ພະແນກສຶກສາທິການ ແລະ ກິລາແຂວງຫຼວງພະບາງ

lUANG PRABANG PROVINCIAL EDUcation and sports department

ຄົ້ນຫາ

ເລືອກພາສາ

ເຂົ້າສູ່ລະບົບ

Follow Us

 

ສະຖິຕິການເຂົ້າຊົມເວັບໄຊ້

134617
Today
Yesterday
This Week
Last Week
This Month
Last Month
All days
524
761
1866
127993
12222
6696
134617

Your IP: 54.204.129.35
Server Time: 2017-03-28 15:58:00
March 2017
28
Tuesday
22:58

ພະນັກງານພະແນກສຶກສາທິການແລະ ກິລາແຂວງ ຫຼວງພະບາງ, ຄູ-ອາຈານ ວິທະຍາໄລ ເຕັກນິກວິຊາຊີບ, ໂຮງຮຽນອ້ອມຂ້າງຈຳນວນ 147 ຄົນ, ໄດ້ເຊື່ອມຊຶມ ມະຕິກອງປະຊຸມໃຫຍ່ຄັ້ງທີ X ຂອງພັກໃນວັນທີ 20 ກໍລະກົດ 2016 ຜ່ານມາທີ່ ຫ້ອງປະຊຸມໃຫຍ່ ພະແນກສຶກສາທິການ ແລະ

ກິລາແຂວງ ຫຼວງພະບາງໂດຍພາຍໃຕ້ການເປັນປະທານຂອງ ທ່ານ ປອ ຄຳໝັ້ນ ຈັນທະລັງສີ ກຳມະການພັກແຂວງຮອງເຈົ້າແຂວງຫຼວງພະບາງ, ມີ ທ່ານ ຫົວໜ້າ-ຮອງຫົວໜ້າ ພະແນກສຶກສາທິການ ແລະກິລາແຂວງ, ຄູ-ອາຈານ, ພະນັກງານວິທະຍາໄລເຕັກນິກ ວິຊາຊີບຫຼວງພະບາງ ພ້ອມດ້ວຍຄູໂຮງຮຽນອ້ອມຂ້າງເຂົ້າຮ່ວມ.

