ພະແນກສຶກສາທິການ ແລະ ກິລາແຂວງຫຼວງພະບາງ

lUANG PRABANG PROVINCIAL EDUcation and sports department

ຄົ້ນຫາ

ເລືອກພາສາ

ເຂົ້າສູ່ລະບົບ

Follow Us

 

ສະຖິຕິການເຂົ້າຊົມເວັບໄຊ້

134618
Today
Yesterday
This Week
Last Week
This Month
Last Month
All days
525
761
1867
127993
12223
6696
134618

Your IP: 54.204.129.35
Server Time: 2017-03-28 15:58:09
March 2017
28
Tuesday
22:58

ໃນທ່າມກາງບັນຍາກາດ ທີ່ທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ ໂດຍສະເພາະພາຍໃນ ແຂວງຫຼວງພະບາງ ພວມອອກແຮງ ແຂ່ງຂັນສ້າງຜົນງານເຂົ້າໃນການຈັດຕັ້ງປະຕິບັດ ມະຕິກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ X ຂອງພັກ, ມະຕິກອງປະຊຸມໃຫ່ຍຄັ້ງທີ VII ຂອງອົງຄະນະພັກແຂວງກໍ່ຄືແຜນພັດທະນາເສດຖະກິດສັງຄົມ 5 ປີຄັ້ງທີ VIII

(2016-2020)ເວົ້າລວມເວົ້າສະເພາະຕໍ່ກັບວຽກງານການສຶກສາ ແລະ ກິລາພວມສຸມໃສ່ພັດທະນາໄປຕາມ 10 ຂະແໜງການຍ່ອຍຂອງກະຊວງສຶກສາທິການ ແລະ ກິລາວາງອອກ. ວັນທີ 11 ກໍລະກົດ 2016 ຜ່ານມາ ທີ່ຫ້ອງປະຊຸມ ພະແນກສຶກສາທິການ ແລະ ກິລາແຂວງຫຼວງພະບາງໄດ້ເປີດກອງປະຊຸມຜູ້ບໍລິຫານການສຶກສາທົ່ວແຂວງປະຈຳປີ 2016 ຂື້ນຢ່າງເປັນທາງການ ໂດຍພາຍໃຕ້ການເປັນປະທານຂອງທ່ານ ປ.ອ ຄຳໝັ້ນ ຈັນທະລັງສີ ຄະນະປະຈຳພັກແຂວງ ຮອງເຈົ້າແຂວງຫຼວງພະບາງ,ທ່ານທອງຜິວ ບຸດສະດີ ທີ່ປຶກສາ ລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ເອິງ ລໍສະຫວັນ ກຳມະການພັກແຂວງ ຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ,ມີ ຫົວໜ້າ-ຮອງຫົວໜ້າ ພະແນກການ, ເຈົ້າເມືອງ-ຮອງເຈົ້າເມືອງ,ຫົວໜ້າຫ້ອງການສຶກສາທິການ ແລະ ກິລາພ້ອມດ້ວຍ ຜູ້ອຳນວຍການ ໂຮງຮຽນ ມະຫາວິທະຍາໄລ,ວິທະຍາໄລ ຕະຫຼອດຮອດພາກສ່ວນກ່ຽວຂ້ອງເຂົ້າຮ່ວມ.

