ຜູ້ເຂົ້າຊົມ

099894
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມມື້ນີ້
28
72
227
99134
1251
2207
99894

Your IP: 54.159.187.17
Server Time: 2017-01-18 02:21:41

Login Form

MiniCalendar

January 2017
SMTWTFS
1234567
891011121314
15161718192021
22232425262728
293031

ສູນ​ປະກັນ​ຄຸນນະພາບການ​ສຶກ​ສາ​ ສສກ ຊີ້​ແຈງ ​​ການ​ອະນຸມັດ​ເປີດ​ສອນ​ປະລິນຍາ​ຕີ​ຂອງ​ສະຖານ​ກາ​ນສຶກສາ 24 ​ແຫ່ງ ທັງ​ພາກ​ລັ​ດ-​ເອກະ​ຊົນ

3.7.2015       ທ່ານ ວັນ​ໄຊ ນໍລະ​ແສງ ຜູ້ອຳນວຍການສູນ​ປະກັນ​ຄຸນນ​ະພາບການ​ສຶກສາ ກະຊວງ​ສຶກສາ​ທິການ ​ແລະ ກິລາ ​ໄດ້​ໃຫ້ການຊີ້​ແຈງ​​​ເມື່ອ​ວັນ​ທີ 1 ກໍລະກົດ​ຜ່ານ​ມາ ທີ່​ມີ​ບາງ​ສື່ມວນ​ຊົນ​ໄດ້​ຖື​ເອົາ​ບົດ​ລາຍ​ງານ​ຂອງ​ສູນປະກັນ​ຄຸນນະ ພາບ​ການ​ສຶກສາ ຕໍ່ກອງ​ປະຊຸມ​ຜູ້​ບໍລິຫານ​ການ​ສຶກສາ-​ກິລາ ທົ່ວ​ປະ​ເທດ ຄັ້ງວັນ​ທີ 23-24 ມິຖຸນາ ຜ່ານ​ມາ ອອກ​ຂ່າວ​ຕໍ່ສັງຄົມນັ້ນເປັນພຽງການລາຍງານຄວາມຄືບໜ້າວຽກງານ​ປະກັນ​ຄຸນນະພາບ​ການ​ສຶກສາ ສາຍ​ອາຊີວະ​ສຶກສາ ​ແລະ ການ​ສຶກສາ​ຊັ້ນສູງ​ເທົ່າ​ນັ້ນ ບໍ່​ໄດ້​ກ່າວ​ເຖິງ​ການ​ອະນຸຍາດ​ເປີດ​ສອນ ຫຼັກສູດ​ປະລິນຍາ​ຕີ​ແຕ່​ຢ່າງ​​ໃດ.

    ໃນ​ນັ້ນ, ​ໄດ້​ລາຍ​ງານ​​ກ່ຽວກັບ​ການ​ດຳ​ເນີນ​ການ​ເຜີຍ​ແຜ່ ​ແລະ ​ຝຶກອົບຮົມ ​ເພື່ອ​ປະ​ເມີນ​ຕົນ​ເອງ ​ໃຫ້​ແກ່ 101 ​ແຫ່ງ ​ໃນ​ຂອບ​ເຂດທົ່ວ​ປະ​ເທດ ​ແລະ ດຳ​ເນີນ​ການ​ປະ​ເມີນ​ພາຍ​ນອກ 24 ​ແຫ່ງ ທັງ​ພາກ​ລັດ  ​ແລະ ​ເອກະ​ຊົນ, ​ເຊິ່ງປັດຈຸບັນ​ກຳລັງ​ສັງ​ລວມ ເພື່ອ​ແຈ້ງ​ກັບ​ໃຫ້​ບັນດາ​ສະ​ຖາ​ບັນ​ການ​ສຶກສາ​ທີ່​ໄດ້​ຮັບ​ການ​ປະ​ເມີນ​ດັ່ງກ່າວ ​ໄດ້​ຮູ້​ເຖິງຈຸດ​ດີ​ ແລະ ຈຸດ​ຄ້າງ​ຄາເພື່ອ​ປັບປຸງ​ແກ້​ໄຂ​ໃຫ້​ຄຸ​ນນະພາ​ບດີ​ຂຶ້ນຕາມ​ມາດຕະຖານ​ທີ່​ກຳນົດ​ໄວ້. ຂະນະ​ດຽວກັນ ກະຊວງ​ສຶກສາທິການ ​ແລະ ກິລາ ຍັງ​ບໍ່ທັນ​ມີ​ຄຳ​ເຫັນ​ທີ່ຢັ້ງຢືນ​ເຖິງ​ເອກະສານ​ອະນຸມັດ​ເປີດ​ສອນຫຼັກສູ​ດປະລິນຍາ​ຕີ​ເທື່ອ.

