ພະແນກສຶກສາທິການ ແລະ ກິລາແຂວງຫຼວງພະບາງ

lUANG PRABANG PROVINCIAL EDUcation and sports department

ຄົ້ນຫາ

ເລືອກພາສາ

ເຂົ້າສູ່ລະບົບ

Follow Us

 

ສະຖິຕິການເຂົ້າຊົມເວັບໄຊ້

143998
Today
Yesterday
This Week
Last Week
This Month
Last Month
All days
173
374
864
141020
7567
14036
143998

Your IP: 54.145.81.105
Server Time: 2017-04-25 10:32:39
April 2017
25
Tuesday
17:32

ກອງປະຊຸມຜູ້ບໍລິຫານການສຶກສາທົ່ວເມືອງປາກອູ ປະຈຳປີ 2016 ໄດ້ໄຂຂື້ນ ເມື່ອອາທິດທີ່ຜ່ານມາ ທີ່ ສະໂມສອນໃຫຍ່ຂອງເມືອງດັ່ງກ່າວ ໂດຍພາຍໃຕ້ ການເປັນປະທານຂອງ ທ່ານ ອູຕິງ ພັນດາລັກ ຮອງເລ ຂາພັກເມືອງ ຮອງເຈົ້າເມືອງປາກອູ, ທ່ານ ເອິງ ລໍສະຫວັນ ກຳມະການພັກແຂວງ ຫົວໜ້າພະແນກສຶກສາ

ທິການ ແລະ ກິລາແຂວງ, ມີຫົວໜ້າ-ຮອງຫົວໜ້າ ຫ້ອງການສຶກສາທິການ ແລະ ກິລາເມືອງ, ຫ້ອງການອ້ອມຂ້າງ, ຫົວໜ້າໜ່ວຍງານພະນັກງານ ຜູ້ອຳນວຍການເຂົ້າຮ່ວມຈຳນວນ 92 ຄົນ,ຍິງ 29 ຄົນ.

ໃນພິທີ ທ່ານ ບົວຜັນ ສີສະຫວັດ ຫົວໜ້າຫ້ອງການສຶກສາທິການ ແລະ ກິລາ ເມືອງປາກອູ ໄດ້ຂື້ນຜ່ານມະຕິກອງປະຊຸມ ຜູ້ບໍລິຫານ ການສຶກສາທົ່ວແຂວງ ພ້ອມທັງກ່າວເປີດກອງປະຊຸມ ຢ່າງເປັນທາງການ ແລະ ໂອກາດຕໍ່ມາ ທ່ານ ຈັນທີ ອຸໄລສິດ ຫົວໜ້າໜ່ວຍງານ ສະຖິຕິ-ແຜນການ (ສກມ) ໄດ້ຂື້ນຜ່ານບົດສະຫຼຸບການຈັດຕັ້ງປະຕິບັດແຜນພັດທະນາການສຶກສາປະຈຳປີ 2015-2016 ແລະ ທິດທາງແຜນການ ສົກຮຽນ 2016-2017 ໄດ້ໃຫ້ຮູ້ວ່າ: ອັດຕາເຂົ້າຮຽນຂອງເດັກ ອາຍຸ 3-5 ປີໄດ້ເພີ່ມຈາກ 50,62% ມາເປັນ 57,50% ອັດຕາເຂົ້າຮຽນໃໝ່ສຸດທິປ1 ເພີ່ມຈາກ 99,4% ມາເປັນ 99,54% ອັດຕາເຂົ້າຮຽນສຸດທິຊັ້ນປະຖົມ 98,72% ມາເປັນ 98,54% ອັດຕາເຂົ້າຮຽນລວມ ຊັ້ນປະຖົມປະຕິບັດໄດ້ 113,76% ຫຼຸດລົງຈາກປີຜ່ານມາ 6,91% ອັດຕາລອດເຫຼືອຮອດ ປ5 ບັນລຸໄດ້ 77,6% ດັດສະນີຄວາມສະເໝີພາບຍິງ-ຊາຍ ໃນກຸ່ມອາຍຸ 6-10 ປີເທົ່າກັບ 0,90% ອັດຕາເຂົ້າຮຽນລວມມັດທະຍົມຕອນຕົ້ນໄດ້ເພີ່ມຈາກ 64,67% ມາເປັນ 72,09% ອັດຕາເຂົ້າຮຽນ ລວມມັດທະຍົມປາຍໄດ້ເພີ່ມຂື້ນຈາກ 39,12% ມາເປັນ 35,56% ພ້ອມດຽວກັນນັ້ນກໍ່ຈັດ ໃຫ້ມີການຮຽນ-ການສອນວິຊາ ປກສ-ປກຊຮ່ວມກັບກອງບັນຊາການ ປກສ-ປກຊ ຂັ້ນເມືອງ ເຊີ່ງມີນ້ອງນັກຮຽນຂັ້ນ ມ5,ມ6 ແລະ ມ7 ເຂົ້າຮ່ວມຈຳນວນ 170 ຄົນ,ຍິງ 76 ຄົນ. ສຳລັບວຽກງານ ການສຶກສານອກໂຮງຮຽນແມ່ນໄດ້ມີການຂະຫຍາຍຕົວທາງດ້ານປະລິມານ ແລະ ຄຸນນະພາບເຊີ່ງສະແດງ ອອກຄື ສາມາດປະກາດຈົບຊັ້ນມັດທະຍົມຕອນຕົ້ນບຳລຸງທົ່ວເມືອງ ພ້ອມດຽວກັນນັ້ນກໍ່ໄດ້ ມີການບຳລຸງ ຍົກລະດັບການສຶກສາ, ຈັດສົ່ງນັກຮຽນໄປເຝິກອົບຮົມວິຊາຊີບຂັ້ນພື້ນຖານຢູ່ສູນການສຶກສາພາກເໜືອ ແລະ ໂຮງຮຽນຊົນເຜົ່ານໍ້າບາກ.

