ພະແນກສຶກສາທິການ ແລະ ກິລາແຂວງຫຼວງພະບາງ

lUANG PRABANG PROVINCIAL EDUcation and sports department

ຄົ້ນຫາ

ເລືອກພາສາ

ເຂົ້າສູ່ລະບົບ

Follow Us

 

ສະຖິຕິການເຂົ້າຊົມເວັບໄຊ້

153540
Today
Yesterday
This Week
Last Week
This Month
Last Month
All days
222
157
379
151047
7752
9357
153540

Your IP: 54.166.197.230
Server Time: 2017-05-29 20:53:23
May 2017
30
Tuesday
03:53

ເພື່ອປະຕິບັດຕາມແຜນພັດທະນາ ການສຶກສາ ຂອງພະແນກສຶກສາທິການ ແລະ ກິລາແຂວງວາງອອກ ເວົ້້າລວມ ເວົ້າສະເພາະ ກໍ່ຄືເພື່ອຍົກລະດັບວັດທະນະທຳ, ຄວາມຮັບຮູ້, ເຕັກນິກວິທີການສອນພາສາ ອັງກິດ ໃຫ້ແກ່ຄູຊັ້ນປະຖົມສຶກສາ ໃນການເສີມສ້າງ ໃຫ້ນ້ອງນ້ອຍນັກຮຽນມີຄວາມຮູ້ ຄວາມສາມາດ

ທາງດ້ານພາສາອັງກິດໂດຍແນໃສ່ຍົກລະດັບຄຸນນະພາບ ດ້ານການຮຽນ-ການສອນ ພາສາອັງກິດ ໃນໂຮງຮຽນປະຖົມ ໃຫ້ດີີຂື້ນເທື່ອລະກ້າວ. ເມື່ອວັນທີ 6 ສິງຫາ 2016 ທີ່ສູນບຳລຸງຄູ (ປາກຫ້ວຍມາວ) ເມືອງຫຼວງພະບາງໄດ້ຈັດພິທີປິດ ຊຸດເຝິກອົບຮົມ ຍົກລະດັບການສອນພາສາອັງກິດ ໃຫ້ແກ່ຄູສອນຊັ້ນປະຖົມປີທີ 3 ປະຈຳສົກຮຽນ 2015-2016 ໂດຍການໃຫ້ກຽດເຂົ້າຮ່ວມ ຂອງທ່ານ ຫຸມພັນ ພົມມະຈິດ ຮອງຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ, ມີຫົວໜ້າ-ຮອງຫົວໜ້າຂະແໜງ,ຄູເຝິກ ພ້ອມດ້ວບນັກສຳມະນາກອນຈາກ 8 ເມືອງເຂົ້າຮ່ວມ.

