ພະແນກສຶກສາທິການ ແລະ ກິລາແຂວງຫຼວງພະບາງ

lUANG PRABANG PROVINCIAL EDUcation and sports department

ຄົ້ນຫາ

ເລືອກພາສາ

ເຂົ້າສູ່ລະບົບ

Follow Us

 

ສະຖິຕິການເຂົ້າຊົມເວັບໄຊ້

120991
Today
Yesterday
This Week
Last Week
This Month
Last Month
All days
276
371
2010
117493
5292
7104
120991

Your IP: 174.129.66.66
Server Time: 2017-02-25 21:04:41
February 2017
26
Sunday
04:04

ເພື່ອເປັນການສະຫຼຸບຕີລາຄາຄືນກ່ຽວກັບ ການຈັດຕັ້ງ ປະຕິບັດ ແຜນພັດທະນາ ການສຶກສາ ໃນໄລຍະ 1 ສົກຮຽນ ຜ່ານມາ ແລະ ທິດທາງ ແຜນການ ໃນສົກຮຽນ 2016-2017 ໃຫ້ມີຄຸນນະພາບ ແລະ ໄດ້ຕາມ ລະດັບຄາດໝາຍ ທີ່ວາງໄວ້. ພ້ອມນີ້ກໍ່ເພື່ອ ເປັນການ ອອກແຮງງານ ແຂ່ງຂັນການຈັດຕັ້ງ ປະຕິບັດຕາມ

ເນື້ອໃນຈິດໃຈ ມະຕິກອງປະຊຸມໃຫ່ຍຄັງທີ່ X ຂອງພັກ, ມະຕິກອງປະຊຸມຄັ້ທີ່ VI ຂອງອົງຄະນະພັກເມືອງ ໃຫ້ປະກົດ ຜົນເປັນຈິງ. ເມື່ອວັນທີ 11 ສິງຫາ ປີ 2016 ຜ່ານມາທີ່ຫ້ອງການສຶກສາທິການ ແລະ ກິລາເມືອງ ຫຼວງພະບາງ ໄດ້ເປີດກອງປະຊຸມຜູ້ບໍລິຫານ ການສຶກສາທົ່ວເມືອງ ຂຶ້ນຢ່າງເປັນທາງການ ໂດຍການ ໃຫ້ກຽດເຂົ້າຮ່ວມຂອງ ທ່ານ ເອິງ ລໍສະຫວັນ ກຳມະການພັກແຂວງ ຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ, ທ່ານ ນ. ອິນທະວອນ ພົມມະຈັນ ຄະນະປະຈຳພັກເມືອງ ຮອງເຈົ້າເມືອງໆ ຫຼວງພະບາງ, ມີ ຫົວໜ້າ, ຮອງຫົວໜ້າຫ້ອງການສຶກສາທິການ ແລະ ກິລາເມືອງ, ຜູ້ອຳນວຍການ ໂຮງຮຽນ ຕະຫຼອດຮອດພະນັກງານຄູອາຈານເຂົ້າຮ່ວມຈຳນວນ 100 ກວ່າ ຄົນ.

