ຜູ້ເຂົ້າຊົມ

099891
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມມື້ນີ້
25
72
224
99134
1248
2207
99891

Your IP: 54.159.187.17
Server Time: 2017-01-18 02:21:15

Login Form

MiniCalendar

January 2017
SMTWTFS
1234567
891011121314
15161718192021
22232425262728
293031

ບົດ​ລາຍ​ງານຜົນການເຂົ້າຮ່ວມການແຂ່ງຂັນດ້ານ Microsoft Office Specialist World Championship (MOSWC) ປີ 2015 ທີ່ປະເທດສະຫະລັດອາເມລິກາ

6ການແຂ່ງຂັນໄອທີ (MOSWC) ລະດັບໂລກດ້ານການນຳໃຊ້ ໄມໂຄຣຊອບອອບຟີສປະຈຳປີ 2015 ແມ່ນເປັນການແຂ່ງຂັນການ ນຳໃຊ້ໄມໂຄຣຊອບອອບຟີສ: Microsoft Word 2010-2013, Microsoft Excel ແລະ Microsoft PowerPoint ປະຈຳປີ ສຳລັບນັກຮຽນ-ນັກສຶກສາທີ່ມີອາຍຸແຕ່ (13–22) ປີໃນທົ່ວໂລກ ການແຂ່ງຂັນໄດ້ຈັດຂຶ້ນໃນທົ່ວໂລກຜ່ານມາເປັນປີ​ທີ 14 ປີ ໂດຍແມ່ນກຸ່ມບໍລິສັດ Microsoft, Pearson ແລະ Certiport ເປັນອົງກອນນໍາຫນ້າດ້ານການສອບເສັງ ແລະ ການສະໜອງ ໃບຢັ້ງຢືນດ້ານເຕັກໂນໂລຊີຂ່າວສານ (IT) ໃຫ້​ນັກ​ຮຽນ-ນັກ​ສຶກ​ສາ​ທົ່ວໂລກເປັນຜູ້ຈັດການແຂ່ງຂັນ

ສຳຫຼັບປີ 2015 ການຈັດຕັ້ງການແຂ່ງຂັນໄດ້ຈັດຂຶ້ນທີ່ Gaylord Texan Resort Hotel ມີຕົວແທນ ນັກຮຽນ-ນັກສຶກສາ ປະ​ມານ 300 ຄົນ ທີ່​ມາ​ຈາກ 80 ປະ​ເທດ ທີ່​ຜ່ານ​ເກນ​ມາດ​ຕະ​ຖານເຂົ້າຮ່ວມການແຂ່ງຂັນ MOSWC ໃນຄັ້ງນີ້.

ເງື່ອນໄຂຜູ້ທີ່ໄດ້ເຂົ້າຮ່ວມການສອບເສັງແມ່ນຕ້ອງໄດ້ຜ່ານການຄັດເລືອກໃນສອງຮອບພາຍໃນແຕ່ລະປະເທດ ແລະ ສອບເສັງຕາມເງື່ອນໄຂ ແລະ ຂໍ້ສອບ ຂອງ Microsoft ຜູ້ທີ່ໄດ້ຄະແນນ 700 ຂຶ້ນໄປຈິ່ງມີໂອກາດໄປຮ່ວມ ການແຂ່ງຂັນທີ່ສະຫະລັດ. ສຳຫຼັບ ສປປ ລາວ ແມ່ນໄດ້ດຳເນີນການສອບເສັງຕາມ ເງື່ອນໄຂຂອງ Microsoft ຄືໄດ້ ດຳເນີນການສອບເສັງເປັນສອງຮອບ ຈັດຂຶ້ນຢູ່ 6 ​ແຂວງຄື: ນະຄອນຫຼວງ​ວຽງ​ຈັນ, ຫຼວງ​ພະ​ບາງ, ຈຳປາ​ສັກ ​ແລະ ສະຫວັນ​ນະ​ເຂດ, ຊຽງຂວາງ ແລະ ແຂວງວຽງຈັນ ເຊິ່ງມີຜົນໄດ້ຮັບເບື້ອງຕົ້ນ ມີລາຍລະອຽດດັ່ງນີ້:

