|
ກອງປະຊຸມ ປັບປຸງ ແລະ ຜ່ານມາດຕະຖານຫຼັກສູດແຫ່ງຊາດ.
ຈຸດປະສົງຂອງກອງປະຊຸມດັ່ງກ່າວ ແມ່ນເພື່ອປະຕິຮູບຫຼັກສູດການສຶກສາຊັ້ນສູງ ໃຫ້ຕິດພັນກັບແຜນຍຸດທະສາດ ປະຕິຮູບລະບົບການສຶກສາແຫ່ງຊາດ ແນ່ໃສ່ການພັດທະນາຊັບພະຍາກອນມະນຸດຂອງຊາດໃຫ້ມີຄຸນນະພາບ ເພື່ອຕອບ ສະໜອງຄວາມຕ້ອງການຂອງສັງຄົມ ແລະ ຕະຫຼາດແຮງງານຫັນເປັນປະເທດອຸດສາຫະກຳ ແລະ ທັນສະໄໝ ເພື່ອນຳພາປະເທດຊາດຫຼຸດອອກຈາກພາວະດອ້ຍພັດທະ ນາ ໃນປີ 2020. ກອງປະຊຸມໄດ້ພ້ອມກັນຄົ້ນຄ້ວາ ສົນທະນາກ່ຽວກັບການກຳນົດໂຄງຮ່າງຫຼັກສູດໃໝ່, ປີການສຶກສາ, ບາງເນື້ອໃນ ທີ່ບໍ່ແທດເໝາະ ແລະ ການກຳນົດໜ່ວຍກິດຄືນໃໝ່ ໃຫ້ແກ່ 3 ມາດຕະຖານຫຼັກສູດແຫ່ງຊາດດັ່ງກ່າວ. ອີງຕາມແຜນການປະຕິຮູບຫຼັກສູດການສຶກສາຊັ້ນສູງນັ້ນ ສຳລັບລະດັບມະຫາພາກຄາດວ່າ ທຸກມາດຕະຖານຫຼັກສູດ ແຫ່ງຊາດ ຈະໃຫ້ສຳເລັດໃນປີ 2010 ເພື່ອເປັນຂອບລວມ ແລະ ບ່ອນອີງ ໃຫ້ແກ່ສະຖາບັນການສຶກສາຊັ້ນສູງ ທາງພາກລັດ ແລະ ເອກະຊົນ ໃນການສ້າງຫຼັກສູດຂອງຕົນ ໃຫ້ມີຄວາມສອດຄ່ອງກັບກົດໝາຍວ່າດ້ວຍການສຶກສາ ສະບັບປັບປຸງ. ວັນທີ 20/07/2010. ສີທົງ ພົງວິຈິດ ລາຍງານຂ່າວ |
||