ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2036
mod_vvisit_counterYesterday3055
mod_vvisit_counterThis week7634
mod_vvisit_counterLast week24692
mod_vvisit_counterThis month96389
mod_vvisit_counterLast month137026
mod_vvisit_counterAll days761053

We have: 35 guests, 6 bots online
Your IP: 54.162.54.155
 , 
Today: ພ. ພ. 30, 2017


ຂຽນໂດຍ ຄານ​ສີສະ​ຫວັນ ພົງ​ພັກດີ   

ເປີດ​​ນຳ​ໃຊ້​ເປັນ​ທາງ​ການ ອາຄານ​ຮຽນ​ຫຼັງ​ໃໝ່​ ​ປະຖົມ​ບ້ານ​ຖໍ້າເສືອ ​ເມືອງ​ໜອງ​ແຮດ 


   ພິທີ​ມອບ​ອາຄານ​ຮຽນ​ຫຼັງ​ໃໝ່​ໃຫ້​​​ແກ່ໂຮງຮຽນ​ປະຖົມ ​ບ້ານ​ຖໍ້າ​ເສືອ ​ເມືອງ​ໜອງ​ແຮດ ​ແຂວງ​ຊຽງ​ຂວາງ​

   ໄດ້​ນຳ​ໃຊ້ເປັນ​ທາງ​ການ  ​ໄດ້​ມີ​ຂຶ້ນ​ໃນ​ວັນ​ທີ 15  ພຶດສະພາ ຜ່ານ​ມາ ທີ່​ໂຮງຮຽນ​ດັ່ງກ່າວ, ​ໂດຍ​ໃຫ້​ກຽດ​

   ເຂົ້າ​ຮ່ວມຂອງ​ທ່ານ ຈໍ​ລໍ່ ກາມາ ຮອງ​ເຈົ້າ​ເມືອງ​ໜອງ​ແຮດ


   ທ່ານ ນາງ ສາຍສະໝອນ ມັງ​ໜໍ່​ເມກ​ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ​, ທ່ານ ນາງ ຊາ​ຈິ​ໂກະ ​  ໂຕ​ມິ​ນະ​ກະ

ຫົວໜ້າ​ອົງການ​ອາສາ​ສະໝັກ​ນາໆ​ຊາດ​ຍີ່ປຸ່ນ ປະຈຳ ສປປ ລາວ, ພ້ອມ​ດ້ວຍຮອງ​ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ ​ເມືອງ​,

ເລຂາ​ພັກ​ກຸ່ມ, ອຳນາດ​ການປົກຄອງ​ບ້ານຖໍ້າ​ເສືອ, ​ພໍ່-​ແມ່​ປະຊາຊົນ, ຜູ້ອຳນວຍການ​ໂຮງຮຽນ, ນ້ອງ​ນ້ອຍ​ນັກຮຽນ, ຕະຫຼອດ​ຮອດ​

ແຂກ​ທີ່​ຖືກ​ເຊີນ ​ແລະ ພາກສ່ວນ​ທີ່​ກ່ຽວຂ້ອງຢ່າງ​ພ້ອມພຽງ.


      ​ໂອກາດ​ນີ້, ທ່ານ ພູ​ວອນ ນ້ອຍ​ບຸນ​ມີ ຫົວໜ້າ​ສາຂາ​ກໍ່ສ້າງ​ເຄຫາ​ສະຖານ ​ໂຮງຮຽນ​ເຕັກນິກ-ວິຊາ​ຊີບ ​ແບບ​ປະສົມ ​ແຂວງ​ຊຽງ​

ຂວາງ ​ໃນ​ນາມ​ຕາງໜ້າ​ຜູ້​ຮັບ​ເໝົາ​ກໍ່ສ້າງ ​ໄດ້​ຜ່ານ​ບົດ​ສະ​ຫຼຸບ​ຜົນສຳ​ເລັດ​ຂອງ​ການ​ກໍ່ສ້າງ, ​ເຊີ່ງ​ອາຄານ​ຮຽນ​ຫຼັງ​ນີ້ ​ເປັນ​ອາຄານ​ຮຽນ​ຖາ

ວອນ​ຊັ້ນ​ດຽວ ມີ 2 ຫ້ອງ​ຮຽນ ຂະໜາດ 8x16 ​ແມັດ ກໍ່ ສ້າງ​ດ້ວຍເບ​ຕົງ​ເສີມ​ເຫຼັກ, ມຸງ​ດ້ວຍ​ກະ​ເບື້ອງ, ​ໄດ້​ເລີ່​ມລົງມື​ກໍ່ສ້າງ​ມາ​ແຕ່​

ວັນ​ທີ 30 ມັງກອນ 2017, ​ໂດຍ​​​​ແມ່ນໂຮງຮຽນ​ເຕັກນິກ​-ວິຊາ​ຊີບ ​ແບບ​ປະສົມ​ແຂວງ​ ​ເປັນ​ຜູ້​ຮັບ​ເໝົາກໍ່ສ້າງ ​​​ ໂດຍໄດ້​ຮັບທຶນ​ຊ່ວຍ

​ເຫຼືອ​ລ້າຈາກ​ອົງການອາສາ​ສະໝັກ​ນາໆ​ຊາດ​ຍີ່ປຸ່ນ ປະຈຳ ສປປ ລາວ ດ້ວຍ​ມູນ​ຄ່າ 274.659.600 ກີບ. ນອກ​ຈາກນັ້ນ, ຍັງ​ມີ​ທຶນ