ຮອບ​ທີ​ໜຶ່ງ: ຈັດການສອບເສັງ​​​ໃນ 6 ສູນຄື:

-       ວັນ​ທີ 14 ກຸມພາ 2015 ສອບເສັງທີ່ແຂວງຫຼວງພະບາງ ແລະ ແຂວງສະຫວັນນະເຂດ

-       ວັນທີ 21 ກຸມພາ 2015 ສອບເສັງທີ່ແຂວງຊຽງຂວາງ ແລະ ແຂວງຈຳປາສັກ

-       ວັນທີ 28 ກຸມພາ 2015 ສອບເສັງທີ່ແຂວງວຽງຈັນ ແລະ ນະຄອນຫຼວງວຽງຈັນ

ມີນັກຮຽນ-ນັກສຶກສາເຂົ້າຮ່ວມການສອບເສັງ 800 ກວ່າຄົນ, ການສອບເສັງລວມມີ 4ຂົງເຂດຄື Microsoft Office Word, Microsoft Office Excel, Power Point ແລະ Adobe ສຳລັບນັກຮຽນ-ນັກສຶກສາລາວໄດ້ສອບເສັງໃນສອງຫົວຂໍ້ຄື Word 2010 ແລະ Excel 2010

-       ຜ່ານການສອບເສັງໃນຄັ້ງທີ ໜຶ່ງນັກຮຽນ-ນັກສຶກສາລາວສາມາດຜ່ານເກນມາດຕະຖານໄດ້ຖິ 8ຄົນ (ໄດ້ຄະແນນ 700 ຂຶ້ນໄປ)

ຮອບ​ທີ​ສອງ: ແມ່ນຮອບຊິງຊະນະເລີດລະດັບປະເທດ ຈັດການສອບເສັງຂຶ້ນໃນວັນ​ທີ 4 ເມສາ 2015 ທີ່ສູນ IIG Lao ທີ່ນະຄອນຫຼວງ​ວຽງ​ຈັນ​

ຜູ້​ທີ່ໄດ້​ຄະ​ແນນ​ສູງສຸດ Microsoft OfficeWord 2010 ແມ່ນ

  1.     ທ້າວ ພິລະພົນ ອິນທະວົງສາ ມາຈາກມັດທະຍົມຕອນປາຍໂພນສະຫວັນ ແຂວງສະຫວັນນະເຂດ ໄດ້ 945ຄະແນນໃຊ້ເວລາ 20.02ນາທີ 
  2.     ທ້າວ ອຸດົມສະຫວັນ ໄຊຍະວົງ ຈາກຄະນະວິຊາວະກຳສາດ ມະຫາວິທະຍາໄລແຫ່ງຊາດ() ໄດ້ 945ຄະແນນ ໃຊ້ເວລາ 22.25ນາທີ
  3.     ທ້າວ ທ້ອງ ທ່າວ ມາຈາກມັດທະຍົມສົມບູນ ຫຼັກ 52 ແຂວງວຽງຈັນ ໄດ້ 918ຄະແນນໃຊ້ເວລາ23.75ນາທີ
  4.     ​ທ້າວ ແອບເປີນ ແກ້ວລາຊະວົງ ມາຈາກຄະນະນິຕິສາດ-ລັດຖະສາດ ມະຫາວິທະຍາໄລຫ່ງຊາດ ໄດ້ 836ຄະແນນ ໃຊ້ເວລາ 19.58ນາທີ
  5.     ທ້າວ ໄຊຊະນະ ດວງພະຈັນ ມາຈາກມັດທະຍົມຕອນປາຍໂພນສະຫວັນ ແຂວງສະຫວັນນະເຂດ ໄດ້ 700ຄະແນນ ໃຊ້ເວລາ 38.45ນາທີ

