ພະແນກສຶກສາທິການ ແລະ ກິລາແຂວງຫຼວງພະບາງ

lUANG PRABANG PROVINCIAL EDUcation and sports department

ຄົ້ນຫາ

ເລືອກພາສາ

ເຂົ້າສູ່ລະບົບ

Follow Us

 

ສະຖິຕິການເຂົ້າຊົມເວັບໄຊ້

180298
Today
Yesterday
This Week
Last Week
This Month
Last Month
All days
190
504
1907
176200
5361
7605
180298

Your IP: 54.163.39.19
Server Time: 2018-01-20 19:01:32
January 2018
21
Sunday
02:01

ຕອນເຊົ້າຂອງວັນທີ 4 ພຶດສະພາ 2016 ທີ່ພະແນກສຶກສາທິການ ແລະ ກິລາແຂວງຫຼວງພະບາງໄດ້ມີພິທີມອບ-ຮັບ ໃບຍ້ອງຍໍໃຫ້ບຸກຄົນດີເດັ່ນ ທີ່ມີຜົນງານໃນການປະກອບສ່ວນພັດທະນາ ວຽກງານການສຶກສາ ແລະ ກິລາ ຢູ່ແຂວງຫຼວງພະບາງ ແຕ່ປີ 2013-2016 ໂດຍການໃຫ້ກຽດເຂົ້າຮ່ວມຂອງ ທ່ານ ຫຸມພັນ ພົມມະຈິດ

ຮອງຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ, ທ່ານ ມຣານກູ່ ແຮວສ໌ເຕັນ  (Mr. Markku HELLSTEN) ຫົວໜ້າໂຄງການສຶກສາພັດທະນາຊຸມຊົນ(ສະພາພະເຈົ້າ),ມີພະນັກງານວິຊາການ,ຕາງໜ້າໂຄງການເຂົ້າຮ່ວມ.

 

          ໃນພິທີດັ່ງກ່າວ ທ່ານ ບຸນທະວີ ວົງປະເສີດ ຮອງຫົວໜ້າຂະແໜງຈັດຕັ້ງ-ພະນັກງານ ໄດ້ຂຶ້ນຜ່ານຂໍ້ຕົກລົງ ຂອງລັດຖະມົນຕີວ່າການກະຊວງສຶກສາທິການ ແລະ ກິລາວ່າດ້ວຍການຍ້ອງຍໍ(ຂັ້ນກະຊວງ) ໃຫ້ແກ່ບຸກຄົນ ທີ່ມີຜົນງານດີເດັ່ນຈຳນວນ 2 ທ່ານຄື: ທ່ານ ມຣານກູ່ ແຮວສ໌ເຕັນ  (Mr. Markku HELLSTEN) ຫົວໜ້າໂຄງການສຶກສາພັດທະນາຊຸມຊົນ (ສະພາພະເຈົ້າ) ແລະ ທ່ານ ນາງ ຣຸ່ງນະພາ ແຮວສ໌ເຕັນ  (Ms. Rungnapa HELLSTEN) ຮອງຫົວໜ້າໂຄງການສຶກສາພັດທະນາຊຸມຊົນ (ສະພາພະເຈົ້າ) ທີ່ໄດ້ປະກອບສ່ວນພັດທະນາ ວຽກງານການສຶກສາຢູ່ແຂວງຫຼວງພະບາງ ແຕ່ປີ 2013-2016 ເຊິ່ງລວມມູນຄ່າໃນການຊ່ວຍເຫຼືອທັງໝົດຈຳນວນ 200.000 $(ສອງແສນໂດຣາ) ໃຫ້ກຽດມອບໃບຍ້ອງຍໍໃນຄັ້ງນີ້ໂດຍທ່ານ ຫຸມພັນ ພົມມະຈິດ ຮອງຫົວໜ້າພະແນກ ສຶກສາທິການ ແລະ ກິລາແຂວງຫຼວງພະບາງ.

 

ຕອນທ້າຍຂອງພິທີທ່ານ ຫຸມພັນ ພົມມະຈິດ ໄດ້ໃຫ້ກຽດກ່າວສະແດງຄວາມຮູ້ບຸນຄຸນ ຍ້ອງຍໍຊົມເຊີຍ ຕໍ່ກັບຜົນງານອັນຍິ່ງໃຫຍ່ດັ່ງກ່າວ ພ້ອມທັງອວຍໄຊໃຫ້ພອນແດ່ທ່ານ ມຣານກູ່ ແຮວສ໌ເຕັນ  ແລະ ທ່ານ ນາງ ຣຸ່ງນະພາ ແຮວສ໌ເຕັນ  ຕະຫຼອດຮອດສະມາຊິກພະນັກງານ ໂຄງການສຶກສາພັດທະນາຊຸມຊົນ(ສະພາພະເຈົ້າ). ພ້ອມດຽວກັນນີ້ທ່ານ ມຣານກູ່ ແຮວສ໌ເຕັນ  ກໍ່ ໄດ້ສະແດງຄວາມຂອບອົກຂອບໃຈມາຍັງການນຳພັກ-ລັດກໍ່ຄື ພະແນກສຶກສາທິການ ແລະ ກິລາແຂວງຫຼວງພະບາງ ແລະ ກະຊວງສຶກສາທິການ ແລະ ກິລາ ທີ່ໄດ້ໃຫ້ຄວາມສະດວກໃນການຮ່ວມມືໂດຍດີຕະຫຼອດມາ ແລະ ຍັງໄດ້ໃຫ້ຄຳໝັ້ນສັນຍາອີກວ່າ ຈະສືບຕໍ່ພົວພັນຮ່ວມມືຊ່ວຍເຫຼືອພັດທະນາ ການສຶກສາໂດຍສະເພາະ ແຂວງຫຼວງພະບາງ ແລະ ແຂວງອື່ນໆອີກດ້ວຍ.