        ໂອກາດນີ້ ທ່ານ ປອ ຄຳໜັ້ນ ຈັນທະລັງສີ ໄດ້ໃຫ້ຮູ້ວ່າ: ການຈັດກອງປະຊຸມຄັ້ງນີ້ແມ່ນເພື່ອເຜີຍແຜ່ຜົນສຳເລັດ ໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງພັກໃນໄລຍະ 5 ປີ ຜ່ານມາ (2011-2015) ຜົນສໍາເລັດອັນສໍາຄັນ ແລະເປັນພື້ນຖານກວ່າໝູ່ແມ່ນຄວາມເປັນເອກະລາດ, ອຳນາດອະທິປະໄຕ ແລະຜືນແຜ່ນດິນອັນຄົບຖ້ວນຂອງຊາດ ໄດ້ຮັກສາໄວ້ຢ່າງໝັ້ນຄົງ, ລະບອບປະຊາທິປະໄຕປະຊາຊົນມີສະຖຽນລະພາບອັນໝັ້ນແໜ້ນ, ສັງຄົມມີຄວາມສະຫງົບປອດໄພແລະ ມີຄວາມ ເປັນລະບຽບຮຽບຮ້ອຍ, ຜົນສໍາເລັດອັນພົ້ນເດັ່ນ ທີ່ໜ້າພາກພູມໃຈແມ່ນເສດຖະກິດ ແຫ່ງການຂະຫຍາຍຕົວດ້ວຍຈັ່ງຫວະໄວ, ຕໍ່ເນື່ອງ ແລະດຳເນີນໄປຢ່າງຖືກທິດ, ໃນທ່າມກາງເສດຖະກິດຂອງໂລກຫົດຖອຍ, ຈັ່ງຫວະເຕີບໂຕບັນລຸຄາດໝາຍທີ່ວາງໄວ້ສະເລ່ຍໃນ 5 ປີ ບັນລຸ 7,9% ລວມຍອດມູນຄ່າຜະລິດພາຍໃນ ປີ 2011-2015 ປະມານ 102.320 ຕື້ກີບ (12,8ຕື້ໂດລາ)ລາຍໄດ້ສະເລ່ຍຕໍ່ຫົວຄົນບັນລຸ 15,8 ລ້ານກີບ (1,970ໂດລາ) ແລະສິ່ງສໍາຄັນແມ່ນສາມາດບັນລຸ ໃນການແກ້ໄຂຄວາມທຸກຍາກຂອງປະຊາຊົນ. ສ່ວນທາງດ້ານວັດທະນະທຳ-ສັງສົມ ແມ່ນໄດ້ຮັບ ການຂະຫຍາຍຕົວ ທາງດ້ານປະລິມານ ແລະຄຸນນະພາບ, ມີການຫັນປ່ຽນຢ່າງຈະແຈ້ງໃນການປະຕິບັດ ສະຫັດສະຫວັດດ້ານການພັດທະນາ(MDGs). ໂອກາດຕໍ່ໍ່ມາ ທ່ານ ຫຸມພັນ ພົມມະຈິດຮອງຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ ໄດ້ກ່າວໃຫ້ຮູ້ເຖິງວິໄສທັດ ການພັດທະນາປີ 2030 ອີກວ່າ:ຕ້ອງສືບຕໍ່ຮັບປະກັນໃຫ້ປະເທດເຮົາ ມີສະຖຽນລະພາບ ທາງດ້ານການເມືອງທີ່ໝັ້ນຄົງ ແລະມີຄວາມສະຫງົບປອດໄພຢ່າງໜັກແໜ້ນ, ມີຂະໜາດເສດຖະກິດ ຫຼືລວມມູນຄ່າຂອງຜະລິດຕະພັນພາຍໃນ(GDP)ຫຼາຍກ່ວາປີ 2015 ເຖິງ 4 ເທົ່າກວ່າ. ໃນປີ 2014-2015 ປະມານ 102.320 ຕື້ກີບ(12,8 ຕື້ໂດລາ), ລາຍໄດ້ສະເລ່ຍຕໍ່ຫົວຄົນບັນລຸ 15,8 ລ້ານກີບ (1.970ໂດລາ), ຮອດປີ 2030 ລາຍໄດ້ສະເລ່ຍຕໍ່ຫົວຄົນບັນລຸໄດ້ 7,351 ໂດລາ, ເສດຖະກິດມີການເຕີບໂຕທີ່ໝັ້ນທ່ຽງ, ເຂົ້າສູ່ລວງເລິກ, ໜັກແໜ້ນ, ຕໍ່ເນື່ອງ ແລະ ມີຄວາມຍືນຍົງ, ລະບອບການເມືອງປະຊາຊົນປະຕິວັດລາວ ມີຄວາມໜັກເເໜ້ນເຂັ້ມແຂງ ລະບົບການປົກຄອງ ແລະການບໍລິຫານລັດວ່າດ້ວຍກົດໝາຍ ມີຄວາມສັກສິດຕາມທິດທາງເສີມສ້າງຄວາມສາມາດ ຂອງການຄຸ້ມຄອງມະຫາພາກ ແລະ ແບ່ງຂັ້ນຄຸ້ມຄອງ ໃຫ້ທ້ອງຖິ່ນ, ຮາກຖານໃຫ້ຫຼາຍຂື້ນເທົ່າທີຄວນ ນອກນີ້ຍັງໄດ້ໃຫ້ຮູ້ເຖິງ ບັນດາເງື່ອນໄຂຕ່າງໆ ທີ່ເຮັດໃຫ້ປະເທດເຮົາຫຼຸດພົ້ນອອກຈາກຄວາມດ້ວຍ ພັດທະນາ. ສຳລັບກອງປະຊຸມຄັ້ງນີ້ແມ່ນຈະໄດ້ດຳເນີນໄປເປັນເວລາ 2 ວັນຈຶ່ງຈະສຳເລັດ(ວັນທີ 20-21 ກໍລະກົດ 2016)ເຊີ່ງໃນວັນທີ 21 ກໍລະກົດ ທ່ານ ເອີງ ລໍສະຫວັນ ຫົວໝ້າພະແນກສຶກສາທິການແລະ ກິລາແຂວງຈະສືບຕໍ່ກ່າວເຖິງທິດທາງວຽກງານຈຸດສຸມສຳລັບໄລຍະແຕ່ປີ 2016-2020 ເພື່ອນໍາພາ ປະເທດຊາດຫຼຸດພົ້ນ ອອກຈາກສະຖານະພາບຄວາມດ້ອຍ ພັດທະນາທາງດ້ານປະລິມານ ແລະ ຄຸນນະພາບ ຂອງຊັບພະຍາກອນມະນຸດ ໂດຍບົນພື້ນຖານໂຄງປະກອນເສດຖະກິດ ແລະແຮງງານທີ່ໄດ້ຫັນປ່ຽນໄປຕາມທິດການຫັນເປັນອຸດສາຫະກຳ ແລະ ທັນສະໄໝທີ່ຄຽງຄູ່ກັບພາກພື້ນ ອາຊີ ແລະ ສາກົນ.