ຜູ້ທີ່ໄດ້​ຄະ​ແນນ​ສູງສຸດ Microsoft OfficeExcel 2010 ແມ່ນ

  1.     ທ້າວ ແສງໄຊ ໄຊຍະຈັກ ຈາກມະຫາວິທະຍາໄລ ສະຫວັນນະເຂດໄດ້ 950 ຄະແນນໃຊ້ເວລາ 28.98 ນາທີ
  2.     ທ້າວ ສຸກສະຫວັນ ໄຊປະເສີດ ມາຈາກຄະນະເສດຖະສາດ ມະຫາວິທະຍາໄລຫ່ງຊາດ ໄດ້750 ໃຊ້ເວລາ 40.57ນາທີ
  3.        ຖ້າທຽບໃສ່ປີ 2014 ທົ່ວປະເທດມີຜູ້ດຽວທີ່ມີຄະແນນຜ່ານເກນມາດຕະຖານຂອງສາກົນ ມາຮອດໃນປີ 2015 ນັກຮຽນ-ນັກສຶກສາລາວສາມາດຜ່ານເກນມາດຕະຖານສາກົນໄດ້ 7 ຄົນ, ທັງ7 ຄົນນີ້ໄດ້ຮັບໃບຢັ້ງຢືນຈາກ Microsoft ແລະ ໃບ​ຍ້ອງຍໍ​ຈາກ​ທ່ານ ຮອງ​ນາ​ຍົກ ລັດ​ຖະ​ມົນ​ຕີ​ວ່າ​ການ​ກະ​ຊວງ​ສຶກ​ສາ​ທິ​ການ ແລະ ກິ​ລາ ຢ່າງ​ສົມ​ກຽດ

ຕາມລະບຽບການຂອງ Microsoft ແລະ Certiport ໄດ້ວາງເກນມາດຕະຖານແມ່ນ 700 ຂຶ້ນໄປຈິ່ງສາມາດ ເຂົ້າ​ຮ່ວມການທົດສອບໃນລະດັບນາໆຊາດ ເປັນຮອບ​ທີ​ສາມ ໄດ້ຈັດຂຶ້ນໃນວັນ 9-12 ສິງຫາ 2015 ​​ທີ່ລັດເທັກຊັດ ສະຫະລັດ​ອະ​ເມ​ລິ​ກາ ​ສຳ​ຫຼັບຕົວແທນນັກຮຽນ-ນັກສຶກສາ ສປປ ລາວ ​ຜູ້​ທີ່ໄດ້ຄະແນນສູງສຸດຂອງແຕ່ລະສາຍແມ່ນໄດ້ຮັບກຽດທີ່ Microsoftເຮັດໜັງສືສະເໜີເຊີນເຂົ້າຮ່ວມການແຂ່ງຂັນດັ່ງກ່າວ ປະກອບດ້ວຍ:​ ທ້າວ ແສງໄຊ ໄຊຍະຈັກ, ທ້າວ ພິລະພົນ ອິນທະວົງ ແລະ ທ້າງ ອຸດົມສະຫວັນ ໄຊຍະວົງ ນັກຮຽນ-ນັກສຶກສາທັງສາມ ເປັນຕົວແທນລະດັບປະເທດ ທີ່ຈະໄດ້ເຂົ້າຮ່ວມການທົດສອບກັບ ນາໆຊາດ ທີ່ມີ 80 ປະເທດສົ່ງຕົວແທນເຂົ້າຮ່ວມ.

ຮອບທີສາມ : ແມ່ນຈັດຂຶ້ນໃນວັນທີ 9-12 ສິງຫາ 2015 ທີ່ສະຫະລັດອາເມລິກາ ການສອບເສັງໄດ້ຈັດອອກເປັນ 4 ຂົງເຂດຫຼັກຄື:

  • Microsoft Office Specialist Word 2010-13
  • Microsoft Office Specialist Excel2010-13
  • Microsoft Office Specialist PowerPoint2010-13
  • Microsoft Office Specialist Adobe2010

ນັກສຶກສາຈາກ ສປປ ລາວໄດ້ຮ່ວມການສອບເສັງວິຊາ Microsoft Office Specialist Word 2010 ແລະMicrosoft Office Specialist Excel2010

ພາສາທີ່ນຳໃຊ້ເຂົ້າໃນການສອບເສັງປະກອບມີ 12 ພາສາ English – French – Spanish – Italian – Greek – Dutch - Portuguese (Brazilian) –Japanese - Chinese (Simplified) - Chinese (Traditional)- Korean ແລະ Arabic.

