ພະແນກສຶກສາທິການ ແລະ ກິລາແຂວງຫຼວງພະບາງ

lUANG PRABANG PROVINCIAL EDUcation and sports department

ຄົ້ນຫາ

ເລືອກພາສາ

ເຂົ້າສູ່ລະບົບ

Follow Us

 

ສະຖິຕິການເຂົ້າຊົມເວັບໄຊ້

180300
Today
Yesterday
This Week
Last Week
This Month
Last Month
All days
192
504
1909
176200
5363
7605
180300

Your IP: 54.163.39.19
Server Time: 2018-01-20 19:02:04
January 2018
21
Sunday
02:02

ເພື່ອຍົກລະດັບຂີດຄວາມຮູ້ຄວາມສາມາດຂອງຊັບພະຍາກອນມະນຸດທັງ 2 ຊາດ ແລະ ເປັນການຮັດແໜ້ນຄວາມສາມັກຄີ ລະຫວ່າງ ລາວ-ຫວຽດນາມເວົ້າລວມ ເວົ້າສະເພາະພະແນກສຶກສາທິການ-ກິລາແຂວງຫຼວງພະບາງ. ຕອນເຊົ້າຂອງວັນທີ 8 ມິຖຸນາ (6) 2016 ທີ່ພະແນກສຶກສາທິການ ແລະ ກິລາແຂວງຫຼວງພະບາງ ໄດ້ມີການພົບປະແລກປ່ຽນຮ່ວມມື ກັນທາງ

ດ້ານການສຶກສາລະຫວ່າງ ພະແນກສຶກສາທິການ-ກິລາແຂວງຫຼວງພະບາງ ແລະ ວິທະຍາໄລ ວິຊາຊີບເລກ 1 ກະຊວງປ້ອງ ກັນປະເທດແຫ່ງ ສ.ສ ຫວຽດນາມໂດຍການໃຫ້ກຽດເຂົ້າຮ່ວມຂອງທ່ານ ເອິງ ລໍສະຫວັນ ຫົວໜ້າພະແນກສຶກສາທິການ ແລະ ກິລາ ແຂວງຫຼວງພະບາງ, ທ່ານ ຮ່ວາງ ດິງ ເຮີນ ຮອງຜູ້ອຳນວຍການວິທະຍາໄລ ວິຊາຊີບເລກ 1 ກະຊວງປ້ອງກັນ ປະເທດແຫ່ງ ສ.ສ ຫວຽດນາມ, ມີຫົວໜ້າ-ຮອງຫົວໜ້າຂະແໜງ, ທີມງານວິຊາການຂອງວິທະຍາໄລ ວິຊາຊີບເລກ 1 ເຂົ້າຮ່ວມ.

          ໂອກາດນີ້ ທ່ານ ເອິງ ລໍສະຫວັນ ຫົວໜ້າພະແນກສຶກສາທິການ-ກິລາ ແຂວງຫຼວງພະບາງ ໄດ້ກ່າວສະແດງ ຄວາມຍິນດີຕ້ອນຮັບອັນອົບອຸ່ນໃຫ້ແກ່ຄະນະຜູ້ແທນທີ່ມາຈາກວິທະຍາໄລ ວິຊາຊີບເລກ 1 ກະຊວງປ້ອງກັນປະເທດແຫ່ງ ສສ ຫວຽດນາມ, ພ້ອມທັງລາຍງານສະພາບລວມໂດຍຫຍໍ້ຂອງນັກສຶກສາລາວທີ່ໄດ້ໄປຮຽນຕໍ່ຢູ່ ສສ ຫວຽດນາມ ໃນໄລຍະ ຜ່ານມາ ແລະ ກ່າວໃຫ້ຮູ້ອີກວ່າ: ໃນລະຫວ່າງ ວັນທີ 19-20 ກໍລະກົດ(7) 2016 ພະແນກສຶກສາທິການ-ກິລາ ແຂວງຫຼວງ ພະບາງຈະໄດ້ເປີດການສອບເສັງຄັດເລືອກເອົາຕົວແທນນັກຮຽນຈົບຊັ້ນ ມ7 ໃນສົກຮຽນ 2015-2016 ຜູ້ທີ່ມີພອນສະ ຫວັນ, ມີຄຸນສົມບັດດີໄປຮຽນຕໍ່ຕ່າງປະເທດໂດຍສະເພາະຈະສົ່ງໄປຮຽນຢູ່ ສສ ຫວຽດ, ກອງປະຊຸມໄດ້ແລກປ່ຽນ ຄຳຄິດເຫັນຢ່າງຕົງໄປຕົງມາ ແລະ ໄດ້ເວົ້າລະອຽດເຖິງບັນດານັກຮຽນທີໄປຮຽນຕໍ່ຢູ່ ສສ ຫວຽດນາມເລື່ອງທຶນສ່ວນຕົວ ແລະ ທຶນລັດພ້ອມນີ້ ທັງສອງຝ່າຍຍັງໄດ້ປັບປຸງ ບາງເນື້ອໃນຂອງບົດບັນທຶກການຢ້ຽມຢາມ ແລກປ່ຽນບົດຮຽນ ໃນຄັ້ງນີ້ເພື່ອນຳເອົາໄປຈັດຕັ້ງປະຕິບັດໃນຕໍ່ໜ້າໃຫ້ໄດ້ຮັບຜົນດີ.

          ຂະນະດຽວກັນທ່ານ ຮ່ວາງ ດິງ ເຮີນ ຮອງຜູ້ອຳນວຍການວິທະຍາໄລ ວິຊາຊີບເລກ 1 ກໍ່ໄດ້ໃຫ້ກຽດກ່າວໂດຍຫຍໍ້ ເຖິງປະຫວັດຄວາມເປັນມາຂອງວິທະຍາໄລ ວິຊາຊີບເລກ1 ພ້ອມທັງກ່າວວ່າ: ໃນສົກຮຽນ 2016-2017 ທາງວິທະຍາໄລ ວິຊາຊີບເລກ 1 ຈະຮັບເອົານັກສຶກສາຈາກແຂວງຫຼວງພະບາງເຂົ້າຮຽວິຊາຊີລະບົບຊັ້ນສູງ ຈຳນວນ 10 ທຶນໃນແຕ່ລະສາຂາ ຄື: ໄຟຟ້າອຸດສາຫະກຳ,ເອເຫຼັກຕຼົງອຸດສາຫະກຳ,ຊ່າງຕັດໂລຫະ,ເຕັກນິກລົດຍົນ,ເຕັກນິກເຄື່ອງແອເຢັນ,ຊ່າງຈອດ ແລະ ເຄຶ່ອງປັບອາກາດ. ໃນສົກປີ 2017-2018 ແມ່ນຈະສືບຕໍ່ຮ່ວມມືກັບ ພະແນກສຶກສາທິການ-ກິລາແຂວງຫຼວງພະບາງ ໃນການຄັດເລືອກເອົານັກສຶກສາ ທີມີຈຸດປະສົງໄປຮຽນທຶນສ່ວນຕົວ ຕາມເງື່ອນໄຂຂອງວິທະຍາໄລ ວິຊາຊີບເລກ 1 ກະຊວງປ້ອງກັນປະເທດ ທີ່ແຂວງ ທ້າຍຫງວຽນ.