາຍ, ເອົາໃຈໃສ່ການສຶກສາຊົນເຜົ່າ, ແມ່ຍິງ, ເດັກຍິງ, ຜູ້ພິການ ແລະ ຜູ້ທີ່ມີຄວາມຕ້ອງການພິເສດ ເຂົ້າໃນຫຼັກສູດ ແລະສື່ການຮຽນ ການສອນ.
9. ສົມທົບກັບກົມຈັດຕັ້ງ ແລະ ພະນັກງານ ແລະ ພາກສ່ວນ ທີ່ກ່ຽວຂ້ອງ ໃນການວາງແຜນພັດທະນາ ບຸກຄະລາກອນ ແລະ ເພີ່ມບຸກຄະລາກອນຍິງ ແລະ ຊົນເຜົ່າໃນທຸກລະດັບ.
10. ສົມທົບກັບສູນຮັບປະກັນຄຸນນະພາບ ເພື່ອກຳນົດມາດຕະ ຖານສະເພາະໃນການສົ່ງເສີມການສຶກສາຮຽນຮ່ວມໃຫ້ມີ ໂອກາດໄດ້ຮັບການສຶກສາຢ່າງທົ່ວເຖິງ.
11. ສົມທົບກັບສູນສະຖິຕິຂໍ້ມູນຂ່າວສານການສຶກສາໃນການ ສຳຫຼວດເກັບກຳຂໍ້ມູນສະຖິຕິແຍກເພດ ຕາມກຸ່ມພາສາຊົນ ເຜົ່າ, ແມ່ຍິງ, ເດັກຍິງ, ຜູ້ພິການ ແລະ ຜູ້ທີ່ມີຄວາມຕ້ອງ ການພິເສດແຕ່ລະປີ ເພື່ອຮັບໃຊ້ເຂົ້າໃນການວາງແຜນໃຫ້ ສອດຄ່ອງໃນແຕ່ລະໄລຍະ.
12. ຊີ້ນຳ ແລະ ຄຸ້ມຄອງໂຮງຮຽນກິນນອນຊົນເຜົ່າທີ່ຂຶ້ນກັບ ກະຊວງສຶກສາທິການ ແລະ ຕິດຕາມຊຸກຍູ້ບັນດາໂຮງຮຽນ ກິນນອນຊົນເຜົ່າທີ່ຂຶ້ນກັບແຂວງ.
13. ປະຕິບັດໂຄງການຮ່ວມມືຕ່າງໆ ເພື່ອສົ່ງເສີມການສຶກສາ ແມ່ຍິງ, ເດັກຍິງ, ຊົນເຜົ່າ, ຜູ້ພິການ ແລະ ຜູ້ທີ່ມີຄວາມ ຕ້ອງການພິເສດຕາມການມອບໝາຍ ຂອງກະຊວງສຶກສາ ທິການ.
14. ໂຄສະນາ, ເຜີຍແຜ່, ແນະນຳ, ຊຸກຍູ້ ຕິດຕາມ ກວດກາ ບັນດາຂະແໜງການສຶກສາ ໃນການຈັດຕັ້ງປະຕິບັດແນວ ທາງນະໂຍບາຍຂອງພັກ, ລັດຖະທຳມະນູນ, ກົດໝາຍ ແລະ ລະບຽບການຕ່າງໆ ຂອງລັດ, ພ້ອມທັງສົນທິສັນຍາ ສາກົນທີ່ກ່ຽວຂ້ອງດ້ານສິດທິ, ຜົນປະໂຫຍດ ແລະ ຄວາມ ກ້າວໜ້າຂອງແມ່ຍິງ ໃນວຽກງານການສຶກສາ.
15. ປະຕິບັດໜ້າທີ່ອື່ນໆ ຕາມການມອບໝາຍຂອງລັດຖະມົນ ຕີວ່າການກະຊວງສຶກສາທິການ.

ພະແນກ
ການສຶກສາເດັກທີ່ມີ ຄວາມຕ້ອງການພິເສດ