ຫົວບົດສອບເສັງ ແລະ ເວລາທີ່ກຳນົດ:

ເນື້ອໃນສອບເສັງ ຈຳນວນຄຳຖາມ ໄລຍະເວລາ ຄະແນນສູງສຸດ ຄະແນນຜ່ານເກນ
Microsoft Word 2010 20 50 1000 700
Microsoft Excel2010 18 50 1000 700
MicrosoftPowerPoint2010 40 50 1000 700
Microsoft Office Specialist Adobe 2010 ການ​ອອກ​ແບບ 180 1000 700

ຜົນ​ທີ່ໄດ້​ຮັບ​ຈາກ​ການເຂົ້າຮ່ວມການ​ສອບ​ເສັງຄັ້ງນີ້​ ເ​ຖິແມ່ນວ່າ​ທີນັກສຶກສາລາວບໍ່ໄດ້ຮັບຫຼຽນຄຳ-ຫຼຽນເງິນ ແລະ ຫຼຽນທອງໃນການສອບເສັງຄັ້ງນີ້ແຕ່ຍັງໄດ້ຮັກສາຄະແນນໃນເກນມາດຕະຖານໄດ້ໃນລະຫວ່າງ 900-1000ຄະແນນ ແຕ່ເວລາທຽບກັບຜູ້​​ອື່ແມ່ນບໍ່ທັນເຂົາເຈົ້າ ແລະ ໄດ້ຮັບໃບຢັ້ງຢືນຈາກຄະນະກຳມະການສອບເສັງເທິງເວທີລະດັບນາໆຊາດ.

ຜ່ານການສອບເສັງໃນຄັ້ງນີ້ແມ່ນ​ມີບົດຮຽນ ແລະ ປະສົບການທີ່ນຳມາຊ້ ແລະ ສົ່ງເສີມ​ການ​ຮຽນ-ການ​ສອນໄອທີໃນໂຮງຮຽນສາມັນ ເປັນຕົ້ນແມ່ນ ການນຳຊ້ໄອທີ ​ Microsoft Office ເຂົ້າໃນວຽກງານຂອງ ທຸກຂະແໜງການເພື່ອພັດທະນາເສດຖະກິດ-ສັງຄົມຂອງແຕ່ລະປະເທດ ການ​ທົດ​ສອບ​ນີ້​ແມ່ນ​ຊ້ມາດຕະຖານ​ຂອງ​ Microsoft ອົງ​ກອນ​ປະກັນ​ຄຸນະພາບ​ການ​ສຶກສາ​ທີ່ເປັນ​ມາດຕະຖານ​ຕົ້ນ​ແບບ​ຂອງ​ຫຼາຍ​ປະ​ເທດ​ໃນ​ໂລກ, ຜ່ານການ​ທົດ​​ສອບ-ສອບເສັງ ໃນຄັ້ງນີ້ ​ເຮົາ​ຈະ​ເຫັນ​ໄດ້​ວ່າ​ຈຸດ​ດີ​ຈຸດ​ແຂງ ​ແລະ ຈຸດ​ອ່ອນ​ຂອງ​ການ​ຈັດການ​ຮຽນ-ການ​ສອນ​ສອງ​ວິຊາ​ໄອທີໃນ ສປປ ລາວ ​ເມື່ອ​ທຽບ​ກັບ​ພາກ​ພື້ນ ​ແລະ ສາກົນ​ ເຫັນໄດ້​ຜູ້​ຮຽນ​ຂອງເຮົາ​ຢືນ​ຢູ​ໃນ​ລະດັບ​ໃດ? ​ເພື່ອ​ເປັນ​ບ່ອນ​ອີງ​ໃນ​ການ​ແກ້​ໄຂ​ປັບປຸງ​ດ້ານ​ຕ່າງໆ​ທີ່ເຫັນວ່າ​ມີ​ຄວາມ​ຈຳ​ເປັນ​ເພື່ອ​ເຊື່ອມ​ຍົງ​ກັບ​ພາກ​ພື້ນ ​ແລະ ສາກົນ​ໄດ້.