          ໂອກາດດັ່ງກ່າວ ທ່ານ ເອິງ ລໍສະຫວັນ ໄດ້ໃຫ້ກຽດກ່າວເປີດກອງປະຊຸມ ພ້ອມທັງກ່າວໃຫ້ຮູ້ວ່າ: ໃນໄລຍະ ກອງປະຊຸມບັນດາຜູ້ແທນຈະໄດ້ຮັບຟັງການເຜີຍແຜ່ຜົນສຳເລັດມະຕິກອງປະຊຸມຂອງຜູ້ບໍລິຫານການສຶກສາ ແລະ ກິລາໃນທົ່ວປະເທດທີ່ໄດ້ຈັດຂື້ນ ແລະ ອັດລົງໃນວັນທີ 30 ມິຖຸນາ - 1 ກໍລະກົດ 2016 ທີ່ນະຄອນຫຼວງວຽງຈັນຜ່ານມາ, ຮັບຟັງການເຜີຍແຜ່ເອກະສານກ່ຽວກັບ ເປົ້າໝາຍການພັດທະນາແບບຍືນຍົງ (SDG) ຂອງສະຫະປະຊາຊາດ ທີ່ ສປປລາວໄດ້ໃຫ້ສັດຕະຍາບັນ 17 ເປົ້າໝາຍ, 169 ຄາຍໝາຍສູ້ຊົນ ແລະ ບັນດາເອກະສານກ່ຽວກັບວຽກງານພັດທະນາ ການສຶກສາ ແລະ ກິລາຂອງແຂວງໂດຍສະເພາະ ບົດສະຫຼຸບການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ປະຈຳປີ 2015-2016 ແລະ ແຜນພັດທະນາ 2016-2017, ວິໄສທັດຮອດປີ 2030, ຍຸດທະສາດການສຶກສາ ແລະ ກິລາຮອດປີ 2025, ແຜນຍຸດທະສາດການພັດທະນາກິລາ-ກາຍະກຳຮອດປີ 2020 ແລະ ສະພາບການຈັດຕັ້ງ-ການເຄື່ອນໄຫວວຽກງານກິລາ-ກາຍະກຳ ໃນໄລຍະຜ່ານມາ. ໃນກອງປະຊຸມດັ່ງກ່າວ ບັນດາຜູ້ແທນທັງໝົດ ໄດ້ພ້ອມກັນຄົ້ນຄ້ວາ ປຶກສາຫາລືປະກອບຄຳຄິດຄຳເຫັນໃສ່ບັນດາຄຳຖາມເຈາະຈີ້ມຂອງກອງປະຊຸມ ເພື່ອຊອກໃຫ້ເຫັນບັນຫາ, ສາເຫດ ແລະ ຫາວິທີທາງໃນການແກ້ໄຂທີ່ດີທີ່ສຸດໃນຕໍ່ໜ້າເປັນຕົ້ນແມ່ນສະພາບການບໍລິຫານ ແລະ ການຄຸ້ມຄອງການສຶກສາ ແລະ ກິລາຂັ້ນເມືອງ,ຂັ້ນໂຮງຮຽນ ແລະ ການສ້າງແຜນທີ່ສຶກສາ, ການບັນຈຸການຊັບຊ້ອນຄູໄປສອນຢູ່ເຂດຫ່າງໄກສອກຫຼີກ (ວິຊາທີຂາດຄູສອນ), ການແກ້ໄຂຄູອາສາສະໝັກ, ການແນະນຳນັກຮຽນຈົບ ມ.4 ເຂົ້າຮຽນຕໍ່ວິຊາຊີບ, ການສະໜອງທີ່ພັກ ອາໄສໃຫ້ຄູ-ນັກຮຽນ,ສະພາບການຈັດຕັ້ງປະຕິບັດວຽກງານ ຂອງຄະນະພັດທະນາ ການສຶກສາຂັ້ນບ້ານ, ການເຄື່ອນໄຫວ ວຽກງານ ກິລາ-ສິລະປະ ພາຍໃນເມືອງ, ໂຮງຮຽນ ແລະ ການສະຫຼຸບ-ລາຍງານ ການນຳໃຊ້ເງິນແຕ່ລະພາກ- ແຕ່ລະຮ່ວງ ພາຍໃນ ເມືອງ. ຕີລາຄາຄືນຕໍ່ກັບໝາກຜົນຂອງການຈັດຕັ້ງປະຕິບັດວຽກງານການສຶກສາໃນໄລຍະ 1 ປີຜ່ານມາ ແລະ ກຳນົດທິດທາງໃນ 1 ປີຕໍ່ໜ້າ.