ໃນກອງປະຊຸມບັນດາທ່ານ ຫົວໜ້າກຸ່ມບ້ານພັດທະນາ,ກຸ່ມປະຖົມສຶກສາ ແລະ ຜູ້ອຳນວຍການ ຕະຫຼອດຜູ້ແທນກອງປະຊຸມ ໄດ້ພ້ອມກັນ ຄົ້ນຄ້ວາ, ສົນທະນາ, ຜັດປ່ຽນກັນຂື້ນປະກອບຄຳຄິດເຫັນ ຢ່າງກົງໄປກົງມາຕາມຄຳຖາມເຈາະຈີ້ມຂອງກອງປະຊຸມ ເຮັດໃຫ້ເຫັນໄດ້ ດ້ານດີ-ດ້ານອ່ອນຂໍ້ຄົງຄ້າງ ໃນການຈັດຕັ້ງປະຕິບັດຜ່ານມາ ແລະ ວິທີການແກ້ໄຂໃນຕໍ່ໜ້າ. ນອກຈາກນີ້ ກອງປະຊຸມຍັງໄດ້ເປັນ ເອກະພາບ ແລະ ຮັບຮອງເອົາມະຕິເພື່ອນຳໄຈັດຕັ້ງປະຕິບັດໃນສົກຮຽນ 2016-2017 ອີກດ້ວຍ.

ຕອນທ້າຍຂອງກອງປະຊຸມທ່ານ ເອິງ ລໍສະຫວັນ ໄດ້ໃຫ້ກຽດມີຄຳເຫັນໂອ້ລົມຕໍ່ກອງປະຊຸມດັ່ງກ່າວ ພ້ອມນີ້ທ່ານຍັງໄດ້ຮຽກຮ້ອງ ມາຍັງຜູ້ບໍລິຫານການສຶກສາ, ອຳນາດການປົກຄອງທ້ອງຖິ່ນ ແລະ ພາກສ່ວນກ່ຽວຂ້ອງທຸກຂັ້ນຈົ່ງພ້ອມກັນນຳເອົາເນື້ອໃນຈິດໃຈ ຂອງມະຕິ ກອງປະຊຸມຄັ້ງນີ້ ໄປຈັດຕັ້ງຜັນຂະຫຍາຍເປັນແຜນກິດຈະກໍາ ຢູ່ໃນຂອບເຂດຮັບຜິດຊອບ ຂອງຕົນໃຫ້ໄດ້ດີເທົ່າທີຄວນ ສຳລັບກອງປະຊຸມ ຄັ້ງນີ້ແມ່ນໄດ້ດຳເນີນໄປເປັນເວລາ 2 ວັນຈຶ່ງຈະສຳເລັດ.