ພະແນກສຶກສາທິການ ແລະ ກິລາແຂວງຫຼວງພະບາງ

lUANG PRABANG PROVINCIAL EDUcation and sports department

ຄົ້ນຫາ

ເລືອກພາສາ

ເຂົ້າສູ່ລະບົບ

Follow Us

 

ສະຖິຕິການເຂົ້າຊົມເວັບໄຊ້

161421
Today
Yesterday
This Week
Last Week
This Month
Last Month
All days
17
15
136
161163
375
585
161421

Your IP: 54.224.43.96
Server Time: 2017-10-19 07:01:34
October 2017
19
Thursday
14:01

ເພື່ອແນໃສການໃຫ້ໂອກາດແກ່ນັກສຶກສາທີ່ດີ,ມີຄຸນສົມບັດດີ,ຮຽນເກັ່ງ,ສະພາບຄອບຄົວຂາດເຂີນ ແລະ ບໍ່ທັນໄດ້ຮັບທຶນ ການສຶກສາຈາກພາກສ່ວນອື່ນ ໂດຍບົນພື້ນຖານການປະເມີນຂອງຄູ-ອາຈານຕາມມາດຖານເງື່ອນໄຂຄະແນນ ແລະ ໂຄງສ້າງ ທີ່ກຳນົດໄວ້. ເມື່ອວັນທີ 10 ມິຖຸນາ(6) 2016 ຜ່ານມາທີ່ມະຫາວິທະຍາໄລສຸພານຸວົງ ແຂວງຫຼວງພະບາງ ໄດ້ຈັດກອງປະ

ຊຸມ ສະຫຼຸບຖອດຖອນບົດຮຽນ ການໃຫ້ທຶນແກ່ນັກສຶກສາ ຂອງຄະນະຮັບຜິດຊອບກອງທຶນການສຶກສາ ຂອງບໍລິສັດ ເບຍລາວ ແລະ ຄະນະຮັບຜິດຊອບກອງທຶນການສຶກສາມະຫາວິທະຍາໄລສຸພານຸວົງ ໂດຍການໃຫ້ກຽດ ເຂົ້າຮ່ວມ ຂອງທ່ານ ບຸນກັນ ກຸລະບຸດ ຜູ້ອຳນວຍການຝ່າຍປະຊາສຳພັນ ແລະ ກິດຈະກຳເພື່ອສັງຄົມບໍລິສັດເບຍລາວ ຈຳກັດ, ທ່ານ ສົມມະນີ ປະທຸມໄຊ ຫົວໜ້າຫ້ອງການວິຊາການ ທັງເປັນປະທານກຳມະການ ຮັບຜິດຊອບກອງທຶນ ການສຶກສາມະຫາວິທະຍາໄລ ສຸພານຸວົງ, ມີທ່ານຫົວໜ້າ-ຮອງຫົວໜ້າພາກວິຊາ ແລະ ນ້ອງນັກສຶກສາເຂົ້າຮ່ວມ 50 ກວ່າຄົນ.

 

