ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2031
mod_vvisit_counterYesterday3055
mod_vvisit_counterThis week7629
mod_vvisit_counterLast week24692
mod_vvisit_counterThis month96384
mod_vvisit_counterLast month137026
mod_vvisit_counterAll days761048

We have: 31 guests, 7 bots online
Your IP: 54.162.54.155
 , 
Today: ພ. ພ. 30, 2017


ຂຽນໂດຍ ສາວ​ສະຫວັນ   

ຄະນະນໍາ 2 ມະຫາວິທະຍາໄລລາວ ຮ່ວມຄັດເລືອກປະທານອົງການ ເອຢູເອັຟ ຄົນໃໝ່ ທີ່ໂມຣັອກໂກ


   ຄະນະນໍາ 2 ມະຫາວິທະຍາໄລລາວ (ມະຫາວິທະຍາໄລແຫ່ງຊາດ ແລະ ມະຫາວິທະຍາໄລ ວິທະຍາ

   ສາດສຸຂະພາບ), ນໍາໂດຍທ່ານ ຮສ.ປອ ເພັດສະໝອນ ຄຸນສະຫວັດ ທີ່ປຶກສາອະທິການບໍດີ ມະຫາວິ

   ທະຍາໄລແຫ່ງຊາດ ແລະ ທ່່ານ ປອ. ພູທອນ ວັງກອນວິໄລ ວ່າການອະທິການບໍດີ ມະຫາວິທະຍາໄລ

   ວິທະຍາສາດສຸຂະພາບ


      ໄດ້ເຂົ້າຮ່ວມຄັດເລືອກປະທານອົງການ ເອຢູເອັຟ ຄົນໃໝ່ ​ເມື່ອວັນທີ 15 ພຶດສະພາ ຜ່ານມາ ໃນກອງປະຊຸມສະມັດຊາໃຫຍ່

ຂອງສະຖາບັນສະມາຊິກອົງການມະຫາວິທະຍາໄລຟຣັ່ງໂກໂຟນີ (AUF) ຄັ້ງທີ 17 ທີ່ປະເທດໂມຣັອກໂຄ, ມີບັນດາຕົວແທນຈາກ

678 ມະຫາວິທະຍາໄລທີ່ເປັນສະມາຊິກຂອງອົງການດັ່ງກ່າວເຂົ້າຮ່ວມ.ໃນ​ກອງ​ປະຊຸມ​ດັ່ງກ່າວ, ບັນດາສະມາຊິກຂອງອົງການ

AUF ໄດ້ເຫັນດີເລືອກໃຫ້ທ່ານ ໂຊຣິນ ມິຮາຍ ຊິມເປອານູ (Sorin Mihai Cimpeanu) ອະທິການບໍດີ ມະຫາວິທະຍາໄລກະ

ເສດສາດ ແລະ ສັດຕະວະແພດຂອງປະເທດບັນແກເຣຍ ເປັນປະທານອົງການ AUF ຄົນໃໝ່ ດ້ວຍຄະແນນສຽງ 133 ສຽງ, ເຊິ່ງ

ຈະໄດ້ຂຶ້ນແທນຕໍາແໜ່ງທ່ານ ອັບເດລລາຕິຟ ມິຣາອູຍ ອະທິການບໍດີ ມະຫາວິທະຍາໄລ ຄາດິອາຍຍາດຂອງເມືອງມາຣາເກສ ປະ

ທານຄົນປັດຈຸບັນ ທີ່ຈະໝົດວາລະ.


      ໂອກາດນີ້, ທ່ານ ໂຊຣິນ ມິຮາຍ ຊິມເປອານູ ໄດ້ກ່າວສະແດງຄວາມຂອບໃຈມາຍັງບັນດາສະມາຊິກທີ່ໄດ້ໃຫ້ຄວາມໄວ້ວາງໃຈ,

ທັງສະແດງຄວາມສະໜັບສະໜູນຢ່າງເຕັມທີ່ຕໍ່ຍຸດທະສາດໃໝ່ຂອງອົງການ ແລະ ສະ​ແດງຄວາມຕັ້ງໃຈທີ່ຈະຮ່ວມມືຢ່າງໃກ້ສິດທີ່

ສຸດກັບບັນດາອະທິການບໍດີ ເພື່ອຮັບປະກັນໃນການຈັດຕັ້ງປະຕິບັດຍຸດທະສາດດັ່ງກ່າວ. ການທີ່ທ່ານມີສ່ວນຮ່ວມໃນໂຄງການນີ້,

ກໍ່ເພາະເຊື່ອໃນຄວາມເຂັ້ມແຂງຂອງຍຸດທະສາດຂອງອົງການ AUF ແລະ ຕໍ່ຈາກນີ້ໄປມັນສໍາຄັນຫຼາຍ​ໃນ​ການທີ່ຈະຊັກຈູງໃຫ້ບັນ

ດາຜູ້ທີ່ມີອໍານາດຕັດສິນໃຈໃນຄວາມຕ້ອງການຂອງການຈັດຕັ້ງປະຕິບັດຍຸດທະສາດນີ້.


      ກອງປະຊຸມພົບປະຄັ້ງນີ້, ​ແມ່ນເປັນການເປີດໂອກາດໃຫ້ບັນດາມະຫາວິທະຍາໄລສະມາຊິກຮັບຮອງເອົາຍຸດທະສາດໃໝ່ຂອງ

ອົງການ, ເຊິ່ງເປັນການບົ່ງບອກເຖິງຄວາມດຸໝັ່ນເປັນເຈົ້າການຕໍ່ບັນດາພາລະກິດວຽກຈຸດສຸມທີ່ໄດ້ກໍານົດຍຸດທະສາດ ແລະ ແຜນ

ດໍາເນີນງານທີ່ໄດ້ສະເໜີ ເພື່ອຈັດຕັ້ງປະຕິບັດໃນອີກ 4 ປີຂ້າງໜ້າ ພາຍໃຕ້ຫົວຂໍ້ “ຂົງເຂດໃໝ່ຂອງມະຫາວິທະຍາໄລຟຣັ່ງໂກໂຟ”.

ການຈັດຕັ້ງປະຕິບັດຍຸດທະສາດດັ່ງກ່າວນີ້, ເປັນການຊ່ວຍແກ້ໄຂ 3 ບັນຫາຕົ້ນຕໍ່ທີ່ບັນດາມະຫາວິທະຍາໄລຕ່າງໆກໍາລັງປະເຊີນຢູ່

ແລະ ກໍາລັງປຶກສາຫາລືຢູ່ໃນ 3 ກອງປະຊຸມໂຕະມົນກ່ຽວກັບຄຸນະພາບຂອງການຮຽນ-ການສອນ ແລະ ການຄົ້ນຄວ້າ, ການຈ້າງ

ງານບັນດິດຈົບໃໝ່ ແລະ ບົດບາດຂອງມະຫາວິທະຍາໄລໃນການພັດທະນາໃນລະດັບທ້ອງຖິ່ນ ແລະ ທົ່ວໂລກ.