    ພາຍຫຼັງມີ​ຄຳ​ສັ່ງ​ແນະນຳ ຂອງ​ລັດຖະມົນຕີ​ວ່າການ ກະຊວງ​ສຶກສາ​ທິການ ​ແລະ ກິລາ ກ່ຽວກັບ​ການ​ປະຕິ​ຮູບ​ລະບົບ​ການ​ສຶກສາ​ແຫ່ງ​ຊາດ ​ໄລຍະ​ທີ II (2011-2015) ສຳລັບ​ວິທະຍາ​ໄລ, ​ໂຮງຮຽນ​ເຕັກ​ນິກວິຊາ​ຊີບ/ວິຊາ​ຊີບ​ແບບ​ປະສົມ​ຂ​ອງລັດ ​ແລະ ​ເອກະ​ຊົນ ໃນ​ໄລຍະ​ແຫ່ງ​ການ​ປະຕິ​ຮູບ​​ເພື່ອ​ປັບປຸງ​ຄຸນນະພາບ​ນີ້ ບໍ່ອະນຸຍາດ​ໃຫ້​ເປີດ​ການ​ຮຽນ-ການ​ສອນຫຼັກສູດ​ໃໝ່ (ນັບ​ທັງ​ລະບົບ​ປົກກະຕິ, ລະບົບ ​ຕໍ່​ເນື່ອງ, ​ເຊື່ອມ​ຕໍ່) ລະດັບ​ປະລິນຍາ​ຕີ ຫຼື ສູງ​ກວ່າ​ນັ້ນ; ອະນຸຍາດ​ໃຫ້​ເປີດ​ການ​ສອນ-​ການ​ຮຽນຫຼັກສູດ​ແຕ່​ຊັ້ນສູງ​ລົງ​ມາ​ເທົ່ານັ້ນ. ສ່ວນ​ນັກ​ສຶກສາ​ທີ່​ຮຽນຢູ່​ແມ່ນ​ອະນຸ​ຍາດ​ໃຫ້​ສືບຕໍ່ປະຕິບັດຫຼັກສູດ​ໃຫ້​ສຳ​ເລັດ​ຊຸດ​ຮຽນ ​ໃຫ້​ຮຽນຈົບ​ຕາມ​ມາດຖານຫຼັກສູດ​ທີ່​ກຳນົດ​ໄວ້, ເຊິ່ງ​ໄລຍະ​ການ​ປັບປຸງ​ນີ້ ສະ​ຖາ​ບັນ​​ໃດ ຫາກ​ບໍ່ມີ​ການ​ປັບປຸງ​ແກ້ໄຂ, ບໍ່ມີ​ການ​ຫັນປ່ຽນ, ບໍ່ມີ​ກາ​ນພັດທະນາ​ສະ​ຖາ​ບັນ​ຂອງ​ຕົນ​​​ໃຫ້​ໄປ​ຕາມມາດຕະຖາ​ນ​ຄຸນ​ນະພາບ​ການ​ສຶກສາແຫ່ງ​ຊາດ ​ແມ່ນ​ຈະບໍ່​ພິຈາລະນາ​ໃຫ້​ສະຖາບັນ​ນັ້ນ ດຳ​ເນີນ​ການ​ຮຽນ-ການ​ສອນ​ຕໍ່​ໄປ (ຍຸດຕິ​ການ​ອະນຸມັດ) ​ເຖິງ​ຈະ​ເປີດ​ຢູ່ລະດັບ​ໃດ​ກໍ່ຕາມ.