          ຂະນະດຽວກັນນີ້ ທ່ານ ມີນາ ຈັນມະນີ ຫົວໜ້າຂະແໜງສະຖິຕິ-ແຜນການໄດ້ຂື້ນຜ່ານບົດສະຫຼຸບ ໃນ 1 ປີຜ່ານມາ ແລະ ແຜນພັດທະນາໃນ 1 ປີຕໍ່ໜ້າໃຫ້ຮູ້ວ່າ:ໃນສົກຮຽນ 2015-2016 ທົ່ວແຂວງຫຼວງພະບາງມີຫ້ອງລ້ຽງເດັກຈາກ 50 ຫ້ອງທຽບໃສ່ປີຜ່ານມາເພີ່ມຂື້ນ 15 ຫ້ອງເທົ່າກັບ42,85%,ມີນັກຮຽນລ້ຽງເດັກ 762 ນ້ອງເພີ່ມຂື້ນ 223 ນ້ອງເທົ່າກັບ 41,37%,ມີໂຮງຮຽນອານຸບານ 138 ແຫ່ງໃນນີ້ມີໂຮງຮຽນເອກະຊົນ 18 ແຫ່ງ,ມີນັກຮຽນ 8.165 ນ້ອງ, ມີຫ້ອງກຽມປະຖົມ 365 ແຫ່ງ, ມີນັກຮຽນທັງໝົດ 6.738 ນ້ອງ, ມີໂຮງຮຽນປະຖົມ 713 ແຫ່ງ, ໃນນັ້ນເປັນໂຮງຮຽນ ປະຖົມສົມບູນ 615 ແຫ່ງ, ມີນັກຮຽນ ປ1-ປ5 ຈຳນວນ 61.375 ນ້ອງ, ຍິງ 29.602 ນ້ອງ, ມີຄູສອນ 3.133 ຄົນ, ຍິງ 1.612 ຄົນ, ມີໂຮງຮຽນ ມັດທະຍົມ ຕົ້ນ 57 ແຫ່ງ,ມີຫ້ອງຮຽນ 824 ຫ້ອງ, ມີນັກຮຽນທັງໝົດ 37.051 ຄົນ,ຍິງ 17.384 ຄົນ,ມີຄູສອນ 2.086 ຄົນ,ຍິງ 1.055 ຄົນ,ມີໂຮງຮຽນມັດທະຍົມສົມບູນ 46 ແຫ່ງ, ມີຫ້ອງຮຽນແຕ່ ມ5-ມ7 ທັງໝົດ 328 ຫ້ອງ,ມີນັກຮຽນ 15.051 ຄົນ,ຍິງ 6.567 ຄົນ, ມີຄູສອນ 831 ຄົນ,ຍິງ 421 ຄົນ. ມີມະຫາວິທະຍາໄລ 1 ແຫ່ງ,ວິທະຍາໄລ 11 ແຫ່ງໃນນັ້ນເປັນ ວິທະຍາໄລ ເອກະຊົນ 4 ແຫ່ງ,ມີຄູສອນທັງໝົດ 933 ຄົນ,ຍິງ 318 ຄົນ, ຈັດຕັ້ງບຳລຸງຍົກລະດັບຊັ້ນປະຖົມ ໃຫ້ແກ່ ປະຊາກອນ ໃນເກນອາຍຸ 15-40 ປີ ແລະ 6-14 ປີ, ຈັດຕັ້ງບໍາລຸງຍົກລະດັບຊັ້ນມັດທະຍົມຕົ້ນສໍາລັບປະຊາຊົນເກົ້າເປົ້າໝາຍ 15-35 ປີ, ຈັດຕັ້ງບຳລຸງຍົກລະດັບຊັ້ນມັດທະຍົມປາຍໃຫ້ແກ່ປະຊາຊົນ, ກຳມະກອນ, ພະນັກງານ, ທະຫານຕຳຫຼວດ, ຈັດຝຶກອົບຮົມຄູພາສາອັງກິດຊັ້ນປະຖົມໃຫ້ແກ່ຄູສອນຈຳນວນ 1.370 ຄົນ,ຍິງ 511 ຄົນ.

          ຈຸດປະສົງຂອງກອງປະຊຸມຄັ້ງນີ້ ກໍ່ເພື່ອຕີລາຄາຄືນຕໍ່ກັບໝາກຜົນຂອງການຈັດຕັ້ງປະຕິບັດ ວຽກງານການສຶກສາ ໃນໄລຍະ 1 ປີຜ່ານມາ ແລະ ກຳນົດທິດທາງໃນ 1 ປີຕໍ່ໜ້າ ແລະ ເຜີຍແຜ່ເອກະສານກ່ຽວກັບເປົ້າ ໝາຍການພັດທະນາ ແບບຍືນຍົງ (SDGGoals) ຍຸດທະສາດການພັກທະນາ ວຽກງານສຶກສາ ແລະ ກິລາຮອດປີ 2020-2025 ແລະ ວິໄສທັດ ຮອດປີ 2030.