ສົມທົບຈາກ​ຊາວບ້ານ​ຖໍ້າ​ເສືອຕື່ມ​ອີກ ຈຳນວນ 22.996.000 ກີບລວມມູນ​ຄ່າ​ການ​ກໍ່ສ້າງ​ທັງ​ໝົດ 297.655.600 ກີບມາ​ຮອດ

​ວັນ​ທີ 30 ​ເມສາ 2017 ການ​ກໍ່ສ້າງ​ໄດ້​ສຳ​ເລັດ 100 ​ເປີ​ເຊັນ, ​ໂດຍ​ໃຊ້​ເວລາ​ທັງ​ໝົດ 90 ວັນ. ຜ່ານ​ກການ​ກວດ​ສອບ​ຈາກ​ຄະນະ​ວິ

ຊາ​ການ​ເຫັນ​ວ່າ ການ​ກໍ່ສ້າງ​ໄດ້​ຕາມມາດຖານ​​ການ​ອອກ​ແບບ​ທຸກ​ຂັ້ນ​ຕອນ ​ແລະ ສຳ​ເລັດ​ຕາມ​ຄາດໝາຍ​ທີ່​ກຳນົດ.


     ຫຼັງຈາກ​ນັ້ນ,​ ຕາງໜ້າ​ຜູ້​ຮັບ​ເໝົາ​ກໍ່ສ້າງ ​ໄດ້​ມອບ​ອາຄານ​ຮຽນ​ຫຼັງ​ດັ່ງກ່າວ​ໃຫ້​ເຈົ້າ​ຂອງ​ໂຄງການ ​ແລະ ​ເຈົ້າ​ຂອງ​ໂຄງການ​ໄດ້​ມອບ

​ຕໍ່​ໃຫ້​ພາກສ່ວນທີ່​ກ່ຽວຂ້ອງ​ໄດ້​ນຳ​ໃຊ້​ເປັນ​ທາງ​ການ. ພ້ອມ​ດຽວ​ກັນນີ້, ທາງ​ອົງການ​ອາສາ​ສະ​ໝັກ​ນາໆ​ຊາດ​ຍີ່ປຸ່ນ​ປະ​ຈໍາ ສປປ ລາວ

​ຍັງ​ໄດ້​ມອບ​ທຶນການ​ສຶກສາ​ຈຳນວນ 16.500.000 ກີບ ພ້ອມ​ດ້ວຍ​ອຸປະກອນ​ການ​ສຶກສາ​ຈຳນວນ​ໜຶ່ງ​ໃຫ້​ແກ່​ໂຮງຮຽນປະຖົມ​ບ້ານ

ຖໍ້າ​ເສືອ​ຕື່ມ​ອີກ ​ເພື່ອ​ເປັນ​ການ​ຊຸກຍູ້​ສົ່ງ​ເສີມ ​ແລະ ພັດທະນາ​ການ​ຮຽນ-ການ​ສອນ​ຂອງ​ໂຮງຮຽນ​ໃຫ້​ມີ​ຄຸ​ນະພາ​ບດີ​ຂຶ້ນ​ເທື່ອ​ລະ​ກ້າວ.

​ໂອກາດດັ່ງກ່າວ, ທ່ານ ຈໍ​ລໍ່ ກາມາ ​ໄດ້ກ່າວ​ສະ​ແດງ​ຄວາມ​ຂອບ​ໃຈ ​ແລະ ຮູ້​ບຸນຄຸນ​ເປັນ​ຢ່າງ​ສູງຕໍ່​ກັບຄະນະ​ນຳ​ຂັ້ນ​ກະຊວງ​ ກໍ່​ຄື​ ຂັ້ນ

​ແຂວງ ທີ່​ໄດ້​ເຫັນ​ຄວາມ​ສຳຄັນ ​ແລະ ​ເປັນ​ຫ່ວງ​ເປັນ​ໄຍຕໍ່​​ການພັດທະນາ​ສຶກສາ​ຢູ່​ບ້ານ​ຖໍ້າ​ເສືອ​. ພິ​ເສດ​​ແມ່ນ​​ຂໍ​ຂອບ​ໃຈນຳ​ອົງການ​ອາ

ສາ​ສະໝັກ​ນາໆ​ຊາດ​ຍີ່ປຸ່ນ ປະຈຳ ສປປ ລາວ ທີ່​ໄດ້​ຊອກ​ຫາ​ທຶນຮອນມາ​ສ້າງ​ອາຄານ​ຮຽນຫຼັງ​ໃໝ່ໃຫ້​ໂຮງຮຽນ​ປະຖົມ​ບ້ານຖໍ້າ​ເສືອ​.

ຂະນະ​ດຽວກັນ, ທ່ານຍັງ​ໄດ້​ຮຽກ​ຮ້ອງ​ໃຫ້ຄະນະ​ນຳ​ໂຮງຮຽນ ​ກໍ່ຄື ອຳນາດ​ການ​ປົກຄອງ​ບ້ານ ຈົ່ງ​ພ້ອມ​ກັນ​ປົກ​ປັກ​ຮັກສາ ​ແລະ ນໍາ​

ໃຊ້ອາຄານ​ຮຽນ​ຫຼັງ​ນີ້​ໃຫ້​ມັນ​ຄຸ້ມ​ຄ່າ ​​ແລະ ເກີດ​ຜົນ​ປະ​ໂຫຍ​ດສູງ​ສຸດ.