    ນອກຈາກ​ນີ້, ທ່ານ ວັນ​ໄຊ ນໍລະ​ແສງ ​ຍັງ​ໄດ້​ກ່າວ​ຕື່​ມວ່າ: ສູນ​ປ​ະກັນ​ຄຸນນ​ະພາບ​ການ​ສຶກສາ ສົມທົບ​ກັບ​ກົມ​ວິຊາ​ການ, ອົງການ​ທີ່ກ່ຽວຂ້ອງ ​ແລະ ສະຖານ​ການ​ສຶກສາ​ທັງ​ພາກ​ລັດ ​ແລະ ​ເອກະ​ຊົນ ກວດກາ ​ແລະ ປະ​ເມີນ​ຄວາມ​ພ້ອມ​ດ້ານ​ຕ່າງໆຂອງ​ແຕ່​ລະສະ​ຖາ​ບັນ​ການ​ສຶກສາ, ປັດຈຸບັນສູນ​ປະກັນ​ຄຸນນ​ະພາບການ​ສຶກສາ ​ໄດ້​ສຳ​ເລັດ​ການ​ຝຶກອົບຮົມ​ໃຫ້​ແກ່​ສະ​ຖາ​ບັນ​ຕ່າງໆ ​ໃນ​ຂອບ​ເຂດ​ທົ່ວ​ປະ​ເທດ ທັງ​ພາກ​ລັດ ​ແລະ ​ເອກະ​ຊົນ ທັງໝົດ ຈຳນວນ 101 ​ແຫ່ງ ​ໃນ​ລະດັບ​ສະ​ຖາ​ບັນ, ວິທະຍາ​​ໄລ, ໂຮງຮຽນ ​ແລະ ລະດັບ​ມະຫາວິທະຍາ​ໄລ 4 ​ແຫ່ງ, ພ້ອມ​ດຽວກັນນັ້ນ ທ້າຍ​ປີ 2014​ ໄດ້​ຈັດຕັ້ງການ​ປະ​ເມີນ​ພາຍ​ນອກ ຕາມ​ມາດຕະຖານ​ທີ່​ໄດ້​ກຳນົດ​ໄວ້ ​ໄດ້ 3 ຊຸດ ລວມທັງໝົດ 24 ​ແຫ່ງ ປະກອບ​ມີ 7 ຄະນະ​ຂອງ​ມະຫາວິທະຍາ​ໄລ​ແຫ່ງ​ຊາດ​ຄື: ຄະນະວິສະວະກຳ​ສາດ, ​ເສດຖະສາດ-ບໍລິຫານ​ທຸ​ລະ​ກິດ, ສຶກສາ​ສາດ, ນິຕິສາດ-​ລັດຖະສາດ, ວິທະຍາສາດປ່າ​ໄມ້, ກະ​ເສດ​ສາດ ​ແລະ ວິທະ​ຍາ​ສາດ​ສັງຄົມ; 2ສະ​ຖາ​ບັນ​ການ​ສຶກສາລັດ​ຄື: ສະ​ຖາ​ບັນ​ເສດຖະກິດ​ການ​ເງິນ​ດົງ​ຄຳ​ຊ້າງ, ສະ​ຖາ​ບັນ​ທະນາຄານ ​ແລະ 14 ວິທະຍາ​ໄລ ​ເອກະ​ຊົນ​ທີ່ຢູ່​ນະຄອນຫຼວງວຽງຈັນ​ຄື: ວິທະຍາໄລຣັຕະນະ,