        ໂອກາດນີ້ ທ່ານ ວັນສີ ວິໄລສັກ ວິຊາການຂະແໜງພັດທະນາຄູ ພະແນກສຶກສາ ແລະ ກິລາແຂວງໄດ້ກ່າວໃຫ້ຮູ້ວ່າ: ການເຝິກອົບຮົມຄັ້ງນີ້ ແມ່ນໄດ້ເລີ່ມແຕ່ ວັນທີ 4 ມິຖຸນາ ຫາວັນທີ 6 ສິງຫາ 2016 ໂດຍມີຜູ້ເຂົ້າຮ່ວມທັງໝົດ 115ຄົນ,ຍິງ 41 ຄົນ,ຄະນະຮັບຜິດຊອບ 4 ຄົນ,ຄູເຝິກ 5 ຄົນ,ຍິງ 5 ຄົນ,ນັກສມະນາກອນຈາກ 8 ເມືອງມີ 106 ຄົນ,ຍິງ 36 ຄົນ ສໍາລັບການເຝິກແມ່ນໄດ້ນໍາໃຊ້ປື້ມຄູ່ມື , ປື້ມແບບຮຽນຄູພາສາອັງກິດ ຊັ້ນປະຖົມສຶກສາຂັ້ນປ3 ໂດຍການໃຊ້ຫຼາກຫຼາຍວິທີການສອນ,ການສ້າງແຜນການສອນ,ການແຕ່ງບົດສອນ ແລະ ວິທີຜະລິດສື່ການຮຽນ ການສອນ ນອກນີ້ຍັງໄດ້ທົດລອງສອນຕົວຈິງພ້ອມທັງເນັ້ນໜັກເຕັກນິກ ການຮຽນ-ການສອນ ແຕ່ລະບົດໂດຍໃຊ້ຮູບແບບການຕັ້ງຄຳຖາມ ເພື່ອສົນທະນາແລກປ່ຽນບົດຮຽນເຊີ່ງກັນ ແລະ ກັນດ້ວຍການໃຊ້ 4 ທັກສະຄື:ການຟັງ,ການເວົ້າ,ການອ່ານ ແລະ ການຂຽນເປັນຕົ້ນຕໍ, ພິເສດໄດ້ມີ ມູນນິທິສໍແຫ່ງຄວາມຫວັງກໍ່ໄດ້ມາໃຫ້ການແນະນຳ ເຕັກນິກວິທີການສອນແບບການນຳໃຊ້ສື່ປະກອນ ການຮຽນ-ການສອນ ແລະ ເນັ້ນກ່ຽວກັບທັກສະໃນການຫຼີ້ນເກມ,ການອອກສຽງພາສາອັງກິດໃຫ້ເເຈ່ມແຈ້ງ ແລະ ຊັດເຈນອີກຕື່ມ. ຜ່ານການເຝິກເປັນເວລາ 40 ວັນທາງຄະນະຮັບຜິດຊອບໄດ້ປະເມີນຜົນ ແລະ ຕີລາຄາຫຼັງການເຝິກຄື: ມີນັກສຳມະນາກອນທີ່ມີຄວາມຮັບຮູ້ຫຼາຍທີ່ສຸດມີຈຳນວນ 88 ຄົນ,ເທົ່າກັບ 83,01%,ຍິງ 28 ຄົນ ເທົ່າກັບ 26,41%,ຜູ້ທີ່ມີຄວາມຮັບຮູ້ໃນລະດັບປານກາງມີ 18 ຄົນ ເທົ່າກັບ 16,98%,ຍິງ 8 ຄົນ ເທົ່າກັບ 7,54%.

        ຕອນທ້າຍຂອງພິທີ ທ່ານ ຫຸມພັນ ພົມມະຈິດ ຮອງຫົວໜ້າພະແນກສຶກສາທິການ ແລະ ກິລາແຂວງໄດ້ ໃຫ້ກຽດມອບໃບຢັ້ງຢືນ ໃນການເຝິກອົບຮົມດັ່ງກ່າວ ພ້ອມທັງໂອ້ລົມ, ສະແດງ ຄວາມຍ້ອງຍໍຊົມເຊີຍຕໍ່ຄະນະຮັບຜິດຊອບຈັດການເຝິກອົບຮົມ ແລະ ສຳມະນາກອນ ທຸກທ່ານ ທີ່ໄດ້ເອົາໃຈໃສ່ທຸ້ມເທສະຕິປັນຍາເຂົ້າໃນການເຝິກຈົນປະສົບຜົນສຳເລັດຕາມລະດັບຄາດໝາຍທີ່ວາງໄວ້ ພ້ອມນັ້ນຍັງໄດ້ຮຽກຮ້ອງ ໃຫ້ບັນດານັກສຳມະນາກອນ ຈົ່ງພ້ອມກັນນຳເອົາບົດຮຽນທີ່ໄດ້ ເຝິກມາໄປ ຖ່າຍທອດ ໃຫ້ນ້ອງນັກຮຽນພາຍໃຫ້ໂຮງຮຽນຂອງຕົນໃຫ້ມີຄວາມຮູ້, ຄວາມສາມາດ ທາງດ້ານພາສາ ອັງກິດ ເພື່ອຍົກຍົກລະດັບຄຸນນະພາບທາງການສຶກສາຂອງນ້ອງນ້ອຍ ນັກຮຽນໃນ ສປປ ລາວກໍ່ຄື ນ້ອງນັກຮຽນ ແຂວງຫຼວງພະບາງໃຫ້ດີຂື້ນເປັນກ້າວໆ