ໂອກາດນີ້ ທ່ານ ທອງວັນ ສີສຸພັນ ຫົວໜ້າຫ້ອງການສຶກສາທິການ ແລະ ກິລາເມືອງ ໄດ້ຂຶ້ນຜ່ານ ມະຕິກອງປະຊຸມ ຜູ້ບໍລິຫານ ການສຶກສາທົ່ວແຂວງ ແລະ ກ່າວເປີດກອງປະຊຸມຢ່າງເປັນທາງການ. ນະໂອກາດດັ່ງກ່າວ ທ່ານ ນາງ ປິດສະຖາ ສິງວົງສົດ ຫົວໜ້າໜ່ວຍງານ ສະຖິຕິ-ແຜນການ ຫ້ອງການສຶກສາທິການ ແລະ ກິລາເມືອງຫຼວງພະບາງ ຂຶ້ນຜ່ານບົດສະຫຼຸບສະພາບການຈັດຕັ້ງປະຕິບັດ ແຜນການພັດທະນາການສຶກສາ ສົກຮຽນ 2015-2016 ແລະ ທິດທາງແຜນການສົກຮຽນ 2016-2017 ໄດ້ໃຫ້ຮູ້ວ່າ ໃນສົກຮຽນ 2015-16 ອັດຕາເຂົ້າຮຽນຂອງເດັກ 0 – 2 ປີ ໄດ້ເພີ່ມຈາກ 11,62%ມາເປັນ 14,45%,ອັດຕາເຂົ້າຮຽນຂອງເດັກ 3-5 ປີໄດ້ເພີ່ມຈາກ 69,92% ມາເປັນ 74,03% ອັດຕາ ເຂົາຮຽນຂອງເດັກ 5 ປີເພີ່ມຈາກ 89,61% ມາເປັນ 100,34% ອັດຕາເຂົ້າຮຽນສຸດທິ ປ1 ເພີ່ມຈາກ 99,69% ມາເປັນ 102,89% ອັດຕາເຂົ້າຮຽນສຸດທິຊັ້ນປະຖົມ 96,84% ມາເປັນ 100,63% ອັດຕາເຂົ້າຮຽນລວມຊັ້ນປະຖົມ101,02% ມາເປັນ 104,51%,ດັດສະນີຄວາມສະເໝີພາບ ລະຫວ່າງ ຍິງ-ຊາຍ 6-10 ປີ ເທົ່າກັບ 0,99% ອັດຕາເຂົ້າຮຽນລວມຊັ້ນມັດທະຍົມຕົ້ນຈາກ 109,52% ມາເປັນ 111,33% ອັດຕາເຂົ້າຮຽນລວມຊັ້ນມັດທະຍົມປາຍຈາກ 92,57% ມາເປັນ 89,31% , ໄດ້ຈັດຕັ້ງ ການເຝິກອົບຮົມການຮຽນ-ການສອນພາສາອັງກິດໃຫ້ຄູສອນໃນຊັ້ນປະຖົມຂັ້ນ ປ3-ປ5 . ສຳເລັດ ການຊັບຊ້ອນຄູທີ່ມີປະສົບການຊັ້ນ ປ1 ,ໄດ້ຈັດໃຫ້ມີການຮຽນການສອນວິຊາກິລາປ້ອງກັນຊາດ ປ້ອງກັນ ຄວາມສະຫງົບ ໃນຊັ້ນມັດທະຍົມປາຍອີກດ້ວຍ. ໃນກອງປະຊຸມຍັັງໄດ້ສະເໜີກ່ຽວກັບເປົ້າໝາຍ ພັດທະນາແບບຍືນຍົງຂອງການສຶກສາ SDG GoaLs,ວິໄສທັດຮອດປີ 2030 ແລະ ແຜນຍຸດທະສາດ ການສຶກສາປີ2025, ຍຸດທະສາດການພັດທະນາກິລາກາຍະກຳຮອດປີ 2020 ນອກຈາກນີ້ ຍັງໄດ້ພ້ອມກັນຄົ້ນຄວ້າປະກອບຄຳຄິດຄຳເຫັນໃສ່ບັນຫາຄຳຖາມເຈາະຈີ້ມຢ່າງກົງໄປ-ກົງມາ. ໂອກາດ ດັ່ງກ່າວນີ້ ທ່ານ ເອິງ ລໍສະຫວັນ ໄດ້ໃຫ້ກຽດຂື້ນໂອລົມ ແລະ ຊີ້ແຈງກ່ຽວກັບບາງບັນຫາຕ່າງໆ ທີ່ທ່ານໄດ້ຮັບຟັງຈາການລາຍງານ ມີຄຳເຫັນຂອງບັນດາທ່ານຜູ້ແທນ ກອງປະຊຸມດັ່ງກ່າວ ນອກນີ້ກໍ່ຍັງ ໄດ້ເນັ້ນໜັກໃຫ້ບັນດາທ່ານ ຜູ້ແທນກອງປະຊຸມ, ຜູ້ບໍລິຫານການສຶກສາໃຫ້ສືບຕໍ່ພ້ອມກັນເອົາໃຈໃສ່ ຊີ້ນຳນຳພາວຽກງານ ການສຶກສາຢູ່ໃນຂອບເຂດຮັບຜິດຊອບຂອງຕົນໃຫ້ມີປະສິດທິພາບ ແລະ ປະສິດທິຜົນດີຂື້ນເປັນກ້າວໆ ໂດຍການນຳເອົາເນື້ອໃນຈິດໃຈ ຂອງມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ມະຕິກອງປະຊຸມຄັ້ງທີ VI ຂອງອົງຄະນະພັກເມືອງ ໄປຈັດຕັ້ງຜັນຂະຫຍາຍ ໃຫ້ບັນດາຄູ-ອາຈານໃຫ້ມີຄວາມຮັບຮູ້ , ເຂົ້າໃຈເຖິງບັນຫາເນື້ອໃນ ແລະ ພ້ອມກັນຈັດຕັ້ງ ປະຕິບັບໃຫ້ປະກົດຜົນເປັນຈິງ. ສຳລັບກອງປະຊຸມຄັ້ງນີ້ແມ່ນຈະໄດ້ດຳເນີນໄປເປັນເວລາ 2 ວັນ(11-12)ຈຶ່ງຈະສຳເລັດ.