ຄອມ​ເຊັນ​ເຕີ, ​ການ​ເງິນ​ມີ​ໄຊ, ​ແສງ​ສະ​ຫວັນ, ສຸກ​ສະຫວັດ, ລາວ-ອາ​ເມ​ລິ​ກາ, ສຸດ​ສະກະ, ບຸດ​ວິ​ເສດ, ​ເສດຖະກິດ​ໄຊ​ພັດທະນາ ​ແລະ ​ແຄ​ທ; 2 ​ແຫ່ງຢູ່ ​ແຂວງ​ສະຫວັນ​ນະ​ເຂດ( ​ວິທະຍາໄລໄຊ​ສົມບັດ​ເຕັກ​ໂນ​ໂລ​ຊີ, ວິທະຍາໄລສະຫວັນ​ບໍລິຫານ​ທຸລະ​ກິດ) ​ແລະ 1 ​ແຫ່ງ​ຢູ່​ແຂວງ​ຈຳປາ​ສັກ​ຄື ວິທະຍາ​ໄລ​ພອນ​ສະຫວັນ ​ແລະ ວິທະຍາ​ໄລ​ຄູ​ປາກ​ເຊ.

    ພາຍຫຼັງທີ່​ຄະນະ​ຜູ້​ປະ​ເມີນ​ພາຍ​ນອກ ສົ່ງ​ບົດ​ລາຍ​ງານ​ໃຫ້​ສູນ​ປະກັນ​ຄຸນນະພາບ​ແລ້ວ, ບົດ​ລາຍ​ງານ​ພາຍ​ນອກ​ຈະ​ຖືກ​ສົ່ງ​ໃຫ້​ສະ​ຖາ​ບັນ ​ເພື່ອ​ມີຄຳ​ເຫັນ ຫຼື ຊີ້​ແຈງ/​ໂຕ້​ແຍ້ງ​ຕ່າງໆ. ​ໃນ​ປັດຈຸບັນ​ສະ​ຖາ​ບັນ​ການ​ສຶກສາຈຳນວນໜຶ່ງ​ໄດ້​ສົ່ງ​ບົດ​ຄືນ​ແລ້ວ ​ແລະ ຢູ່​ໃນ​ໄລຍະ​ຂອງ​ການ​ສັງ​ລວມຜົນ​ຂອງ​ການ​ປະ​ເມີນ​ພາຍ​ນອກ ​ເພື່ອ​ສະ​ເໜີຕໍ່ຄະນະ​ນຳ​ກະຊວງ.

    ປັດຈຸບັນ​ໄດ້​ຮັບ​ບົດ​ປະ​ເມີນ​ພາຍ​ນອກ 17 ​ແຫ່ງ (​ເອກະ​ຊົນ 10 ​ແຫ່ງ ​ແລະ ລັດ 7 ​ແຫ່ງ) ​ໃນ 24 ​ແຫ່ງ​ທີ່​ລົງ​ປະ​ເມີນ​ພາຍ​ນອກ​ໃນ ​ເບື້ອງຕົ້ນ ລ້ວນ​ແລ້ວ​ແຕ່​ເປັນ​ສະ​ຖາ​ບັນ​ທີ່​ສ້າງຕັ້ງມາ​ເປັນ​ເວລາ​ດົນ​ນານ ​ໂດຍ​ລວມ​ແລ້ວ​ມີ​ລະດັບ​ພໍ​ໃຊ້​ຂຶ້ນ​ໄປ, ​ເຊິ່ງມີ 10 ​ແຫ່ງ​ຖືກ​ຕີ​ລາຄາ​ໃນ​ລະດັບ 3 (ພໍ​ໃຊ້) ​ແລະ 7 ​ແຫ່ງ ​ໃນ​ລະດັບ 4 (ດີ). ​ແຕ່​ສຳລັບ​ມາດຕະຖານ​ທີ 9 ​ເປັນວຽກງານ​ປະກັນ​ຄຸນນະພາບ ແລະ ມາດຕະຖານ​ທີ 10 ​ເປັນວຽກງານ​ຄົ້ນຄວ້າວິທະຍາສາດ ​ແລະ ບໍລິການ​ສັງຄົມ​ແມ່ນ​ຢູ່​ໃນ​ລະດັບ​ອ່ອນ (ລະດັບ1).

 

ອ້າງ​ອີງ​ຈາກ​ເວັບ​ໄຊ​ກະ​ຊວງ​ສຶກ​ສາ​ທິ​ການ ແລະ ກິ​ລາ    http://www.moe.gov.la/index.php/lang-en/news/893--24-

                                                                                                         ໂດຍ: ສາວ​ໄຊ​ຍະ