Teacher

Language Selection

Lao

MOE Resources

Other Links

ອາຊີບຂອງຂ້ອຍ !
* ອາຊີບຂອງຮຽມແທ້ ຂານອາສາສິດສອນ ອາຊີບນີ້ຮຽມຫຼ້າ ແຕ່ຊຸມປີຕໍ່ສູ້	ແມ່ນເຮັດວຽກສຶກສາ ນັກຮຽນໃຫ້ກ້າວໜ້າ ຮຽນມາແຕ່ໄວໜຸ່ມ ຕ້ານມານຮ້າຍຕ່າງແດນ.

* ບາດມາເຖິງດຽວນີ້ ແຕ່ຍັງອາວອນເຖິງ ຄິດເຖິງຍາມຮຽມນີ້ ສອນໝູ່ຊຸມພວກນ້ອງ .	ຮຽມພົ້ນຈາກການສອນ ແລ້ວເດ! ວຽກເຮັດມາແຕ່ຄາວກີ້ ຍັງເປັນຄູຜູ້ແໜ້ນໜຸ່ມ ນັກຮຽນຕົນກໍ່ສ້າງ ໃຫ້ເສັງໄດ້ຊູ່ຄົນ.
* ຄິດຮອດຄາວຮຽມອ້າຍ ໃນສະໄໝສົງຄາມ ສະໄໝນັ້ນຮຽນອ້າຍ ຫຼືຜາໃຫຍ່ມີຖ້ຳ	ສອນຢູ່ເຂດວຽງໄຊ ຫຼົບຫຼີກຍົນມານຮ້າຍ ອາໃສຢູ່ຕາມປ່າ ຮຽມອ້າຍເຂົ້າຢູ່ໃນ.
* ເຖິງຈະຢູ່ໃນຖ້ຳ ຍັງຟົດຟື້ນຄືໄຟ ຖັນແຖວຄູຍັງໄດ້ ເສັງກັນເປັນແນວໜ້າ	ແຕ່ແນວຄິດຈິດໃຈ ທີ່ກຳລັງລາມໄໝ້ ແຂ່ງຂັນກັນສອນເກັ່ງ ຈັບປືນຂ້າໝູ່ມານ.
* ຍ້ອນຈິດໃຈຟົດຟື້ນ ອາວຸດປະຕິການ ແຕ່ຕີກັນໃນຄາວນັ້ນ ຈົນຕີປົດປ່ອຍໄດ້ .	ແລະອົງອາດກ້າຫານ ແມ່ນລື່ນເຮົາຫຼາຍຂັ້ນ ເຮົາມີໄຊທຸກທີ່ ອຳນາດກໍ່ຍາດໄດ້ ໄຊກ້າສະຫງ່າງາມ.
* ພາຍຫຼັງປົດປ່ອຍແລ້ວ ສືບຕໍ່ເປັນຄູສອນ ໂຮງຮຽນທີ່ຮຽມແກ້ວ ສະຖາບັນໃຫຍ່ກ້ວາງ .	ຮຽມເຂົ້າຢູ່ວຽງຈັນ ອາຊີບເຄີຍມາແລ້ວ ສິດສອນແມ່ນດົງໂດກ ຂອງລາວເຮົາໃນຄາວນັ້ນ ສ້າງຄູຊັ້ນມະຫາ.
* ຮຽມເຮັດອາຊີບນີ້ ມີນັກຮຽນຫລວງຫຼາຍ ບາງຄົນເຮັດວຽກກ້າວ ບາງຄົນໄພເລືອກຂື້ນ .	ໄດ້ສີ່ສິບກ່ວາປີ ທ່ານເອີຍ! ຢາຍທົ່ວແດນດ້າວ ເປັນນາຍພົນຍົດໃຫຍ່ ເປັນຜູ້ນຳເກັ່ງກ້າ ຕາງໜ້າຢູ່ສະພາ.
* ບາງຄົນຍົດບໍ່ຂື້ນ ກາຍເປັນວິລະຊົນ ເປັນໝໍປົວພີ່ນ້ອງ ເປັນຄູຊ່ວຍກອບກູ້	ແຕ່ເຮັດວຽກດີຫຼາຍ ໝົດທຸກຄົນຍໍຍ້ອງ ຢາມເຈັບເປັນໄຂ້ປ່ວຍ ຍົກຄວາມຮູ້ໃຫ້ປະຊາ.
* ຈັ່ງວ່າສິດຮຽມນີ້ ມີທັງຜູ້ບຳນານ ໃນຈຳນວນສິດນັ້ນ ເປັນແມ່ຍິງເກັ່ງກ້າ	ມີຢູ່ທຸກຂະແໜງການ ແລະການນຳແຕ່ລະຂັ້ນ ບາງຄົນເປັນເຖົ້າແກ່ ນຳໜ້າໝູ່ປະຊາ.
* ຮຽມຮູ້ສຶກເອກອ້າງ ໃນດິນແດນສາທາ ດີໃຈເໜືອນດັ່ງໄດ້ ເໝືອນດັ່ງແມ່ເກີດເກົ້າ	ທີ່ມີສິດທົ່ວອານາ ຕັ້ງແຕ່ເໜືອເຖິງໃຕ້ ເງິນຄຳເປັນເຖົ້າແກ່ ຕາຍແລ້ວພັດຕ່າວຄືນ.
* ດີໃຈຫຼາຍທີ່ໄດ້ ພູມປັນຍາວິຊາການ ທັງປະສົບການພ້ອມ ສ້າງຄົນລາວສະຫຼາດກ້າ .	ເສຍສະຫຼະອຸທິດ ວິທະຍາຄວາມຮູ້ ບົດຮຽນສະໜອງຊາດ ສາມາດດີເດັ່ນຫ້າວ ຮຽນກ້າວເກັ່ງສູງ.
* ດີໃຈໄດ້ຫຼໍ່ປັ້ນ ຊັບພະຍາກອນຄົນ ເພື່ອເປັນພູມພະລັງໃຫ້ ເປັນທວນໄຟຕໍ່ໄຕ້ .	ຊາວໜຸ່ມຊຸມສະກັນ ສົ່ງເສີມຂະຫຍາຍຍູ້ ກຳລັງແຮງຍຸກໃໝ່ ປັນຍາໃສສ່ອງຮູ້ ຊູສ້າງຊາດຈະເລີນ.
* ພູມໃຈຢາດເຫື່ອຍ້ອຍ ເມັດພືດພັນຜະລິດງາມ ຢາຍທົ່ວເທິງທະລັງພື້ນ ເກີດໜໍ່ແນວປົ່ງຊ້ອນ .	ທີ່ຮຽນຖອກເທຫົດ ໃຫຍ່ສູງສວຍດົ້ວ ດິນແດນແຫ່ງກຳເນີດ ນິລັນດອນສືບເຊື້ອ ເຄືອເຫງົ້າເຜົ່າລາວ ນີ້ແລ້ວ.

ໂດຍ: ພິມມະສອນ ເລືອງຄຳມາ