          ໂອກາດນີ້ ທ່ານ ບຸນກັນ ກຸລະບຸດ ໄດ້ໃຫ້ກຽດນຳສະເໜີ ກ່ຽວກັບໂຄງການໃຫ້ທຶນ ການສຶກສາດັ່ງກ່າວ ພ້ອມທັງລາຍງານສະພາບ ການຈັດຕັ້ງປະຕິບັດກິດຈະກຳຕ່າງໆໃນໄລຍະຜ່ານມາຄື: ບໍລິສັດເບຍລາວໄດ້ເລີ່ມປະຕິບັດ ໂຄງການ ໃຫ້ທຶນການສຶກສາແຕ່ປີ 2010ເປັນຕົ້ນມາ, ໃນເບື້ອງຕົ້ນໄດ້ໃຫ້ທຶນນັກສຶກສາຈຳນວນ 188 ທຶນ ຈາກ 4 ສະຖາບັນການສຶກສາ,ສຳລັບປີ 2016 ຈຳນວນນັກສຶກສາທີ່ໄດ້ຮັບທຶນການສຶກສາກໍ່ເພີ່ມຂື້ນເປັນ 330 ທຶນ, ມາເຖິງ ປະຈຸບັນງົບປະມານໂຄງການໃຫ້ທຶນການສຶກສາຈາກ 7 ສະຖາບັນການສຶກສາໃນຂອບເຂດທົ່ວປະເທດ ແມ່ນລວມ ເປັນມູນຄ່າທັງໝົດ 4.101.000.000 ກີບ ແລະ ຂຳນວນ 1.517 ທຶນ. ຄະນະດຽວກັນທ່ານ ສົມມະນີ ປະທຸມໄຊ ໄດ້ຂື້ນ ຜ່ານບົດສະຫຼຸບການເຄື່ອນໄຫວຂອງນັກສຶກສາທີ່ໄດ້ຮັບທຶນຈາກບໍລິສັດເບຍລາວໃນສົກປີ 2015-2016 ໂດຍໃຫ້ຮູ້ວ່າ: ມະຫາວິທະຍາໄລສຸພານຸວົງ ແມ່ນສະຖາບັນການສຶກສາຂັ້ນປະລິນຍາຕີແຫ່ງທຳອິດໃນເຂດໃຈກາງພາກເໜືອຂອງລາວ. ແນໃສ່ການສ້າງແຜນຍຸດທະສາດວ່າດ້ວຍການພັດທະນາວິຊາການ,ການຮຽນ-ການສອນ,ການຄົ້ນຄ້ວາວິທະຍາສາດ, ການບໍລິການວິຊາການໃຫ້ແກ່ສັງຄົມ ແລະ ເພື່ອເຊີດຊູບົດບາດ ຜູ້ທີ່ດ້ອຍໂອກາດໃຫ້ສູງເດັ່ນຂື້ນ ທາງບໍລິສັດເບຍລາວ ຈຳກັດ ໄດ້ມອບທຶນການສຶກສາໃຫ້ແກ່ ມະຫາວິທະຍາໄລສຸພານຸວົງ ໂດຍການຊີ້ນຳຮອບດ້ານຂອງທ່ານອະທິການບໍດີ ແລະ ການຊີ້ນຳໂດຍກົງຂອງທ່ານຮອງອະທິການບໍດີຝ່າຍວິຊາການ.

 

ໃນສົກສຶກສາ 2015-2016 ມະຫາວິທະຍາໄລສຸພານຸວົງ ລວມມີ 6 ຄະນະຄື: ຄະນະກະເສດສາດ-ຊັບພະຍາກອນປ່າໄມ້, ຄະນະສຶກສາສາດ, ຄະນະເສດທະສາ-ທ່ອງທ່ຽວ, ຄະນະສະຖາປັດຕະຍະກຳສາດ, ຄະນະວິສະວະກຳສາດ ແລະ ຄະນະ ພາສາສາດ ລວມມີນັກສຶກສາທັງໝົດ 3.922 ຄົນ,ຍິງ 1.554 ຄົນ. ຈຳນວນນັກສຶກສາ ທີ່ໄດ້ຮັບທຶນຈາກບໍລິສັດ ເບຍລາວ ໃນສົກສຶກສາ 2010-2016 ມີ 212 ທຶນໃນນີ້ຜູ້ຮັບທຶນ 116 ຄົນ, ຍິງ 42 ຄົນ(ສະເພາະ ສົກປີ 2015-2016 ມີ 55 ທຶນ, ຍິງ 25 ທຶນ).

          ຈຸດປະສົງຂອງກອງປະຊຸມຄັ້ງນີ້ແມ່ນເພື່ອປະກອບສ່ວນສ້າງບຸກຄະລາກອນທີ່ຮຽນເກັ່ງ ແລະ ມີຄວາມສາມາດ ໃນການພັດທະນາເສດຖະກິດຊຸມຊົນ-ສັງຄົມ,ແຮງງານ ແລະ ການຕະຫຼາດໃຫ້ສາມາດເຄື່ອນໄຫວໄດ້ດີ ແລະ ເປັນຈັ່ງຫວະ ດຽວກັນ ພ້ອມກັບການຂະຫຍາຍຕົວຢ່າງຍືນຍົງ ເຮັດໃຫ້ບໍລິສັດສາມາດເຂົ້າເຖີງຕະຫຼາດ ແລະ ການລົງທຶນໃນອານາຄົດ, ປະກອບສ່ວນຊຸກຍູ້ພັດທະນາ ລະບົບການສຶກສາທີ່ເປັນຂໍກຸນແຈໃນການສ້າງເສດຖະກິດໂດຍລວມ, ໂດຍການຊຸກຍູ້ ກຸ່ມເປົ້າໝາຍນັກສຶກສາຂັ້ນມະຫາວິທະຍາໄລຂອງສະຖາບັນການສຶກສາແຫ່ງຕ່າງໆໃນຂອບເຂດທົ່ວປະເທດ.