ຜູ້ເຂົ້າຊົມ

099887
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມມື້ນີ້
21
72
220
99134
1244
2207
99887

Your IP: 54.159.187.17
Server Time: 2017-01-18 02:13:58

MiniCalendar

January 2017
SMTWTFS
1234567
891011121314
15161718192021
22232425262728
293031

ກ່ຽວກັບສູນປະກັນຄຸນນະພາບ

ສູນຮັບປະກັນຄຸນນະພາບການສຶກສາ ຂຽນດ້ວຍຕົວອັກສອນຫຍໍ້ວ່າ "ສປຄ" ເຊິ່ງເປັນກົງຈັກການຈັດຕັ້ງວິຊາການທີ່ຂຶ້ນກັບກະຊວງສຶກສາທິການ.

ອີງຕາມ ມະຕິກອງປະຊຸມໃຫຍ່ຄັ້ງທີ VIII ຂອງພັກໄດ້ກຳນົດແຜນນະໂຍບາຍໃຫຍ່ຕໍ່ບັນດາຂົງເຂດວຽກງານ, ໃນນັ້ນຕໍ່ວຽກງານການພັດທະນາຊັບພະຍາກອນມະນຸດ ໄດ້ກຳນົດວ່າ: ພວກເຮົາສືບຕໍ່ຖືເອົາວຽກງານການສຶກສາເປັນວຽກງານຈຸດສຸມໃຈກາງ ຂອງການພັດທະນາຊັບພະຍາກອນມະນຸດ. ຮີບຮ້ອນດຳເນີນການປະຕິຮູບລະບົບການສຶກສາແຫ່ງຊາດ ໃຫ້ມີ ຄຸນນະພາບ ແລະ ມີມາດຕະຖານສູງຂຶ້ນ, ເພື່ອຕອບສະໜອງ ກັບຄວາມຮຽກຮ້ອງຕ້ອງການ ຂອງການພັດທະນາເສດຖະກິດ-ສັງຄົມ, ກໍ່ຄືຄວາມຮຽກຮ້ອງຕ້ອງການ ຂອງການເຊື່ອມໂຍງເຂົ້າກັບພາກພື້ນ ແລະ ສາກົນເທື່ອລະກ້າວ.

ມະຕິກອງປະຊຸມຜູ້ບໍລິຫານການສຶກສາ ທົ່ວປະເທດປະຈຳປີ 2008 ໄດ້ກຳນົດວ່າ: ພັດທະນາລະບົບການປະກັນຄຸນນະພາບ ທັງພາກລັດ ແລະ ພາກເອກະຊົນ ໃຫ້ສອດຄ່ອງກັບແຜນປະຕິຮູບລະບົບການສຶກສາແຫ່ງຊາດ. ທັງຄົ້ນຄວ້າ ແລະປັບປຸງລະບຽບການສອບເສັງ ໃຫ້ທຸກຊັ້ນທຸກສາຍ, ລະບຽບການ ສັບຊ້ອນນັກຮຽນ-ນັກສຶກສາ ໃຫ້ສອດຄ່ອງ, ໂປ່ງໃສ ແລະເປັນທຳ, ຈິ່ງມີຄວາມຈຳເປັນຕ້ອງມີ ລະບົບການຮັບປະກັນຄຸນນະພາບການສຶກສາ ເພື່ອໃຫ້ ເກີດຄວາມໝັ້ນໃຈວ່າ ຜູ້ຮຽນບໍ່ວ່າຈະຢູ່ໃນທ້ອງຖິ່ນໃດກໍຕາມ ຈະໄດ້ຮັບການສຶກສາທີ່ມີຄຸນນະພາບໃກ້ຄຽງກັນ.

 

ການນຳກະຊວງສຶກສາທິການ ໄດ້ອະນຸມັດສ້າງຕັ້ງ ສູນຮັບປະກັນຄຸນນະພາບ ຂຶ້ນເມື່ອວັນທີ 22 ເມສາ 2008 ພາຍໃຕ້ຂໍ້ຕົກລົງ ຂອງລັດຖະມົນຕີວ່າການກະຊວງສຶກສາທິການ ແລະ ກິລາ ວ່າດ້ວຍການຈັດຕັ້ງ ແລະ ເຄື່ອນໄຫວ ຂອງສູນຮັບປະກັນຄຸນນະພາບການສຶກສາ ສະບັບເລກທີ 1438/ສສ.ຈຕ ລົງວັນທີ 10 ກໍລະກົດ 2008 ເພື່ອເປັນເສນາທິການ ໃຫ້ກະຊວງ ໃນການກວດສອບ, ການປະເມີນຄວາມຮູ້ຂອງຜູ້ຮຽນ ແລະ ການປະກັນຄຸນນະພາບການສຶກສາ ໃຫ້ສະຖານສຶກສາທຸກຊັ້ນ ທຸກສາຍ ທັງພາກລັດ ແລະ ເອກະຊົນ ຕາມມາດຕະຖານ ທີ່ກະຊວງວາງອອກ 

ໄລຍະການຮ່ວມຕົວກັນລະຫວ່າງສຶກສາ ແລະ ກິລາໄດ້ມີການປັບປຸງພາລະບົດບາດຄືນໃໝ່ ສະບັບເລກທີ 3481/ສສກ.ຈຕ ລົງວັນທີ 10/09/2012 ແລະ ຫຼັງຈາກນັ້ນໄດ້ປ່ຽນຊື່ມາເປັນສູນປະກັນຄຸນນະພາບການສຶກສາ ເປັນເສນາທິການໃຫ້ແກ່ລັດຖະມົນຕີ ແລະ ຄະນະນຳກະຊວງ.