          ໃນຕອນທ້າຍຂອງກອງປະຊຸມ ທ່ານທອງຜິວ ບຸດສະດີ ທີ່ປຶກສາ ລັດຖະມົນຕີ ກະຊວງສຶກສາທິການ ແລະ ກິລາ ໄດ້ໃຫ້ກຽດໂອ້ລົມ ແລະ ກ່າວສະແດງຄວາມຍ້ອງຍໍຊົມເຊີຍ ຕໍ່ກັບບັນດາຜົນງານຕ່າງໆທີ່ທາງ ພະແນກສຶກສາທິການ ແລະ ກິລາແຂວງ ຍາດມາໄດ້ໃນໄລຍະຜ່ານມາ ພ້ອມທັງເນັ້ນໃຫ້ພະແນກສຶກສາສືບຕໍ່ເອົາໃຈໃສ່ຊີ້ນຳ ນຳພາຂົງເຂດວຽກງານສຶກສາ ໃນທົ່ວແຂວງໃຫ້ມີທ່າກ້າວຂື້ນກ່າວເກົ່າ ພ້ອມນີ້ ທ່ານຍັງໄດ້ໃຫ້ກຽດຂື້ນປະດັບຫຼຽນໄຊແຮງງານຊັ້ນ 3 ໃຫ້ແກ່ທ່ານ ຫົວໜ້າພະແນກສຶກສາ ແຂວງ,ຜອ ໂຮງຮຽນ ແລະ ທ່ານຫົວໜ້າຫ້ອງການສຶກສາທິການ ແລະ ກິລາເມືອງ ທີ່ໄດ້ຊີ້ນຳນຳພາ ວຽກງານລົບລ້າງ ສິ່ງເສບຕິດພາຍໃນໂຮງຮຽນ ໄລຍະ 3 ຊ້ອນ, ພ້ອມດຽວກັນນີ້ ທ່ານ ເອິງ ລໍສະຫັວນ ຍັງໄດ້ໃຫ້ກຽດມອບ ໃບຍ້ອງຍໍແກ່ບຸກຄົນທີ່ມີຜົນງານດີເດັ່ນ ໃນການເຄື່ອນໄຫວວຽກງານ ວິຊາສະເພາະໂດຍແມ່ນຄູສອນ ທີ່ໄດ້ຮັບຕຳແໜ່ງ ເປັນຄູປະສົບການຈຳນວນ 5 ທ່ານ,ຍິງ 5 ທ່ານ, ມອບໃບຍ້ອງຍໍ ໃຫ້ແກ່ໂຮງຮຽນມັດທະຍົມສຶກສາ ທີ່ເປັນໂຮງຮຽນ ປອດຢາເສບຕິດ ສົກປີ 2015-2016 1 ສົກຮຽນຈໍານວນ 24 ໂຮງຮຽນ, ມອບໃບຍ້ອງຍໍໃຫ້ແກ່ໂຮງຮຽນ ມັດທະຍົມສຶກສາ ທີ່ເປັນໂຮງຮຽນປອດຢາເສບຕິດ ສົກປີ 2015-2016 2 ສົກຮຽນຕິດຕໍ່ກັນຈໍານວນ 18 ໂຮງຮຽນ, ມອບໃບ ຍ້ອງຍໍ ແລະ ເງິນສົດໃຫ້ແກ່ຄູ-ອາຈານ,ນ້ອງນັກຮຽນທີ່ມີຜົນງານດີເດັ່ນໃນການສິດສອນນັກຮຽນເກັ່ງ ຊັ້ນ ມ4,ມ7 ລະດັບຊາດຈຳນວນ 18 ໃບ.          ສຳລັບກອງປະຊຸມຄັ້ງນີ້ ແມ່ນດຳເນີນໄປເປັນເວລາ 2 ວັນຈຶ່ງຈະສຳເລັດ( ວັນທີ 11-12 ກໍລະກົດ 2016).