ບົດຮຽນທີ່ຖອດຖອນໄດ້:

-             ໂດຍໄດ້ຮັບການເຫັນດີອະນຸມັດຈາກການຈັດຕັ້ງຂັ້ນເທິງ,ການມີສ່ວນຮ່ວມຈາກຫຼາຍພາກສ່ວນ,ເປັນຄັ້ງສອງ ທີ່ ສປປ ລາວ ມີຜູ້ເຂົ້າຮ່ວມການສອບເສັງ ໃນລະດັບໂລກ, ຖິງວ່າຈະບໍ່ໄດ້ຮັບຫຼຽນ ແຕ່ນັກສຶກສາຂອງລາວກໍສາມາດເອົາໃຈ ຈາກຄະນະກຳມະການໄດ້ ແລະ ກໍໄດ້ຮັບໃບຢັ້ງຢືນຈາກ ອົງກອນລະດັບ ໂລກຄື : Microsoft ແລະ Pearson VUE.

      ກົມວິຊາການ ແລະ ພາກສ່ວນທີ່ກ່ຽວຂ້ອງ ພະນັກງານວິຊາການໄດ້ຮັບຮູ້ເຖິງທິດສະດີ, ວິທີການຈັດຕັ້ງ, ການປະສານງານ, ປະຊາສຳພັນກັບ ອົງກອນທີ່ກ່ຽວຂ້ອງລະດັບພາກພື້ນ ແລະ ສາກົນ ໃນການທົດສອບຄວາມຮູ້ຜູ້ຮຽນດ້ານຕ່າງໆເປັນຕົ້ນແມ່ນດ້ານພາສາອັງກິດ ແລະ ດ້ານໄອທີ ສອງວິຊາທີ່ ສາມາດເຊື່ອມຍົງກັບສາກົນດີທີ່ສຸດ.

-                 ເປັນບ່ອນອີງໃນການປະສານງານກັບອົງກອນຕ່າງໆພາຍໃນ ແລະ ຕ່າງປະເທດໃນການຂໍການສະໜັບສະໜູນ ດ້ານກວດສອບ, ການທົດສອບຄວາມຮູ້ ຜູ້ຮຽນ ແລະ ການຮັບຮອງຄຸນນະພາບການສຶກສາໃຫ້ໄປຕາມ ທ່າອ່ຽງຂອງພາກພື້ນ ແລະ ສາກົນ.

-                  ການ​ຮ່ວມ​ມື​ດ້ານ​ວິຊາ​ການ​ລະຫວ່າງສູນປະກັນຄຸນນະພາບການສຶກສາ ແລະ ອົງ​ກອນໄອໄອຈີລາວ-ໄອໄອຈີ ຫວຽດນາມໃນ​ຂົງ​ເຂດ​ດັ່ງກ່າວ​​ເປັນ​ຜົນ​ປະ​ ໂຫຍ​ດ​ໃນ​ການ​ປັບປຸງ​ດ້ານ​ການ​ຮຽນ-ການ​ສອນ​ພາສາ​ອັງກິດ ​ແລະ ​ໄອ​ທີ ​ໃຫ້​ນັກຮຽນ​ໃນ​ທຸກ​ຊັ້ນ​ທຸກ​ສາຍ​ທັງ​ພາກ​ລັດ ​ແລະ ພາກ​ເອກະ​ຊົນ ​ເຮັດ​ໃຫ້ການ​ສຶກສາ​ຂອງ​ລາວ​ກ້າວ​ໄປ​ສູ່​ຄຸນນະພາບ​ທຽມ​ທັນ​ກັບ​ພາກ​ພື້ນ ແລະ ສາກົນເທື່ອລະກ້າວ.

-         ຜົນສຳເລັດໃນຄັ້ງນີ້ແມ່ນມີການຊີ້ນຳນຳພາຢ່າງໃກ້ສິດຈາກການນຳກະຊວງສຶກສາທິການ ແລະ ກິລາ ແລະ ການປະກອບສ່ວນດ້ານທຶນຮອນອັນ ໃຫຍ່ຫຼວງຈາກພາກລັດ,ຈາກບໍລິສັດ, ​ຈາກອົງການຈັດຕັ້ງທາງສັງຄົມໃຫ້ການ ສະໜັບສະໜູນໃນການຈັດຕັ້ງການສອບເສັງໃນຄັ້ງນີ້.

ຂໍ້ສະເໜີ ແລະ ທິດທາງໃນຕໍ່ໜ້າ    

      ເພື່ອເຮັດໃຫ້ຂະບວນການສົ່ງເສີມການຮຽນວິຊາໄອທີເພື່ອນຳໃຊ້ເຂົ້າໃນວຽກງານຕົວຈິງ ແລະ ຊີວິດຈິງມີຄວາມຈຳເປັນຈະຕ້ອງມີການສະຫຼຸບຖອດຖອນບົດຮຽນໃນການ ຈັດຕັ້ງ ປະຕິບັດການທົດສອບດັ່ງກ່າວເພື່ອເປັນບົດຮຽນໃນການປັບປຸງແກ້ໄຂວິທີການຈັດຕັ້ງການທົດສອບ,ບັນຫາ ຈຸດດີ,ຈຸດທີ່ຕ້ອງແກ້ໄຂໃນຕໍ່ໜ້າ ທັງເປັນບ່ອນອີງໃນການເບິ່ງ ຄືນຫຼັກສູດການຮຽນ-ການສອນ ວິຊາໄອທີ,ການສິດສອນຂອງຄູ ແລະ ມາດຕະຖານການຮັບຮອງໄອທີໃນແຕ່ລະຊັ້ນແຕ່ລະສາຍໃຫ້ສອດຄ່ອງ ກັບທ່າອ່ຽງຂອງພາກພື້ນ ແລະ ສາກົນ.

ເມື່ອຄັດເລືອກໄດ້ຜູ້ທີ່ເກັ່ງໄປສອບເສັງໃນລະດັບສາກົນຕ້ອງມີການຝຶກອົບຮົມເຂັ້ມກ່ອນອອກເດີນທາງຄືກັບປະເທດ​ອື່ນໆເພື່ອກຽມຄວາມພ້ອມໃນທຸກດ້ານ.

ການປະສານກັບພາກສ່ວນທີ່ກ່ຽວຂ້ອງ​ບໍ່ທັນຮັດກຸເຮັດ​ໃຫ້ນັກຮຽນຜູ້ໜຶ່ງ​ບໍ່ໄດ້​ວີຊເຂົ້າຮ່ວມການສອບເສັງ.

    ສະເໜີຕໍ່ການຈັດຕັ້ງຂັ້ນເທິງໃຫ້ການສະໜັບສະໜູນໃຫ້ມີທີມນັກຮຽນ-ນັກສຶກສາລາວມີໂອກາດສືບຕໍ່ເຂົ້າຮ່ວມການແຂ່ງຂັນໃນເວທີສາກົນຕື່ມເພື່ອເປັນການ ຊຸກຍູ້ຂະບວນການໃນໝູ່ນັກຮຽນ-ນັກສຶກສາໃຫ້ເອົາໃຈໃສ່ຮ່ຳຮຽນ ເຮັດໃຫ້ການສຶກສາຂອງລາວມີຄວາມຈະເລີນກ້າວໜ້າທຽມທັນກັບນາໆຊາດໃນຕໍ່ໜ້າ.

1

2

 ພິ​ທີ​ປິດ​ການ​ແຂ່ງ​ຂັນລະ​ດັບ​ປະ​ເທດ

ຄະ​ນະ​ນຳ​ກະ​ຊວງ​ສຶກ​ສາ​ທິ​ການ ແລະ ກິ​ລາ

ໂອ້​ລົມ​ຕັກ​ເຕືອນ​ທີມ​ງານ​ກ່ອນ​ອອກ​ເດີນ​ທາງ

4

5

 ຄະ​ນະ​ຮັບ​ຜິດ​ຊອບ​ການ​ສອບ​ເສັງ: (MOSWC) Microsoft, Pearson ແລະCertiport

 ທຸງ​ຊາດ​ລາວ​ໃນ​ເວ​ທີ​ສາ​ກົນ

7

8

ນັກ​ສຶກ​ສາ​ລາວ​ໃນ​ເວ​ທີ​ສາ​ກົນ

ນັກ​ສຶກ​ສາ​ລາວ​ໃນ​ເວ​ທີ​ສາ​ກົນ